Jeremías 3:21 - Li Santil hu

²¹ Qui-abi̱c xya̱b cux saꞌ eb li tzu̱l. Aꞌan xya̱b xcuxeb laj Israel nak yo̱queb chi ya̱bac ut yo̱queb chixtzꞌa̱manquil xtenkꞌanquileb chicuu. Xeꞌxba̱nu li ma̱usilal ut xineꞌxtzꞌekta̱na la̱in li Ka̱cuaꞌ lix Dioseb.

Q'eqchi Bible

²¹ “Na'ab'imank xyaab' kuxej sa' xb'eeneb' li t'ojoch aj tzuul: a'aneb' laj Israel li yookeb' chi yaab'ak re xtz'aamankil xkuyb'al xmaakeb'. Xe'xjal xb'eheb' ut xinsachk sa' xch'ooleb'; xine'xtz'eqtaana laa'in li Qaawa', li xYoseb'.

Jeremías 3:21 ပူးပေါင်းရင်းမြစ်များ

2 Corintios 7:10

Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

Jeremías 31:9

Yo̱keb chi tijoc ut yo̱keb chi ya̱bac nak yo̱keb chi sukꞌi̱c. Tincꞌameb chireheb li rok haꞌ saꞌ li be ti̱c ru. Ut incꞌaꞌ teꞌxtich li rokeb. Tinba̱nu chi joꞌcan xban nak la̱in lix yucuaꞌeb laj Israel ut laj Efraín, aꞌan li xbe̱n cualal.

Jeremías 3:2

Ilomakeb li tzu̱l. ¿Ma cuan ta biꞌ junak naꞌajej li incꞌaꞌ xelokꞌoniheb cuiꞌ li jalanil dios? Xecꞌojob e̱rib chire li be roybeninquileb li te̱lokꞌoniheb. Chanchanex laj árabe li naroybeni ani tixchap saꞌ li chaki chꞌochꞌ. La̱ex xemux ru li naꞌajej xban nak xelokꞌoniheb li jalanil dios.

Jeremías 2:32

¿Ma naxtzꞌekta̱na ta biꞌ lix kꞌol junak li sa̱j ixk? ¿Ma naxtzꞌekta̱na ta biꞌ lix sahob ru junak li tukꞌ ixk li oc re chi sumla̱c? Abanan, la̱ex lin tenamit junxil nequex-oc chintzꞌekta̱nanquil.

Isaías 17:10

La̱ex aj Israel, xetzꞌekta̱na li Ka̱cuaꞌ laj colol e̱re. Incꞌaꞌ xepatzꞌ e̱tenkꞌanquil re li Dios li chanchan li sako̱nac li xecol cuiꞌ raj e̱rib. Xerau ban li acui̱mk chꞌinaꞌus re xqꞌuebal xlokꞌal li jalanil dios.

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

Miqueas 3:9

Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Oseas 13:6

Abanan nak xexcuulac saꞌ li cha̱bil chꞌochꞌ, cuan chic cꞌaꞌru e̱re ut xextzacan chi us. Xban nak tzꞌakal chic li cꞌaꞌru e̱re cuan, xenimobresi e̱rib ut incꞌaꞌ chic xine̱cꞌoxla.

Oseas 8:14

Xsach saꞌ xchꞌo̱leb laj Israel nak la̱in quiyoꞌobtesin reheb. Yo̱queb chixyi̱banquil lix ni̱nkal ru cab xnaꞌajeb lix dioseb. Ut eb laj Judá queꞌxyi̱b lix ni̱nkal ru tenamit ut queꞌxcauresi re nak cauhakeb rib. Abanan la̱in tintakla chak xam saꞌ xbe̱neb ut ta̱cꞌatekꞌ lix naꞌaj lix dioseb ut teꞌcꞌatekꞌ ajcuiꞌ lix ni̱nkal ru tenamit li xeꞌxyi̱b, chan li Dios.

Ezequiel 23:35

Joꞌcaꞌin naxye li nimajcual Dios: —Xban nak quine̱tzꞌekta̱na ut incꞌaꞌ chic niquine̱cꞌoxla, joꞌcan nak texinqꞌue chixtojbal le̱ ma̱c ut li ma̱usilal li xeba̱nu.—

Ezequiel 7:16

Cuanqueb li teꞌe̱lelik saꞌ eb li tzu̱l re xcolbal ribeb joꞌ li mucuy li nequeꞌcuan saꞌ li ru takꞌa. Chixjunileb yo̱keb chi ya̱bac xban li ma̱usilal queꞌxba̱nu.

Proverbios 19:3

Eb li cristian nequeꞌxtzꞌek rib xjuneseb rib xban li ma̱usilal nequeꞌxba̱nu. Abanan eb aꞌan nequeꞌxye nak aꞌ li Ka̱cuaꞌ cuan re nak joꞌcan nequeꞌxcꞌul.

Proverbios 10:9

Li ani cuan saꞌ ti̱quilal ma̱cꞌaꞌ naxxucua. Ut li ani naxba̱nu li incꞌaꞌ us, incꞌaꞌ ajcuiꞌ us na-el.

Li xHu LAJ JOB 33:27

Tixye, “La̱in xinma̱cob. La̱in xinba̱nu li incꞌaꞌ us. Abanan li Dios incꞌaꞌ xinixqꞌue chixtojbal lin ma̱c joꞌ incꞌulub.

Números 22:32

Lix ángel li Ka̱cuaꞌ quixpatzꞌ re laj Balaam: —¿Cꞌaꞌut nak xasacꞌ la̱ bu̱r oxib sut? La̱in cuanquin arin chixrambal a̱be xban nak incꞌaꞌ us li xic a̱cue chixba̱nunquil.

Isaías 57:11

Li Ka̱cuaꞌ quixye e̱re: —¿Cꞌaꞌut nak nequexxucuac xbaneb li yi̱banbil dios ut nequelokꞌoniheb? ¿Cꞌaꞌut nak xecanab inlokꞌoninquil xbaneb ut ninsach saꞌ e̱chꞌo̱l? Usta incꞌaꞌ xine̱lokꞌoni, aban chalen chak junxil yo̱quin chixcuybal. Joꞌcan nak incꞌaꞌ niquine̱xucua.

Jeremías 7:29

La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Jeremías 12:12

Saꞌ eb li tzu̱l quilajeꞌchal li queꞌsachoc ru lin naꞌaj. La̱in quintaklaheb li xicꞌ nequeꞌiloc reheb chi pletic riqꞌuineb ut chixsachbal ru chixjunil li naꞌajej. Ma̱ ani chic ta̱cua̱nk chi tuktu xchꞌo̱l.

Jeremías 13:25

Joꞌcaꞌin te̱cꞌul la̱ex aj Israel xban nak aꞌan li tenebanbil saꞌ e̱be̱n inban la̱in xban nak xine̱tzꞌekta̱na ut xecꞌojob e̱chꞌo̱l saꞌ xbe̱neb li yi̱banbil dios.

Jeremías 18:15

Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu.