Jeremías 3:19 - Li Santil hu

¹⁹ La̱ex aj Israel, la̱in xcuaj nak xexincꞌul chokꞌ cualal incꞌajol. Xinqꞌue e̱re jun li cha̱bil naꞌajej. Aꞌan li kꞌaxal cha̱bil chiru chixjunil li naꞌajej li cuan saꞌ ruchichꞌochꞌ. La̱in xcuaj nak te̱ye “At inyucuaꞌ” cue. Incꞌaꞌ xcuaj nak tine̱tzꞌekta̱na.

Q'eqchi Bible

¹⁹ “Laa'in kinye sa' inch'ool: «Relik chi yaal naq jo'kaqat li walal ut tink'e chaweechani jun ch'ina'usil na'ajej, a' li tenamit q'axal ch'ina'us sa' xyanqeb' chixjunil li na'ajej sa' ruuchich'och'». Ut kinye ajwi' sa' inch'ool: «At inyuwa', cha'qat we; maajoq'e raj chik tatnajto'q wik'in».

Jeremías 3:19 ပူးပေါင်းရင်းမြစ်များ

Jeremías 3:4

La̱ex yo̱quex chixba̱nunquil li ma̱usilal ut nequeye cue, “La̱at li kayucuaꞌ. Xoa̱ra chalen saꞌ kasa̱jilal.

Jeremías 31:9

Yo̱keb chi tijoc ut yo̱keb chi ya̱bac nak yo̱keb chi sukꞌi̱c. Tincꞌameb chireheb li rok haꞌ saꞌ li be ti̱c ru. Ut incꞌaꞌ teꞌxtich li rokeb. Tinba̱nu chi joꞌcan xban nak la̱in lix yucuaꞌeb laj Israel ut laj Efraín, aꞌan li xbe̱n cualal.

Isaías 63:16

At Ka̱cuaꞌ, la̱at li kayucuaꞌ usta laj Abraham ut laj Israel (Jacob) incꞌaꞌ queꞌxnau ku. La̱at li kayucuaꞌ. Ut la̱at laj Colol ke chalen chak najter.

Hebreos 10:39

Aban, la̱o ma̱cuaꞌo xcomoneb li nequeꞌxcanab xpa̱banquil li Dios. Eb aꞌan teꞌxic saꞌ xbalba. La̱o nakapa̱b li Dios ut tocolekꞌ.

Efesios 1:5

Xban nak nocoxra, joꞌcan nak quixsicꞌ chak ku re nak la̱ako chic li ralal xcꞌajol saꞌ xcꞌabaꞌ li Jesucristo. Quixba̱nu chi joꞌcan xban nak joꞌcan quiraj.

Gálatas 3:26

Anakcuan la̱ex chic ralal xcꞌajol li Dios che̱junilex xban nak xepa̱b li Jesucristo.

Oseas 11:8

¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

Daniel 11:45

Tixyi̱b lix muheba̱l saꞌ xya̱nkeb li cuib chi palau nachꞌ riqꞌuin li tzu̱l bar cuan cuiꞌ lix Templo li Ka̱cuaꞌ. Ut ta̱cuulak xkꞌehil nak ta̱osokꞌ li rey. Ut aran ta̱ca̱mk ut ma̱ ani chic ta̱tenkꞌa̱nk re.

Daniel 11:41

Nak yo̱keb chi xic saꞌ li sur, li soldado li teꞌcha̱lk saꞌ li norte teꞌoc saꞌ nabal chi tenamit chi pletic. Ut teꞌoc aran Israel saꞌ li naꞌajej yechiꞌinbil reheb lix tenamit li Dios. Ut teꞌxcamsi nabaleb laj Israel. Abanan eb li tenamit Edom ut Moab ut lix qꞌuialeb li ralal xcꞌajol laj Amón teꞌxcol ribeb chiruheb.

Daniel 11:16

Ut li rey li cuan saꞌ li norte tixba̱nu li cꞌaꞌru naraj riqꞌuineb. Ut ta̱cana̱k saꞌ li cha̱bil naꞌajej yechiꞌinbil reheb laj Israel ut chixjunil ta̱cana̱k saꞌ rukꞌ aꞌan ut ma̱ ani ta̱ru̱k ta̱colok reheb.

Daniel 8:9

Ut saꞌ jun reheb lix xucub qui-el jun chic li xucub caꞌchꞌin ut quiniman chi us. Aꞌan na-iloc saꞌ li sur ut saꞌ li este (sudeste) saꞌ xjayal li naꞌajej yechiꞌinbil reheb li ralal xcꞌajol li Dios.

Ezequiel 20:6

Saꞌ li cutan aꞌan la̱in quinye reheb riqꞌuin juramento nak la̱in teꞌcuisi saꞌ li naꞌajej Egipto ut tincꞌameb saꞌ jun cha̱bil naꞌajej li quinsicꞌ ru chokꞌ reheb li na-el cuiꞌ chi us li sahil echej. Aꞌan li kꞌaxal chꞌinaꞌus chiru chixjunil li naꞌajej.

Jeremías 31:20

Li Dios quixye: —¿Ma ma̱cuaꞌeb ta biꞌ cualal incꞌajol li ralal xcꞌajol laj Efraín? Aꞌaneb li kꞌaxal raro̱queb inban. Aꞌaneb li nequeꞌqꞌuehoc xsahil inchꞌo̱l. Usta ninkꞌuseb, abanan junelic cuanqueb saꞌ inchꞌo̱l. Nayotꞌeꞌ inchꞌo̱l xbaneb. Joꞌcan nak nacuuxta̱na ruheb, chan li Dios.

Jeremías 12:10

Nabaleb li jalan tenamit li cuanqueb xcuanquil xeꞌxsach ru lix naꞌaj li cuacui̱mk. Xeꞌxyekꞌi saꞌ rokeb li cuacui̱mk. Ut xeꞌxsukꞌisi lin cha̱bil naꞌaj joꞌ chaki chꞌochꞌ xban nak ma̱cꞌaꞌ chic cuan aran.

Jeremías 5:7

Li Ka̱cuaꞌ quixye: —¿Chanru nak tincuy tinsach le̱ ma̱c? Eb le̱ ralal e̱cꞌajol xineꞌxtzꞌekta̱na ut xeꞌxba̱nu li juramento saꞌ xcꞌabaꞌeb li jalanil dios li moco dioseb ta. La̱in quinqꞌuehoc re li cꞌaꞌru queꞌraj. Abanan eb aꞌan xeꞌxlokꞌoniheb li jalanil dios. Chanchan nak queꞌxmux ru lix sumlajiqueb ut queꞌco̱eb riqꞌuineb li ixk li nequeꞌxcꞌayi ribeb.

Isaías 64:8

Anakcuan ut, at Ka̱cuaꞌ, la̱at li kayucuaꞌ. La̱at aj e̱chal ke. La̱o chanchano li seb ut la̱at laj pacꞌonel. La̱at catyi̱ban ke riqꞌuin la̱ cuukꞌ. La̱at catyi̱ban chak ke chikajunilo.

Proverbios 3:35

Cha̱bil ta̱yehekꞌ chirixeb li cuanqueb xnaꞌleb. Abanan xuta̱nal teꞌxcꞌul li incꞌaꞌ nequeꞌxtau xnaꞌleb.

Salmos 106:24

Xban nak incꞌaꞌ queꞌxpa̱b li ra̱tin li Dios, eb laj Israel queꞌxtzꞌekta̱na li cha̱bil naꞌajej li quiqꞌueheꞌ raj reheb.

1 Pedro 1:17

La̱ex nequeye “at inYucuaꞌ” re li Dios nak nequextijoc. Ut li Dios natzꞌiloc a̱tin chirix li junju̱nk aꞌ yal chanru lix yehom xba̱nuhom. Aꞌan incꞌaꞌ naxsiqꞌueb ru. Jun xiquic ban naxba̱nu. Joꞌcan nak chexucua̱k ru li Dios junelic, aꞌ yal joꞌ najtil texcua̱nk saꞌ li ruchichꞌochꞌ aꞌin.

Salmos 16:6

Kꞌaxal nim la̱ cuusilal saꞌ inbe̱n, ut cꞌajoꞌ xlokꞌal li ma̱tan li ninyoꞌoni a̱cuiqꞌuin.

Salmos 89:26

Ut aꞌan tixye cue: At Ka̱cuaꞌ, la̱at lin yucuaꞌ. La̱at lin Dios. La̱at nacatcoloc cue ut la̱at nacattenkꞌan cue.

Jeremías 3:17

Saꞌ eb li cutan aꞌan li tenamit Jerusalén “Xcꞌojariba̱l li Ka̱cuaꞌ” chic tixcꞌabaꞌin. Ut chixjunileb li xni̱nkal ru tenamit teꞌxchꞌutub ribeb aran chixqꞌuebal inlokꞌal la̱in li Ka̱cuaꞌ. Ut incꞌaꞌ chic teꞌxcacuubresi xchꞌo̱leb chixba̱nunquil li ma̱usilal li queꞌxrahi ru xba̱nunquil junxil.

Jeremías 33:9

Cꞌajoꞌ nak ta̱sahokꞌ saꞌ inchꞌo̱l chirilbal li tenamit Jerusalén. Ut eb li jalan tenamit li cuanqueb saꞌ ruchichꞌochꞌ teꞌxqꞌue inlokꞌal ut teꞌxnima cuu. Nak teꞌrabi resil li us li yo̱quin chixba̱nunquil reheb, teꞌxucuak. Ut teꞌsach xchꞌo̱leb chirabinquil chanru nak xinqꞌueheb cuiꞌchic chi cua̱nc saꞌ tuktu̱quil usilal lin tenamit.

Deuteronomio 14:1

La̱ex ralal xcꞌajol li Ka̱cuaꞌ le̱ Dios. Joꞌcan nak incꞌaꞌ te̱set le̱ tibel xban xrahil e̱chꞌo̱l chirix junak camenak, chi moco te̱jo le̱ rismal li cuan saꞌ xbe̱n le̱ pe̱quem.