Jeremías 3:16 - Li Santil hu

¹⁶ Saꞌ eb li cutan aꞌan nak acak xextam ut nak acak xeꞌtam le̱ ralal e̱cꞌajol incꞌaꞌ chic tex-a̱tinak chirix lin Lokꞌlaj Ca̱x, chi moco te̱cꞌoxla, chi moco ta̱cꞌanjelak che̱ru, chi moco te̱yi̱b jalan chic.

Q'eqchi Bible

¹⁶ Ut naq akaq xexk'ihank ut xexnaab'alo'k sa' li tenamit, maajun chik taa'aatinaq chirix li xLoq'laj Kaaxil li xSumwank li Qaawa'; maajun chik taak'oxlaq chirix a'an ut ink'a' taapatz'manq chi moko taa'ak'ob'resimanq chik, xb'aan naq ink'a' chik taa'ajmanq ru -chan li Qaawa'-.

Jeremías 3:16 ပူးပေါင်းရင်းမြစ်များ

Ezequiel 37:26

La̱in tinba̱nu jun li contrato riqꞌuineb chi junelic re nak teꞌcua̱nk saꞌ tuktu̱quil usilal. Tinxakabeb saꞌ xnaꞌajeb ut tebinqꞌue chi qꞌuia̱nc. Ut tinqꞌue lin templo chi cua̱nc saꞌ lix naꞌajeb chi junelic.

Isaías 65:17

Qꞌuehomak retal. La̱in tinyi̱b jun acꞌ choxa ut tinyi̱b ajcuiꞌ jun li acꞌ ruchichꞌochꞌ. Incꞌaꞌ chic ta̱julticama̱nk li cꞌaꞌak re ru quilajnumeꞌ ut ma̱ ani chic ta̱cꞌoxlak chirix.

San Mateo 3:9

Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.

Jeremías 31:8

La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Jeremías 30:19

Ut eb li tenamit teꞌbicha̱nk re bantioxi̱nc ut teꞌbicha̱nk xban xsahileb xchꞌo̱l. Tebinqꞌue cuiꞌchic chi qꞌuia̱nc toj retal teꞌnabalokꞌ. Tinqꞌue cuiꞌchic xlokꞌaleb ut incꞌaꞌ chic teꞌtzꞌekta̱na̱k.

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.

Isaías 60:22

Usta incꞌaꞌ qꞌuihex, abanan texnabalokꞌ toj retal texcuulak jun nimla tenamit ut ta̱cua̱nk e̱cuanquil. La̱in li Ka̱cuaꞌ. La̱in tinba̱nu chixjunil aꞌin saꞌ junpa̱t nak ta̱cuulak xkꞌehil, chan li Dios.

San Mateo 1:11

Ut laj Josías, aꞌan xyucuaꞌ laj Jeconías joꞌ eb ajcuiꞌ li ri̱tzꞌin. Eb aꞌan queꞌcuan saꞌ eb li cutan nak eb laj Israel queꞌchapeꞌ ut queꞌcꞌameꞌ aran Babilonia.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Amós 9:9

Tincanabeb laj Israel chi chapecꞌ xbaneb li jalan xtenamit. Chanchan nak nachikꞌeꞌ li ru li trigo saꞌ li naꞌajej li natzꞌilman cuiꞌ ut ma̱ jun li ru cha̱bil natzꞌekeꞌ saꞌ chꞌochꞌ.

Jeremías 31:27

—Abihomak li tinye e̱re, chan li Ka̱cuaꞌ. Ta̱cuulak xkꞌehil nak la̱in tebinqꞌue cuiꞌchic chi ta̱mc li cristian joꞌ ajcuiꞌ li queto̱mk saꞌ li naꞌajej Israel ut saꞌ li naꞌajej Judá.

Jeremías 7:4

Me̱pa̱b li nequeꞌxye laj balakꞌ. Eb aꞌan nequeꞌxye, ‘Ma̱cꞌaꞌ takacꞌul xban nak arin cuan lix templo li Dios,’ chanqueb.

Jeremías 3:17

Saꞌ eb li cutan aꞌan li tenamit Jerusalén “Xcꞌojariba̱l li Ka̱cuaꞌ” chic tixcꞌabaꞌin. Ut chixjunileb li xni̱nkal ru tenamit teꞌxchꞌutub ribeb aran chixqꞌuebal inlokꞌal la̱in li Ka̱cuaꞌ. Ut incꞌaꞌ chic teꞌxcacuubresi xchꞌo̱leb chixba̱nunquil li ma̱usilal li queꞌxrahi ru xba̱nunquil junxil.

Ezequiel 15:5

Cui ma̱cꞌaꞌ xcꞌanjel nak toj tzꞌakal re ru, ¿ma tojaꞌ ta chic ta̱cꞌanjelak nak ac cꞌataleb chic?