Jeremías 3:13 - Li Santil hu

¹³ Caꞌaj cuiꞌ te̱qꞌue retal nak xexma̱cob chicuu la̱in li Ka̱cuaꞌ le̱ Dios ut te̱patzꞌ e̱cuybal. Xekꞌet li cua̱tin. Xelokꞌoniheb li jalanil dios rubeleb li ni̱nki cheꞌ. Ut incꞌaꞌ xeba̱nu li cꞌaꞌru xinye e̱re, chan li Dios.

Q'eqchi Bible

¹³ Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Jeremías 3:13 ပူးပေါင်းရင်းမြစ်များ

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Jeremías 3:6

Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Jeremías 2:25

La̱ex aj Israel, la̱in xinye e̱re, “me̱tacuasi e̱rib chixsicꞌbal li jalanil dios toj retal nak ta̱chakik e̱re”. Abanan la̱ex xeye, “Ma̱cꞌaꞌ xjalenquil. La̱o nakara li jalanil dios ut aꞌan li takalokꞌoni”, chanquex.

Deuteronomio 12:2

Te̱sach chi junaj cua chixjunileb li naꞌajej li nequeꞌxlokꞌoni cuiꞌ li jalanil dios eb li tenamit li te̱re̱chani. Te̱jucꞌ chi junaj cua lix artal li cuanqueb saꞌ eb li tzu̱l, ut saꞌ xbe̱n bol, joꞌ eb ajcuiꞌ li cuanqueb rubel li cheꞌ li ni̱nkeb xmu.

Jeremías 3:2

Ilomakeb li tzu̱l. ¿Ma cuan ta biꞌ junak naꞌajej li incꞌaꞌ xelokꞌoniheb cuiꞌ li jalanil dios? Xecꞌojob e̱rib chire li be roybeninquileb li te̱lokꞌoniheb. Chanchanex laj árabe li naroybeni ani tixchap saꞌ li chaki chꞌochꞌ. La̱ex xemux ru li naꞌajej xban nak xelokꞌoniheb li jalanil dios.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Ezequiel 16:15

Abanan cacꞌojob a̱chꞌo̱l saꞌ xbe̱n la̱ chꞌinaꞌusal ut catsukꞌi joꞌ jun ixk naxcꞌayi rib xban nak naꞌno a̱cuu. Cakꞌaxtesi a̱cuib reheb li joꞌ qꞌuial queꞌnumeꞌ cuancat cuiꞌ.

Jeremías 14:20

At Ka̱cuaꞌ, la̱o xoma̱cob cha̱cuu. Nakanau nak incꞌaꞌ us xkaba̱nu. Ut queꞌma̱cob ajcuiꞌ cha̱cuu eb li kaxeꞌto̱nil yucuaꞌ.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Nehemías 9:2

Queꞌrisi ribeb saꞌ xya̱nkeb li ma̱cuaꞌeb aj Israel. Queꞌxxakab ribeb ut queꞌxye: —Xoma̱cob la̱o ut queꞌma̱cob ajcuiꞌ chak li kaxeꞌto̱nil yucuaꞌ, chanqueb.

Isaías 57:5

¿Ma ma̱cuaꞌ ta biꞌ la̱ex li nequeba̱nu li moco uxc ta naraj rubeleb li ni̱nki cheꞌ re xlokꞌoninquil le̱ yi̱banbil dios? ¿Ma incꞌaꞌ ta biꞌ nequemayeja le̱ cocꞌal saꞌ eb li ochoch pec ut saꞌ eb li ru takꞌa?

Jeremías 14:10

Aꞌan aꞌin li naxye li Ka̱cuaꞌ chirixeb li tenamit Israel: —Eb li tenamit aꞌin incꞌaꞌ tuktu xchꞌo̱leb cuiqꞌuin. Cocꞌ aj xsaꞌ nequeꞌxjal xcꞌaꞌuxeb. Incꞌaꞌ nacuulac chicuu li cꞌaꞌru nequeꞌxba̱nu. Cuan saꞌ inchꞌo̱l li ma̱usilal li nequeꞌxba̱nu. Joꞌcan nak la̱in tinqꞌueheb chixtojbal lix ma̱queb, chan li Dios.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Jeremías 7:24

Abanan eb aꞌan incꞌaꞌ queꞌraj xba̱nunquil li cꞌaꞌru quinye. Queꞌxcacuubresi ban lix chꞌo̱leb. Queꞌxba̱nu li ma̱usilal li queꞌraj xba̱nunquil xjuneseb. Incꞌaꞌ queꞌabin chicuu. Kꞌaxal cuiꞌchic nabal li ma̱usilal queꞌxba̱nu.

Jeremías 7:26

Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb chixba̱nunquil li ma̱usilal. Kꞌaxal nabal li ma̱usilal queꞌxba̱nu chiru li queꞌxba̱nu lix xeꞌto̱nil yucuaꞌeb.