Jeremías 3:12 - Li Santil hu

¹² Ayu ut ta̱ye reheb li tenamit li cuanqueb saꞌ li norte: Joꞌcaꞌin xye e̱re li Ka̱cuaꞌ Dios. Sukꞌinkex cuiqꞌuin, la̱ex aj Israel, usta xine̱tzꞌekta̱na. Incꞌaꞌ chic tincꞌut lin joskꞌil che̱ru. Texincꞌul ban saꞌ usilal xban nak la̱in nin-uxta̱nan u ut nim lin cuyum.

Q'eqchi Bible

¹² Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.

Jeremías 3:12 ပူးပေါင်းရင်းမြစ်များ

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Jeremías 31:20

Li Dios quixye: —¿Ma ma̱cuaꞌeb ta biꞌ cualal incꞌajol li ralal xcꞌajol laj Efraín? Aꞌaneb li kꞌaxal raro̱queb inban. Aꞌaneb li nequeꞌqꞌuehoc xsahil inchꞌo̱l. Usta ninkꞌuseb, abanan junelic cuanqueb saꞌ inchꞌo̱l. Nayotꞌeꞌ inchꞌo̱l xbaneb. Joꞌcan nak nacuuxta̱na ruheb, chan li Dios.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Jeremías 3:18

Saꞌ eb li cutan aꞌan, eb laj Judá teꞌxjunaji ribeb riqꞌuineb laj Israel saꞌ li naꞌajej li cuan saꞌ li norte. Ut cuotz teꞌxic saꞌ li naꞌajej li quinqꞌue reheb le̱ xeꞌto̱nil yucuaꞌ.

Jeremías 30:11

La̱in cua̱nkin e̱riqꞌuin ut la̱in tincolok e̱re. Usta tinsacheb ru chi junaj cua li tenamit li xexinjeqꞌui cuiꞌ, abanan la̱in incꞌaꞌ tinsach e̱ru chi junaj cua. La̱in tinkꞌusuk e̱re, abanan tinba̱nu saꞌ ti̱quilal. Incꞌaꞌ texincanab chi incꞌaꞌ te̱toj rix le̱ ma̱c.

Jeremías 23:8

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Ut eb laj Israel teꞌcua̱nk cuiꞌchic saꞌ lix naꞌajeb, chan li Dios.

Jeremías 4:1

Li Ka̱cuaꞌ quixye reheb: —La̱ex aj Israel, cui te̱raj sukꞌi̱c cuiqꞌuin tento te̱canab xlokꞌoninquil li yi̱banbil dios li cꞌajoꞌ xyibal ru. Ut incꞌaꞌ chic te̱cꞌoxla incanabanquil.

Jeremías 3:5

¿Ma junelic ta biꞌ yo̱k a̱joskꞌil saꞌ kabe̱n? ¿Ma chi ti̱c incꞌaꞌ ta̱numekꞌ a̱joskꞌil?” chanquex. La̱ex aj Israel, joꞌcan yo̱quex chixyebal. Abanan toj yo̱quex chixba̱nunquil chixjunil li ma̱usilal, chan li Dios.

Salmos 145:8

Li nimajcual Dios, aꞌan cha̱bil ut junelic na-uxta̱nan u. Incꞌaꞌ najoskꞌoꞌ saꞌ junpa̱t. Kꞌaxal nim ban li ruxta̱n.

Salmos 86:5

At Ka̱cuaꞌ, kꞌaxal cha̱bilat ut nacatcuyuc ma̱c. Kꞌaxal nim la̱ cuusilal saꞌ xbe̱neb chixjunileb li nequeꞌxtzꞌa̱ma xtenkꞌanquileb a̱cue.

2 Reyes 18:1

Yo̱ rox chihab roquic chokꞌ xreyeb laj Israel laj Oseas li ralal laj Ela nak laj Ezequías li ralal laj Acaz qui-oc chokꞌ xreyeb laj Judá.

2 Reyes 17:23

toj retal nak li Dios quixcanabeb re nak teꞌchapekꞌ xbaneb jalan tenamit joꞌ quiyeheꞌ reheb xbaneb lix profeta li Dios. Joꞌcan nak queꞌchapeꞌ ut queꞌcꞌameꞌ Asiria. Ut aran cuanqueb toj chalen anakcuan.

Deuteronomio 30:2

Nak la̱ex joꞌ eb ajcuiꞌ le̱ ralal e̱cꞌajol te̱jal e̱cꞌaꞌux ut texsukꞌi̱k riqꞌuin li Ka̱cuaꞌ le̱ Dios, chi anchal e̱chꞌo̱l ut chi anchal e̱metzꞌe̱u te̱ba̱nu li cꞌaꞌru naraj aꞌan joꞌ yo̱quin chixyebal e̱re anakcuan.

Oseas 6:1

Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.

Jeremías 31:8

La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Jeremías 3:7

La̱in quincꞌoxla nak ma̱re teꞌsukꞌi̱k cuiꞌchic cuiqꞌuin, usta ac xeꞌxba̱nu li ma̱c aꞌan. Abanan incꞌaꞌ queꞌsukꞌi cuiqꞌuin. Eb laj Judá li rech tenamitil queꞌril li yo̱queb chixba̱nunquil ut queꞌoc ajcuiꞌ chixba̱nunquil joꞌ yo̱queb aꞌan.

Jeremías 3:1

Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

Salmos 103:17

Abanan lix rahom ut lix ti̱quilal li Ka̱cuaꞌ junelic cuan saꞌ xbe̱neb li nequeꞌxucuan ru li Ka̱cuaꞌ joꞌ ajcuiꞌ saꞌ xbe̱neb li ralal xcꞌajol li teꞌcua̱nk mokon.

Salmos 103:8

Li Ka̱cuaꞌ aꞌan cha̱bil ut junelic na-uxta̱nan u. Incꞌaꞌ najoskꞌoꞌ saꞌ junpa̱t. Kꞌaxal nim ban li ruxta̱n.

Salmos 79:5

At Ka̱cuaꞌ, ¿joꞌ najtil chic yo̱k a̱joskꞌil saꞌ kabe̱n? ¿Ma junelic yo̱kat chikaqꞌuebal chixtojbal kama̱c?

2 Crónicas 30:9

Cui texsukꞌi̱k riqꞌuin li Ka̱cuaꞌ, teꞌuxta̱na̱k ruheb le̱ rechꞌalal ut eb le̱ ralal e̱cꞌajol xbaneb li queꞌcꞌamoc reheb chi pre̱xil ut teꞌsukꞌi̱k cuiꞌchic saꞌ li naꞌajej aꞌin xban nak li Ka̱cuaꞌ le̱ Dios, aꞌan na-uxta̱nan u ut natokꞌoban u. Incꞌaꞌ textzꞌekta̱na cui texsukꞌi̱k cuiꞌchic riqꞌuin, chan li rey saꞌ li hu li quixtakla.

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

Génesis 4:7

¿Ma incꞌaꞌ ta biꞌ ta̱qꞌuehekꞌ a̱lokꞌal cui us ta̱ba̱nu? Cui incꞌaꞌ us ta̱ba̱nu, yo̱cat xqꞌuebal a̱cuib chi a̱le̱c ut li ma̱c ta̱numta̱k saꞌ a̱be̱n. Abanan cua̱nk raj a̱cuanquil re nak la̱at tatnumta̱k saꞌ xbe̱n li ma̱c, chan li Dios re laj Caín.

Levítico 26:40

La̱ex ta̱yotꞌekꞌ e̱chꞌo̱l xban li ma̱c queba̱nu ut xban li ma̱c queꞌxba̱nu chak le̱ naꞌ e̱yucuaꞌ nak quineꞌxtzꞌekta̱na ut queꞌxkꞌet lin chakꞌrab.

Salmos 103:9

Moco rajlal ta yo̱ chi kꞌusuc chi moco najoskꞌoꞌ ta chi junaj cua.

Jeremías 11:6

Ut li Ka̱cuaꞌ quixye cue: —Ta̱ye li a̱tin aꞌin saꞌ eb li tenamit li cuanqueb Judá ut saꞌ li tenamit Jerusalén. Ta̱ye reheb chi joꞌcaꞌin: Abihomak li cꞌaꞌru naxye li contrato aꞌin ut te̱ba̱nu li cꞌaꞌru naxye.

Jeremías 12:15

Abanan nak ac xcuisiheb saꞌ lin naꞌaj, la̱in tincuil cuiꞌchic xtokꞌoba̱l ruheb. Tintaklaheb cuiꞌchic chi cua̱nc chi xjunju̱nkaleb saꞌ lix tenamiteb.

Lamentaciones 3:22

Xban nak junelic naruxta̱na ku li Ka̱cuaꞌ, joꞌcan nak incꞌaꞌ xo-osoꞌ. Junelic naril xtokꞌoba̱l ku.

Ezequiel 11:17

Ye ajcuiꞌ reheb laj Israel nak la̱in tinchꞌutub cuiꞌchic ruheb li jeqꞌuinbileb ru saꞌ li jalanil tenamit ut tincꞌameb cuiꞌchic saꞌ lix tenamiteb. Ut tinqꞌue cuiꞌchic reheb li naꞌajej Israel.

2 Crónicas 29:10

Joꞌcan nak anakcuan xinye nak tinba̱nu junak li contrato riqꞌuin li Ka̱cuaꞌ lix Dioseb laj Israel re nak ta̱e̱lk xjoskꞌil saꞌ kabe̱n.

Isaías 31:6

La̱ex aj Israel, xexma̱cob chicuu ut xekꞌet li cua̱tin. Abanan sukꞌinkex cuiqꞌuin.

Jeremías 31:21

Qꞌuehomak retalil li be li quexnumeꞌ cuiꞌ nak quexco̱ex. Qꞌuehomak retal chi us. Sukꞌinkex cuiꞌchic saꞌ le̱ naꞌaj, ex tukꞌ ixk aj Israel.

Zacarías 1:4

Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.