Jeremías 3:10 - Li Santil hu

¹⁰ Usta ac xeꞌxba̱nu li ma̱usilal aꞌin eb laj Judá, incꞌaꞌ ajcuiꞌ queꞌsukꞌi cuiqꞌuin chi anchal xchꞌo̱leb. Yal xcab rix xchꞌo̱leb nak niquineꞌxlokꞌoni, chan li Ka̱cuaꞌ.

Q'eqchi Bible

¹⁰ Chirix chixjunil a'an, laj Judá, laj b'alaq', ink'a' ajwi' kisutq'iik chaq wik'in chi anchal xch'ool, junes rik'in b'an b'alaq'il”, chan li Qaawa'.

Jeremías 3:10 ပူးပေါင်းရင်းမြစ်များ

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Jeremías 12:2

La̱at xatsicꞌoc ruheb ut xacuosobtesiheb. Sa cuanqueb. Chanchaneb li cheꞌ qui-aueꞌ ut quixchap xxeꞌ. Quiniman ut quixqꞌue ru. Abanan eb li tenamit aꞌin nequeꞌxqꞌue a̱lokꞌal yal riqꞌuin xtzꞌu̱mal reheb. Moco anchaleb ta xchꞌo̱l nak nequeꞌxba̱nu.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Salmos 18:44

Nak nequeꞌrabi chanru innaꞌleb, nequeꞌxba̱nu li cꞌaꞌru ninye. Eb li jalaneb xtenamit nequeꞌxcanab rib re nak la̱in tintakla̱nk saꞌ xbe̱neb.

2 Crónicas 34:33

Ut li rey Josías quixtakla xsachbal chixjunileb li jalanil dios li cuanqueb saꞌ chixjunileb lix naꞌajeb laj Israel. Quixye reheb nak tento teꞌcꞌanjelak chiru li Dios chixjunileb laj Israel. Ut incꞌaꞌ queꞌxcanab xlokꞌoninquil li Ka̱cuaꞌ li queꞌxlokꞌoni lix xeꞌto̱nil yucuaꞌ joꞌ najtil yoꞌyo laj Josías.

Isaías 31:6

La̱ex aj Israel, xexma̱cob chicuu ut xekꞌet li cua̱tin. Abanan sukꞌinkex cuiqꞌuin.

Jeremías 11:10

Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Amós 4:9

Ut quixye ajcuiꞌ: —Xintakla li tikcual ikꞌ ut quichakic le̱ racui̱mk xban. Ut xintaklaheb li motzoꞌ chixsachbal ru le̱ racui̱mk. Eb laj sa̱cꞌ queꞌxcꞌux le̱ racui̱mk ut queꞌxcꞌux ajcuiꞌ xto̱nal le̱ uvas ut queꞌxcꞌux lix xak le̱ cheꞌ higo ut olivo. Abanan ma̱ jaruj xeraj sukꞌi̱c cuiqꞌuin, chan li Ka̱cuaꞌ.

Isaías 29:13

Li Ka̱cuaꞌ quixye: —Li tenamit aꞌin niquineꞌxlokꞌoni yal riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb. Ma̱cꞌaꞌ rajbal nak niquineꞌxlokꞌoni xban nak li cꞌaꞌru nequeꞌxba̱nu re inlokꞌoninquil, aꞌan yal jun chakꞌrab qꞌuebil xbaneb li cui̱nk.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Malaquías 2:11

Eb li ralal xcꞌajol laj Judá yo̱queb chixba̱nunquil li ma̱usilal aran Jerusalén joꞌ ajcuiꞌ saꞌ chixjunil Israel. Queꞌxmux ru li templo li raro xban li Ka̱cuaꞌ xban nak yo̱queb chi sumla̱c riqꞌuineb li ixk li nequeꞌxlokꞌoni li jalanil dios.