Jeremías 29:8 - Li Santil hu

⁸ Joꞌcaꞌin xye li Ka̱cuaꞌ li nimajcual Dios, lix Dioseb laj Israel: Me̱qꞌue e̱rib chixbalakꞌi eb li profeta ut eb laj kꞌe li cuanqueb saꞌ e̱ya̱nk, chi moco te̱rabi li cꞌaꞌru nequeꞌxye li nequeꞌmatqꞌuec.

Q'eqchi Bible

⁸ Laa'in, li Nimajwal Yos, li xYos laj Israel, ninye eere chi jo'ka'in: Meek'e eerib' chi b'alaq'iik xb'aaneb' li propeet ut eb' laj q'e li wankeb' sa' eeyanq; meepaab' li k'aru neke'xye eb' laj matk',

Jeremías 29:8 ပူးပေါင်းရင်းမြစ်များ

Efesios 5:6

Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

2 Timoteo 3:13

Ut ta̱numta̱k lix ma̱usilaleb laj balakꞌ li incꞌaꞌ useb xnaꞌleb. Yo̱keb chi balakꞌi̱nc ut yo̱k ajcuiꞌ xbalakꞌinquileb aꞌan.

Jeremías 28:15

Ut li profeta Jeremías quixye re laj Hananías: —Abi li yo̱quin chixyebal a̱cue, at Hananías. Ma̱cuaꞌ li Ka̱cuaꞌ xyehoc a̱cue li cꞌaꞌru xaye, abanan la̱at xabalakꞌiheb li tenamit riqꞌuin li ticꞌtiꞌ li xaye.

Jeremías 27:9

Joꞌcan nak me̱pa̱b li cꞌaꞌru nequeꞌxye li profetas, chi moco laj kꞌe, chi moco li naxye xya̱lal li matcꞌ, chi moco te̱rabi li cꞌaꞌru nequeꞌxye li nequeꞌa̱tinac chirix li cꞌaꞌru ta̱cꞌulma̱nk. Incꞌaꞌ tex-abi̱nk chiruheb li nequeꞌyehoc e̱re nak incꞌaꞌ te̱cubsi e̱rib rubel xcuanquil laj Nabucodonosor, lix reyeb laj Babilonia.

Jeremías 14:14

Ut li Ka̱cuaꞌ quixye: —Li cꞌaꞌru yo̱queb chixyebal li profetas ticꞌtiꞌ. Nequeꞌxye nak yo̱queb chi a̱tinac saꞌ incꞌabaꞌ. La̱in incꞌaꞌ xebintakla, ut incꞌaꞌ xinxakabeb chi moco xina̱tinac riqꞌuineb. La̱in incꞌaꞌ xincꞌut visión chiruheb. Ticꞌtiꞌic ut balakꞌic nequeꞌxba̱nu. Yo̱queb chixyebal li cꞌaꞌru nequeꞌrecꞌa xjuneseb.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Apocalipsis 13:14

Quixbalakꞌiheb li cuanqueb saꞌ ruchichꞌochꞌ riqꞌuin li sachba chꞌo̱lej li quiqꞌueheꞌ re xba̱nunquil chiru li joskꞌ aj xul. Ut quixye reheb li cuanqueb saꞌ ruchichꞌochꞌ nak teꞌxyi̱b jun xjalam u̱ch li joskꞌ aj xul li quiyoqꞌueꞌ riqꞌuin chꞌi̱chꞌ ut quiqꞌuira.

2 Ts 2:3

Ma̱cꞌaꞌ ta cꞌaꞌru chexbalakꞌi̱k cuiꞌ. Li Ka̱cuaꞌ Jesucristo incꞌaꞌ ta̱cha̱lk chi ma̱jiꞌak natzꞌekta̱na̱c li Dios xbaneb nabal chi tenamit. Ut ta̱cha̱lk ajcuiꞌ li cui̱nk laj kꞌetol chakꞌrab. Aꞌan li ta̱cꞌuluk re li sachc chi junaj cua.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

San Lucas 21:8

Li Jesús quixye reheb: —Cheba̱nu cue̱nt re nak incꞌaꞌ texbalakꞌi̱k xban nak nabal teꞌcha̱lk chi balakꞌi̱nc ut teꞌxye nak saꞌ incꞌabaꞌ la̱in xeꞌchal. Teꞌxye, “La̱in li Cristo li yechiꞌinbil xban li Dios,” chaꞌkeb. Ut teꞌxye, “Anakcuan xcuulac xkꞌehil,” chaꞌkeb. Abanan me̱pa̱b li cꞌaꞌru teꞌxye eb aꞌan.

San Lucas 6:26

Raylal cha̱lel saꞌ e̱be̱n la̱ex li naqꞌueheꞌ e̱lokꞌal arin saꞌ ruchichꞌochꞌ xbaneb li tenamit. Joꞌcaꞌin ajcuiꞌ nak queꞌqꞌueheꞌ xlokꞌal eb li profeta aj balakꞌ xbaneb le̱ xeꞌto̱nil yucuaꞌ.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

Zacarías 13:4

Ut eb li profeta aj balakꞌ teꞌxuta̱na̱k xban li ticꞌtiꞌ li ac xeꞌxye. Ut incꞌaꞌ chic teꞌbalakꞌi̱nk riqꞌuin rocsinquil li rakꞌ profeta chirixeb.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Jeremías 23:21

Li Ka̱cuaꞌ quixye: —Usta ma̱cuaꞌ la̱in quinxakaban reheb, abanan eb aꞌan queꞌxqꞌue rib chokꞌ profeta. La̱in incꞌaꞌ queꞌcua̱tina, abanan eb aꞌan queꞌxqꞌue rib chi a̱tinac saꞌ incꞌabaꞌ.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Jeremías 23:27

¿Ma nequeꞌxcꞌoxla ta biꞌ li profeta aꞌan nak tineꞌxtzꞌekta̱na lin tenamit riqꞌuin li cꞌaꞌru nequeꞌxye chi ribileb rib joꞌ queꞌxba̱nu lix xeꞌto̱nil yucuaꞌ nak queꞌxlokꞌoni li yi̱banbil dios Baal?

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

Jeremías 23:25

La̱in nacuabi li cꞌaꞌru nequeꞌxye li profetas aj balakꞌ. Nequeꞌticꞌtiꞌic saꞌ incꞌabaꞌ ut nequeꞌxye: “Joꞌcaꞌin xinmatqꞌue”, chanqueb.

Jeremías 29:1

Laj Jeremías quixtzꞌi̱ba jun li hu nak cuan Jerusalén ut quixtakla Babilonia riqꞌuineb laj tij ut eb laj cꞌamol be, joꞌ eb ajcuiꞌ li profeta ut chixjunileb li tenamit li queꞌcꞌameꞌ chi pre̱xil xban laj Nabucodonosor.

Jeremías 29:21

Li Ka̱cuaꞌ lix Dioseb laj Israel naxye chi joꞌcaꞌin chirix laj Acab li ralal laj Colaías ut chirix ajcuiꞌ laj Sedequías li ralal laj Maasías li queꞌxye ticꞌtiꞌ saꞌ xcꞌabaꞌ li Dios, “La̱in tinkꞌaxtesiheb saꞌ rukꞌ laj Nabucodonosor lix reyeb laj Babilonia. Laj Nabucodonosor tixtakla xcamsinquileb che̱ru la̱ex,” chan li Dios.

Jeremías 29:23

Cꞌajoꞌ li ma̱usilal queꞌxba̱nu aran Israel. Queꞌxmux ru lix sumlajiqueb nak queꞌxchꞌic ribeb riqꞌuineb li rixakileb li ras ri̱tzꞌin. Xeꞌxye ticꞌtiꞌ saꞌ incꞌabaꞌ. Ma̱cuaꞌ la̱in xintaklan reheb. La̱in ninnau nak incꞌaꞌ us yo̱queb. Incꞌaꞌ us lix naꞌlebeb, chan li Ka̱cuaꞌ.

Jeremías 37:9

La̱in li Ka̱cuaꞌ ninye e̱re nak incꞌaꞌ te̱balakꞌi e̱rib riqꞌuin xcꞌoxlanquil nak eb laj Babilonia incꞌaꞌ chic teꞌsukꞌi̱k chi pletic e̱riqꞌuin. Eb aꞌan cha̱lqueb re. Incꞌaꞌ texcanab.

Lamentaciones 2:14

Aꞌaneb ajcuiꞌ le̱ profeta li queꞌbalakꞌin e̱re. La̱ex yo̱quex chi ma̱cobc, abanan incꞌaꞌ queꞌxye e̱re nak incꞌaꞌ us yo̱quex. Incꞌaꞌ queꞌxye e̱re nak te̱yotꞌ e̱chꞌo̱l ut te̱jal e̱cꞌaꞌux re nak incꞌaꞌ texchapekꞌ. Ticꞌtiꞌ ban li queꞌxye e̱re.

Ezequiel 13:6

Eb li visión li nequeꞌril moco ya̱l ta. Nak nequeꞌkꞌehin ticꞌtiꞌ li nequeꞌxye. Nequeꞌxye nak la̱in xinyehoc re, abanan moco la̱in ta quintaklan reheb. Saꞌ xchꞌo̱leb aꞌan nak la̱in tinba̱nu li cꞌaꞌru nequeꞌxye.

Jeremías 23:16

Li Ka̱cuaꞌ li nimajcual Dios quixye reheb li cuanqueb Jerusalén: —Me̱rabi li cꞌaꞌru nequeꞌxye eb li profeta aꞌin. Junes ticꞌtiꞌ nequeꞌxye. Yal cꞌoxlanbil xbaneb aꞌan. Ma̱cuaꞌ la̱in quinyehoc re.

Jeremías 29:15

La̱ex nequeye nak li Ka̱cuaꞌ xqꞌue li profetas chi cꞌanjelac saꞌ e̱ya̱nk aran Babilonia.