Jeremías 29:20 - Li Santil hu

²⁰ Joꞌcan ut cherabihak li cꞌaꞌru naxye li Ka̱cuaꞌ la̱ex li quexchapeꞌ aran Jerusalén ut quexcꞌameꞌ Babilonia.

Q'eqchi Bible

²⁰ Paab'omaq li waatin chejunilex laa'ex li xex'isiik sa' li tenamit Jerusalén ut xexk'ame'k Babilonia», chan li Qaawa'.

Jeremías 29:20 ပူးပေါင်းရင်းမြစ်များ

Jeremías 24:5

—La̱in li Ka̱cuaꞌ, lix Dioseb laj Israel. Eb laj Judá li xeꞌisi̱c arin ut queꞌcꞌameꞌ Babilonia, tinjuntakꞌe̱ta riqꞌuin li cha̱bil higo. Ut la̱in tinba̱nu usilal reheb.

Miqueas 4:10

Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re.

Ezequiel 3:15

Ut quincuulac riqꞌuineb laj Israel li cuanqueb chi pre̱xil aran Tel-abib, li cuan chire li nimaꞌ Quebar. Ut quincuan cuukub cutan saꞌ xya̱nkeb chi sachso inchꞌo̱l.

Ezequiel 3:11

Ayu riqꞌuineb laj Israel la̱ cuech tenamitil li cuanqueb chi pre̱xil. Ta̱ye reheb: Joꞌcaꞌin xye li Ka̱cuaꞌ Dios. Usta teꞌrabi usta incꞌaꞌ, abanan la̱at ta̱ye reheb, chan.

Jeremías 29:31

—Takla li esilal aꞌin reheb chixjunileb li queꞌcꞌameꞌ Babilonia ut ta̱ye reheb: Joꞌcaꞌin xye li Ka̱cuaꞌ chirix laj Semaías, Nehelam xtenamit. Laj Semaías xexbalakꞌi nak xye e̱re nak saꞌ incꞌabaꞌ x-a̱tinac. Ut aꞌan moco ya̱l ta xban nak ma̱cuaꞌ la̱in xintaklan re.

Ezequiel 11:9

Texcuisi saꞌ le̱ tenamit ut texinkꞌaxtesi saꞌ rukꞌeb li jalaneb xtenamit. Texinqꞌue chixtojbal le̱ ma̱c.

Jeremías 29:1

Laj Jeremías quixtzꞌi̱ba jun li hu nak cuan Jerusalén ut quixtakla Babilonia riqꞌuineb laj tij ut eb laj cꞌamol be, joꞌ eb ajcuiꞌ li profeta ut chixjunileb li tenamit li queꞌcꞌameꞌ chi pre̱xil xban laj Nabucodonosor.

Jeremías 29:2

Quixtzꞌi̱ba li hu aꞌan nak ac queꞌchapeꞌ ut queꞌcꞌameꞌ Babilonia li rey Jeconías ut lix naꞌ, ut eb li nequeꞌcꞌanjelac saꞌ li palacio, joꞌ eb ajcuiꞌ li cuanqueb xcuanquil aran Jerusalén ut Judá, rochbeneb laj pechꞌ ut laj tꞌenol chꞌi̱chꞌ li nequeꞌxnau trabajic chi us.