Jeremías 29:14 - Li Santil hu

¹⁴ Nak tine̱sicꞌ tine̱tau. La̱in texinqꞌue chi sukꞌi̱c saꞌ le̱ naꞌaj. La̱in texinchꞌutub saꞌ chixjunileb li naꞌajej li xinjeqꞌui cuiꞌ e̱ru. Texcuisi chak saꞌ li naꞌajej li xexcꞌameꞌ cuiꞌ, chan li Ka̱cuaꞌ.

Q'eqchi Bible

¹⁴ Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Jeremías 29:14 ပူးပေါင်းရင်းမြစ်များ

Jeremías 30:3

Ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb lin tenamit li cuanqueb chi pre̱xil. Tinqꞌueheb chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌeb re nak teꞌcua̱nk aran, chan li Dios.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Romanos 10:20

Laj Isaías cau xchꞌo̱l chixyebal li cꞌaꞌru quixye li Dios nak quixye: Aꞌ chic li incꞌaꞌ yo̱queb chinsicꞌbal, aꞌaneb chic li xeꞌtaꞌoc cue. Quincꞌutbesi cuib chiruheb li incꞌaꞌ yo̱queb chinsicꞌbal. (Isa. 65:1) Aꞌan li quixye li Dios chirixeb li ma̱cuaꞌeb aj judío.

Jeremías 30:10

Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.

Isaías 45:19

La̱in incꞌaꞌ nina̱tinac chi mukmu chi moco quinmuk chiruheb li cristian li cꞌaꞌru nacuaj. Chi moco quinye reheb li ralal xcꞌajol laj Jacob nak tineꞌxsicꞌ bar incꞌaꞌ ta̱ru̱k tineꞌxtau. La̱in li Ka̱cuaꞌ. Saꞌ ti̱quilal nina̱tinac ut junelic ninye li ya̱l, chan.

Salmos 126:4

At nimajcual Dios, choa̱cuosobtesi cuiꞌchic saꞌ li kanaꞌaj joꞌ nak naxtꞌakresi li chaki chꞌochꞌ li hab.

Salmos 126:1

Cꞌajoꞌ nak quisahoꞌ li kachꞌo̱l nak li Ka̱cuaꞌ coxqꞌue cuiꞌchic chi sukꞌi̱c Jerusalén. Chanchan matqꞌuec yo̱co.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

Salmos 32:6

Li ti̱queb xchꞌo̱l teꞌxtzꞌa̱ma xtenkꞌanquil cha̱cuu nak cuanqueb saꞌ li raylal. Chanchan li butꞌ nak nachal li raylal saꞌ xbe̱neb. Abanan la̱at ta̱tenkꞌaheb re nak incꞌaꞌ teꞌchꞌina̱nk xchꞌo̱leb xban li raylal.

Deuteronomio 30:3

Nak texsukꞌi̱k riqꞌuin li Ka̱cuaꞌ le̱ Dios texrosobtesi cuiꞌchic ut ta̱ril xtokꞌoba̱l e̱ru. Ut texrisi saꞌ eb li jalan tenamit li quixjeqꞌui cuiꞌ e̱ru.

Deuteronomio 4:7

¿Ma cuan ta biꞌ junak tenamit ta̱qꞌuehekꞌ xcuanquil xban lix dioseb joꞌ nak naxqꞌue kacuanquil la̱o li Ka̱cuaꞌ li kaDios? Li kaDios la̱o naxqꞌue ke li cꞌaꞌru nakatzꞌa̱ma chiru nak nakaya̱ba lix cꞌabaꞌ.

Sofonías 3:20

Saꞌ eb li cutan aꞌan, la̱in texinchꞌutub ut texincꞌam cuiꞌchic saꞌ le̱ naꞌaj ut tinqꞌue cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ. Ut tinqꞌue cuiꞌchic li cꞌaꞌru e̱re ut sa chic texcua̱nk, chan li Ka̱cuaꞌ.

Miqueas 4:12

Abanan eb li tenamit aꞌin incꞌaꞌ nequeꞌxtau ru lix cꞌaꞌux li Dios chi moco nequeꞌxtau ru li cꞌaꞌru naraj. Ut incꞌaꞌ nequeꞌxqꞌue retal nak li Ka̱cuaꞌ ac xchꞌutubeb ru re tixqꞌueheb chixtojbal rix lix ma̱queb, joꞌ nak nequeꞌxchꞌutub li trigo nak oqueb re chirisinquil li rix.

Jeremías 51:10

Li Ka̱cuaꞌ xcꞌutbesi nak la̱o cuanco saꞌ ti̱quilal. Yoꞌkeb chixyebal reheb li cuanqueb Sión li cꞌaꞌru quixba̱nu li Ka̱cuaꞌ li kaDios.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

Amós 9:14

Ut tincꞌameb cuiꞌchic lin tenamit Israel saꞌ lix naꞌajeb. Ut teꞌxyi̱b cuiꞌchic lix tenamiteb li qui-osoꞌ ut aran teꞌcua̱nk. Teꞌa̱uk cuiꞌchic uvas ut teꞌrucꞌ lix yaꞌal. Teꞌrau cuiꞌchic li racui̱mk ut teꞌxtzaca li ru li naxqꞌue.

Deuteronomio 30:1

Nak acak xecꞌul chixjunil le̱ rosobtesinquil ut le̱ xtzꞌekta̱nanquil li xinye e̱re anakcuan, te̱cꞌoxla chi us saꞌ li naꞌajej li textakla̱k cuiꞌ xban li Ka̱cuaꞌ le̱ Dios saꞌ xya̱nkeb li xni̱nkal ru tenamit.

Deuteronomio 30:5

Texcꞌam cuiꞌchic saꞌ li naꞌajej li quiqꞌueheꞌ reheb le̱ xeꞌto̱nil yucuaꞌ ut la̱ex te̱re̱chani li naꞌajej. Texrosobtesi ut kꞌaxal cuiꞌchic texta̱mk chiruheb le̱ xeꞌto̱nil yucuaꞌ ut kꞌaxal biomakex.

Isaías 43:5

Mexxucuac. La̱in cua̱nkin e̱riqꞌuin. La̱in tinqꞌueheb chi sukꞌi̱c saꞌ lix naꞌajeb le̱ ralal e̱cꞌajol li cuanqueb chak saꞌ li este ut li cuanqueb chak saꞌ li oeste.

Isaías 43:6

La̱in tinye reheb li cuanqueb saꞌ li norte nak teꞌxcanabeb chi xic li cualal incꞌajol. Ut tinye reheb li cuanqueb saꞌ li sur nak teꞌxcanabeb chi sukꞌi̱c saꞌ xnaꞌajeb li cualal incꞌajol li cuanqueb chak saꞌ chixjunil li ruchichꞌochꞌ.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Jeremías 8:3

Ut li joꞌ qꞌuial chic li teꞌcana̱k chi yoꞌyo reheb lin tenamit li incꞌaꞌ useb xnaꞌleb tinjeqꞌuiheb ru yalak bar. Chokꞌ reheb aꞌan kꞌaxal us li ca̱mc chiru li cua̱nc saꞌ jalanil tenamit.

Jeremías 12:15

Abanan nak ac xcuisiheb saꞌ lin naꞌaj, la̱in tincuil cuiꞌchic xtokꞌoba̱l ruheb. Tintaklaheb cuiꞌchic chi cua̱nc chi xjunju̱nkaleb saꞌ lix tenamiteb.

Ezequiel 37:21

Ut ta̱ye reheb nak la̱in li nimajcual Dios tincuisiheb chak chixjunileb laj Israel saꞌ eb li jalan tenamit li cuanqueb cuiꞌ chak. Tinchꞌutubeb ut tincꞌameb cuiꞌchic saꞌ lix tenamiteb.

Isaías 14:1

Li Ka̱cuaꞌ ta̱ril xtokꞌoba̱l ruheb laj Israel, li ralal xcꞌajol laj Jacob. Tixsicꞌ cuiꞌchic ruheb ut tixcꞌameb cuiꞌchic saꞌ lix naꞌajeb. Ut eb li jalaneb xtenamiteb teꞌcha̱lk chi cua̱nc aran rochbeneb.

Jeremías 30:18

Ut quixye cuiꞌchic li Ka̱cuaꞌ: —La̱in tincꞌameb cuiꞌchic lin tenamit saꞌ li naꞌajej li quinqꞌue re laj Jacob. Tincuil xtokꞌoba̱l ru lix tenamiteb. Ta̱yi̱ba̱k cuiꞌchic li tenamit saꞌ xbe̱n li quipoꞌeꞌ najter. Ut li palacio ta̱xakaba̱k cuiꞌchic saꞌ lix naꞌaj joꞌ nak quicuan junxil.

Jeremías 31:16

Joꞌcaꞌin quixye li Ka̱cuaꞌ: —Ex ixk, canabomak ya̱bac xban nak li raylal li yo̱quex chixcꞌulbal ta̱cua̱nk xkꞌajca̱munquil. Eb le̱ ralal e̱cꞌajol teꞌe̱lk saꞌ xtenamiteb li xicꞌ nequeꞌiloc reheb ut teꞌsukꞌi̱k cuiꞌchic saꞌ lix naꞌajeb.

Jeremías 31:17

Cuan cꞌaꞌru nequeroybeni. Eb le̱ ralal e̱cꞌajol teꞌsukꞌi̱k cuiꞌchic saꞌ lix tenamiteb. La̱in li Ka̱cuaꞌ yo̱quin chi yehoc re aꞌin.

Jeremías 31:23

Li Ka̱cuaꞌ lix Dioseb laj Israel quixye: —La̱in tebincꞌam cuiꞌchic laj Israel saꞌ lix naꞌajeb aran Judá. Nak cua̱nkeb saꞌ lix tenamiteb, teꞌxye, “Li Ka̱cuaꞌ taxak chi-osobtesi̱nk re lix santil tzu̱l li cuan Jerusalén, li santil naꞌajej li nacuan cuiꞌ”.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.