Jeremías 29:13 - Li Santil hu

¹³ Nak tine̱sicꞌ, tine̱tau xban nak tine̱sicꞌ chi anchal e̱chꞌo̱l.

Q'eqchi Bible

¹³ Tineesik' ut tineetaw, xb'aan naq tineesik' chi anchal leech'ool.

Jeremías 29:13 ပူးပေါင်းရင်းမြစ်များ

Salmos 119:2

Us xak reheb li nequeꞌxpa̱b li Dios chi anchal xchꞌo̱leb ut nequeꞌxqꞌue saꞌ xchꞌo̱leb lix chakꞌrab.

San Mateo 7:7

Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

Salmos 119:10

Chi anchal inchꞌo̱l xatinpa̱b, ut anakcuan china̱tenkꞌa re nak incꞌaꞌ tincanab xba̱nunquil li cꞌaꞌru naxye saꞌ la̱ chakꞌrab.

Jeremías 24:7

Tintenkꞌaheb re nak teꞌxnau nak la̱in li Ka̱cuaꞌ. Aꞌanakeb lin tenamit ut la̱inak lix Dioseb xban nak teꞌsukꞌi̱k cuiꞌchic cuiqꞌuin ut tineꞌxpa̱b chi anchaleb xchꞌo̱l.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

Salmos 119:145

At nimajcual Dios, chi anchal inchꞌo̱l nintzꞌa̱ma intenkꞌanquil cha̱cuu. China̱sume taxak ut junelic taxak tinba̱nu li cꞌaꞌru naxye la̱ chakꞌrab.

2 Crónicas 31:21

Quixqꞌue xchꞌo̱l chixba̱nunquil li cꞌanjel saꞌ lix templo li Dios ut quixba̱nu li naxye saꞌ li chakꞌrab. Xban nak quixsicꞌ li Dios chi anchal xchꞌo̱l, joꞌcan nak us qui-el riqꞌuin li cꞌaꞌru quixba̱nu.

Salmos 119:58

Chi anchal inchꞌo̱l xintzꞌa̱ma cha̱cuu nak tatcua̱nk cuiqꞌuin. Chacuuxta̱na taxak cuu joꞌ cayechiꞌi cue.

2 Crónicas 22:9

Chirix chic aꞌan, co̱ chixsicꞌbal laj Ocozías li mukmu chak Samaria. Eb li nequeꞌoquen chirix laj Jehú queꞌxtau laj Ocozías ut queꞌxcꞌam riqꞌuin laj Jehú ut queꞌxcamsi. Ut queꞌxmuk xban nak queꞌxye: —Li cui̱nk aꞌin, aꞌan ralal laj Josafat li quixqꞌue xlokꞌal li Dios chi anchal xchꞌo̱l.— Ut ma̱ jun chic ralal xcꞌajol laj Ocozías quicana re ta̱ru̱k ta̱oc chokꞌ rey.

2 Reyes 23:3

Quixakli li rey chixcꞌatk li rokechal li templo ut quixba̱nu jun li contrato riqꞌuin li Ka̱cuaꞌ. Quixye re li Ka̱cuaꞌ nak tixba̱nu lix chakꞌrab ut chi anchal xchꞌo̱l tixba̱nu li naxtakla li Ka̱cuaꞌ. Quixye nak chi anchal xchꞌo̱l tixqꞌue xcuanquil li contrato li tzꞌi̱banbil saꞌ li hu. Ut chixjunileb li tenamit queꞌxye nak teꞌxba̱nu li cꞌaꞌru tzꞌi̱banbil saꞌ li contrato.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Salmos 119:69

Niquineꞌxkꞌaba chi ma̱cꞌaꞌ inma̱c li nequeꞌxnimobresi ribeb. Abanan chi anchal inchꞌo̱l la̱in tinba̱nu li cꞌaꞌru naxye la̱ chakꞌrab.

Jeremías 3:10

Usta ac xeꞌxba̱nu li ma̱usilal aꞌin eb laj Judá, incꞌaꞌ ajcuiꞌ queꞌsukꞌi cuiqꞌuin chi anchal xchꞌo̱leb. Yal xcab rix xchꞌo̱leb nak niquineꞌxlokꞌoni, chan li Ka̱cuaꞌ.

1 Reyes 2:4

Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

Salmos 32:6

Li ti̱queb xchꞌo̱l teꞌxtzꞌa̱ma xtenkꞌanquil cha̱cuu nak cuanqueb saꞌ li raylal. Chanchan li butꞌ nak nachal li raylal saꞌ xbe̱neb. Abanan la̱at ta̱tenkꞌaheb re nak incꞌaꞌ teꞌchꞌina̱nk xchꞌo̱leb xban li raylal.

Hechos 8:36

Nak yo̱queb chi xic, queꞌcuulac cuan cuiꞌ jun li haꞌ. Ut li cui̱nk quixye: —Arin cuan haꞌ. ¿Ma incꞌaꞌ ta̱ru̱k ta̱cube̱k inhaꞌ la̱in? chan.

1 Crónicas 22:19

Anakcuan ut qꞌuehomak e̱chꞌo̱l chixsicꞌbal li Ka̱cuaꞌ. Yalomak e̱kꞌe chixyi̱banquil lix templo li Ka̱cuaꞌ le̱ Dios re nak takacꞌam chak lix Lokꞌlaj Ca̱x li Ka̱cuaꞌ joꞌ ajcuiꞌ chixjunil li cꞌaꞌru nacꞌanjelac saꞌ li templo. Ut takaqꞌueheb saꞌ li templo li te̱yi̱b re xlokꞌoninquil li Dios, chan laj David.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Isaías 45:19

La̱in incꞌaꞌ nina̱tinac chi mukmu chi moco quinmuk chiruheb li cristian li cꞌaꞌru nacuaj. Chi moco quinye reheb li ralal xcꞌajol laj Jacob nak tineꞌxsicꞌ bar incꞌaꞌ ta̱ru̱k tineꞌxtau. La̱in li Ka̱cuaꞌ. Saꞌ ti̱quilal nina̱tinac ut junelic ninye li ya̱l, chan.

Salmos 145:18

Li Ka̱cuaꞌ junelic cuan chixtenkꞌanquileb li nequeꞌxya̱ba xcꞌabaꞌ. Naxtenkꞌaheb li nequeꞌxtzꞌa̱ma xtenkꞌanquil chiru chi anchal xchꞌo̱leb.

Isaías 65:10

Lix queto̱mkeb li cualal incꞌajol li nequeꞌsicꞌoc cue teꞌcua̱nk saꞌ li ru takꞌa Sarón. Ut eb lix cuacax teꞌichajibk saꞌ li ru takꞌa Acor.

Jeremías 50:4

Ta̱cuulak xkꞌehil nak eb li ralal xcꞌajol laj Israel, ut eb li ralal xcꞌajol laj Judá teꞌcha̱lk chinsicꞌbal la̱in lix Dioseb. Yo̱keb chi ya̱bac nak teꞌcha̱lk chinsicꞌbal.