Jeremías 29:12 - Li Santil hu

¹² Saꞌ eb li cutan aꞌan la̱ex textijok ut textzꞌa̱ma̱nk chicuu, ut la̱in tincuabi le̱ tij.

Q'eqchi Bible

¹² Toja' naq teepatz' link'ab'a', tulextijoq chiwu, ut laa'in texwab'i.

Jeremías 29:12 ပူးပေါင်းရင်းမြစ်များ

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Salmos 145:19

Li Ka̱cuaꞌ naxqꞌue li cꞌaꞌru nequeꞌraj eb li nequeꞌxucuan ru. Narabi nak nequeꞌxtzꞌa̱ma xtenkꞌanquileb chiru ut naxcoleb.

Salmos 10:17

At Ka̱cuaꞌ, la̱at nacacuabi lix tijeb li tu̱laneb. La̱at nacacuabi li cꞌaꞌru nequeꞌxtzꞌa̱ma cha̱cuu ut nacaqꞌue xcacuil xchꞌo̱leb.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

Jeremías 31:9

Yo̱keb chi tijoc ut yo̱keb chi ya̱bac nak yo̱keb chi sukꞌi̱c. Tincꞌameb chireheb li rok haꞌ saꞌ li be ti̱c ru. Ut incꞌaꞌ teꞌxtich li rokeb. Tinba̱nu chi joꞌcan xban nak la̱in lix yucuaꞌeb laj Israel ut laj Efraín, aꞌan li xbe̱n cualal.

Isaías 30:19

Relic chi ya̱l la̱ex texcua̱nk cuiꞌchic aran Sión saꞌ li tenamit Jerusalén. Incꞌaꞌ chic texya̱bak. Kꞌaxal nim li ruxta̱n li Ka̱cuaꞌ. Nak te̱ya̱ba lix cꞌabaꞌ, li Ka̱cuaꞌ ta̱rabi le̱ tij.

Ezequiel 36:37

Ut tincuabi li cꞌaꞌru teꞌxtzꞌa̱ma chicuu eb li ralal xcꞌajol laj Israel. Tinqꞌueheb cuiꞌchic chi qꞌuia̱nc joꞌ xqꞌuial li queto̱mk.

2 Crónicas 6:38

Ut cui eb aꞌan teꞌxjal xcꞌaꞌuxeb chi anchaleb xchꞌo̱l ut chi anchaleb li ra̱m nak cua̱nkeb chak saꞌ lix tenamit li xicꞌ nequeꞌiloc reheb, teꞌtijok. Nak yo̱keb chi tijoc, teꞌilok saꞌ xjayal li chꞌochꞌ li caqꞌue reheb lix xeꞌto̱nil yucuaꞌ. Teꞌilok saꞌ xjayal li tenamit li casicꞌ ru li xinyi̱b cuiꞌ li templo re a̱lokꞌoninquil.

2 Crónicas 33:13

Li Dios quirabi lix tij. Quiril xtokꞌoba̱l ru ut quixcꞌam cuiꞌchic Jerusalén ut quixqꞌue cuiꞌchic saꞌ xcuanquil. Ut riqꞌuin aꞌan laj Manasés quixnau nak li Ka̱cuaꞌ, aꞌan li tzꞌakal Dios.

Li xHu LAJ JOB 22:27

Aꞌan tixqꞌue li cꞌaꞌru ta̱tzꞌa̱ma chiru. Ut la̱at ta̱qꞌue re li cꞌaꞌru ta̱yechiꞌi re.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

Jeremías 50:4

Ta̱cuulak xkꞌehil nak eb li ralal xcꞌajol laj Israel, ut eb li ralal xcꞌajol laj Judá teꞌcha̱lk chinsicꞌbal la̱in lix Dioseb. Yo̱keb chi ya̱bac nak teꞌcha̱lk chinsicꞌbal.

Jeremías 51:50

La̱ex li joꞌ qꞌuialex xexcoleꞌ saꞌ li ple̱t, me̱xakab e̱rib. Usta najt cuanquex, checꞌoxla li Dios ut checꞌoxla ajcuiꞌ li tenamit Jerusalén.

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.