Jeremías 29:10 - Li Santil hu

¹⁰ Li Ka̱cuaꞌ quixye ajcuiꞌ: —Nak ac xnumeꞌ li laje̱b xca̱cꞌa̱l chihab (70) nak xexinqꞌue chi cua̱nc rubel xcuanquileb laj Babilonia, la̱in tincuil xtokꞌoba̱l e̱ru ut texinqꞌue chi sukꞌi̱c cuiꞌchic saꞌ le̱ naꞌaj joꞌ xinye e̱re.

Q'eqchi Bible

¹⁰ “Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

Jeremías 29:10 ပူးပေါင်းရင်းမြစ်များ

Zacarías 7:5

—Ye reheb chixjunileb li tenamit ut reheb ajcuiꞌ laj tij chi joꞌcaꞌin: Ya̱l nak la̱ex xeba̱nu le̱ ayu̱n ut xexya̱bac saꞌ li roꞌ po ut saꞌ li xcuuk po. Xeba̱nu aꞌan rajlal chihab chiru laje̱b xca̱cꞌa̱l (70) chihab. ¿Ma re xqꞌuebal ta biꞌ inlokꞌal la̱in nak xeba̱nu aꞌan?

Daniel 9:2

saꞌ ajcuiꞌ li chihab aꞌan nak cuan chokꞌ rey laj Darío, la̱in aj Daniel quin-oc chirilbal saꞌ li Santil Hu ut quicuil nak laje̱b xca̱cꞌa̱l chihab ta̱cua̱nk chi jucꞌbil ru li tenamit Jerusalén joꞌ quiyeheꞌ re laj Jeremías xban li nimajcual Dios.

Jeremías 27:22

Chixjunil aꞌin ta̱cꞌamekꞌ Babilonia ut aran ta̱cana̱k toj saꞌ li cutan nak la̱in tinqꞌueheb cuiꞌchic chi cꞌamecꞌ saꞌ xnaꞌajeb. Saꞌ li cutan aꞌan la̱in tinqꞌueheb cuiꞌchic chi cua̱nc saꞌ li naꞌajej aꞌin. La̱in li Ka̱cuaꞌ ninyehoc re aꞌin.

Jeremías 25:12

Abanan nak acak xnumeꞌ li laje̱b xca̱cꞌa̱l chihab, la̱in tinqꞌue lix reyeb laj Babilonia chixtojbal lix ma̱c, joꞌ eb ajcuiꞌ li tenamit. La̱in tincanab lix naꞌajeb chi ma̱cꞌaꞌ cuan chi saꞌ chi junelic, chan li Dios.

Sofonías 2:7

Ut li joꞌ qꞌuial chic li teꞌcolekꞌ saꞌ li naꞌajej Judá, aꞌaneb chic teꞌe̱chani̱nk re lix naꞌajeb laj Ascalón ut aran chic teꞌcua̱nk. Chiru li kꞌojyi̱n teꞌcua̱rk saꞌ li rochocheb laj Ascalón xban nak li Ka̱cuaꞌ lix Dioseb tixtenkꞌaheb ut ta̱rosobtesiheb cuiꞌchic.

Jeremías 27:7

Chixjunileb li tenamit saꞌ ruchichꞌochꞌ teꞌcꞌanjelak chiru aꞌan. Ut teꞌcꞌanjelak chiru li ralal joꞌ ajcuiꞌ chiru li ri toj ta̱cuulak xkꞌehil nak ta̱chapekꞌ lix tenamiteb aꞌan xbaneb li xni̱nkal ru tenamit ut eb lix rey. Ut eb aꞌan chic teꞌcana̱k rubel xcuanquil eb li ni̱nkeb xcuanquil.

2 Crónicas 36:21

Joꞌcaꞌin quicꞌulman re nak ta̱tzꞌaklok ru chixjunil li quicꞌutbesi̱c chiru li profeta Jeremías xban li Ka̱cuaꞌ Dios nak quixye: —Li chꞌochꞌ quicana chi ma̱cꞌaꞌ chic cuan chiru. Chi joꞌcan quihilan li chꞌochꞌ chiru laje̱b xca̱cꞌa̱l chihab xban nak eb laj Israel incꞌaꞌ queꞌxqꞌue chi hila̱nc li chꞌochꞌ rajlal saꞌ li xcuuk li chihab.—

Li xHu LIX RUT 1:6

Saꞌ jun li cutan lix Noemí quirabi resil aran Moab nak li Ka̱cuaꞌ quirosobtesi cuiꞌchic lix tenamit ut cuanqueb chic xcua aran Judá. Joꞌcan nak lix Noemí quixcauresi rib chi e̱lc saꞌ li naꞌajej cuan cuiꞌ re ta̱sukꞌi̱k saꞌ lix tenamit.

2 Crónicas 36:22

Saꞌ li xbe̱n chihab roquic chokꞌ rey aran Persia laj Ciro, nak quicꞌulman li cꞌaꞌru quixye li profeta Jeremías, joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixqꞌue saꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla resil riqꞌuin a̱tin ut chi tzꞌi̱banbil.

Esdras 1:1

Yo̱ xbe̱n chihab roquic chokꞌ rey aran Persia laj Ciro nak quicꞌulman li cꞌaꞌru quixye li profeta Jeremías joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixtochꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla li resil riqꞌuin a̱tin ut chi tzꞌi̱banbil.

Jeremías 25:11

Chixjunil li naꞌajej aꞌin ta̱osokꞌ ut ta̱cana̱k chi ma̱cꞌaꞌ chic cuan chi saꞌ. Xucuajel rilbal li cꞌaꞌru tixcꞌul. Ut eb li tenamit teꞌcꞌanjelak chiru lix reyeb laj Babilonia chiru laje̱b xca̱cꞌa̱l (70) chihab.

Jeremías 29:28

Laj Jeremías quixtakla chak xyebal ke arin Babilonia nak najt tocua̱nk arin. Takayi̱b li kochoch re tocua̱nk cuiꞌ ut toa̱uk re takatzaca ru li kacui̱mk, chan saꞌ lix hu.

Jeremías 29:32

Joꞌcan nak la̱in li Ka̱cuaꞌ tinqꞌue laj Semaías chixtojbal xma̱c. Incꞌaꞌ teꞌcua̱nk li ralal xcꞌajol saꞌ e̱ya̱nk, chi moco ta̱ril laj Semaías li usilal li tinba̱nu reheb lin tenamit xban nak laj Semaías quixcꞌam xbeheb li tenamit chixkꞌetkꞌetinquil ribeb chicuu, chan li Ka̱cuaꞌ.

Jeremías 30:3

Ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb lin tenamit li cuanqueb chi pre̱xil. Tinqꞌueheb chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌeb re nak teꞌcua̱nk aran, chan li Dios.

Jeremías 33:14

Cuulac re xkꞌehil nak tinba̱nu li cꞌaꞌru quinyechiꞌi reheb laj Israel joꞌqueb ajcuiꞌ laj Judá, chan li Ka̱cuaꞌ.

Zacarías 1:12

Ut lix ángel li Ka̱cuaꞌ quixye: —At nimajcual Dios, laje̱b xca̱cꞌa̱l chihab yo̱ a̱joskꞌil saꞌ xbe̱neb li tenamit Jerusalén ut Judá. ¿Joꞌ najtil chic ta̱cua̱nk la̱ joskꞌil saꞌ xbe̱neb? Ut, ¿jokꞌe ta̱cuuxta̱na ruheb? chan li ángel.

Esdras 1:2

Aꞌan aꞌin li resil li quixtakla: —Joꞌcaꞌin naxye laj Ciro lix reyeb laj Persia: Li Ka̱cuaꞌ Dios li cuan saꞌ choxa xqꞌue rubel incuanquil chixjunileb li tenamit li cuanqueb saꞌ ruchichꞌochꞌ. Ut xqꞌue ajcuiꞌ saꞌ inbe̱n xyi̱banquil li templo aran Jerusalén xcue̱nt Judá.

Salmos 102:14

Eb li nequeꞌcꞌanjelac cha̱cuu nequeꞌxra li tenamit Sión usta juqꞌuinbil chic. Nequeꞌril xtokꞌoba̱l ru usta poꞌinbil chixjunil.

Ezequiel 11:17

Ye ajcuiꞌ reheb laj Israel nak la̱in tinchꞌutub cuiꞌchic ruheb li jeqꞌuinbileb ru saꞌ li jalanil tenamit ut tincꞌameb cuiꞌchic saꞌ lix tenamiteb. Ut tinqꞌue cuiꞌchic reheb li naꞌajej Israel.