Jeremías 28:9 - Li Santil hu

⁹ Abanan cui junak li profeta naxye nak ta̱cua̱nk tuktu̱quil usilal, cui nacꞌulman li cꞌaꞌru naxye, ta̱cꞌutu̱nk nak relic chi ya̱l taklanbil xban li Dios, chan.

Q'eqchi Bible

⁹ Ab'anan wi junaq propeet naxye naq taawanq tuqtuukil usilal, taanawmanq naq li Qaawa' kitaqlank chaq re, ka'ajwi' naq taatz'aqloq ru chixjunil li xyehom”.

Jeremías 28:9 ပူးပေါင်းရင်းမြစ်များ

Deuteronomio 18:22

Cui junak profeta naxye nak naa̱tinac saꞌ xcꞌabaꞌ li Dios ut incꞌaꞌ nacꞌulman li cꞌaꞌru naxye, la̱ex te̱nau nak ma̱cuaꞌ ra̱tin li Ka̱cuaꞌ Dios li yo̱ chixyebal. Li profeta aꞌan yo̱ chixyebal li cꞌaꞌru naraj xjunes. Ut la̱ex mexxucuac xban.

Jeremías 6:14

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Jeremías 14:13

Ut laj Jeremías quixye: —At nimajcual Dios, la̱at nacanau nak eb li profetas yo̱queb chixyebal reheb li tenamit nak incꞌaꞌ ta̱cua̱nk li ple̱t chi moco ta̱cua̱nk li cueꞌej. Yo̱queb chixyebal nak ta̱qꞌue reheb li tuktu̱quil usilal, chan.

Jeremías 8:11

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Jeremías 4:10

Laj Jeremías quixye: —At Ka̱cuaꞌ, at nimajcual Dios, relic chi ya̱l la̱at xabalakꞌiheb li tenamit. Xaye nak ta̱cua̱nk li tuktu̱quil usilal, abanan ca̱mc yo̱ chi cha̱lc saꞌ kabe̱n.

Ezequiel 33:33

Abanan ta̱cꞌulma̱nk li cꞌaꞌru xinye. Ut nak ac xcꞌulman, aran teꞌxqꞌue retal nak la̱at tzꞌakal profeta li xatcuan saꞌ xya̱nkeb.—

Deuteronomio 18:21

Ma̱re te̱ye saꞌ e̱chꞌo̱l, “¿Chanru nak takaqꞌue retal nak ma̱cuaꞌ ra̱tin li Ka̱cuaꞌ Dios li yo̱ chixyebal junak profeta?”

Isaías 44:26

Abanan, la̱in ninba̱nun re nak ta̱uxma̱nk li cꞌaꞌru nequeꞌxye laj cꞌanjel chicuu. Us ta̱e̱lk lix cꞌanjeleb li tintaklaheb. La̱in ninye nak teꞌcua̱nk cuiꞌchic cristian saꞌ li tenamit Jerusalén. Ut teꞌyi̱ba̱k cuiꞌchic li tenamit li cuanqueb Judá, li queꞌsacheꞌ junxil.