Jeremías 28:6 - Li Santil hu

⁶ Quixye re: —Tixba̱nu taxak chi joꞌcan li Ka̱cuaꞌ. Chi-uxma̱nk taxak joꞌ xaye. Chixqꞌueheb ta chi sukꞌi̱c saꞌ xnaꞌajeb chixjunil li secꞌ ut li chꞌi̱chꞌ li nacꞌanjelac saꞌ li templo ut chixqꞌueheb ta ajcuiꞌ chi sukꞌi̱c saꞌ li naꞌajej aꞌin chixjunileb li cristian li queꞌcꞌameꞌ Babilonia.

Q'eqchi Bible

⁶ “Us raj naq li Qaawa' tixb'aanu chi jo'kan! Us raj naq li Qaawa' tixk'e chi tz'aqlok ru li xaye ut chiq'ajsiiq chaq wi' chik li k'a'aq re ru re li xloq'laj ochoch. Us raj naq tixk'eheb' ajwi' chi sutq'iik chixjunileb' li ke'k'ame'k Babilonia.

Jeremías 28:6 ပူးပေါင်းရင်းမြစ်များ

Salmos 41:13

Lokꞌoninbil taxak li Ka̱cuaꞌ, lix Dioseb laj Israel, chi junelic kꞌe cutan. Joꞌcan taxak.

1 Reyes 1:36

Laj Benaía li ralal laj Joiada quixye: —¡Joꞌcan taxak! Ut aꞌ taxak li Ka̱cuaꞌ, li nacalokꞌoni la̱at at rey, chixakaba̱nk xcuanquil la̱ cua̱tin.

Jeremías 11:5

Cui la̱ex te̱ba̱nu li cꞌaꞌru tinye e̱re, la̱in tinba̱nu li quinye reheb le̱ xeꞌto̱nil yucuaꞌ riqꞌuin juramento. Quinye nak tinqꞌue reheb jun li cha̱bil naꞌajej li na-el cuiꞌ chi us li racui̱mkeb. Aꞌan li naꞌajej li cuanquex cuiꞌ anakcuan,” chan li Dios. Ut la̱in quinye re li Dios: —Joꞌcan taxak, at Ka̱cuaꞌ.—

Apocalipsis 19:4

Ut li ca̱hib xcaꞌcꞌa̱l li cꞌojcꞌo̱queb saꞌ xcꞌojariba̱leb joꞌqueb ajcuiꞌ li ca̱hib li yoꞌyo̱queb li chanchaneb ángel queꞌxcuikꞌib ribeb ut queꞌxlokꞌoni li Dios li cꞌojcꞌo saꞌ li lokꞌlaj cꞌojariba̱l ut queꞌxye: Lokꞌoninbil taxak li Ka̱cuaꞌ. Joꞌcan taxak, chanqueb.

Apocalipsis 5:14

Ut li ca̱hib li yoꞌyo̱queb li chanchaneb ángel, yo̱queb chixyebal: —Joꞌcan taxak.— Ut eb li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb ut queꞌxlokꞌoni li yoꞌyo chi junelic kꞌe cutan.

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

2 Corintios 1:20

Chixjunil li yechiꞌinbil ke xban li Dios, nakacꞌul saꞌ xcꞌabaꞌ li Jesucristo. Joꞌcan nak saꞌ xcꞌabaꞌ li Jesucristo nakaye “joꞌcan taxak” re xqꞌuebal xlokꞌal li Dios.

1 Corintios 14:16

Cuan li incꞌaꞌ nequeꞌxtau ru lix ya̱lal chirix li jalanil a̱tin. Cui yo̱cat chixlokꞌoninquil li Dios caꞌaj cuiꞌ riqꞌuin la̱ musikꞌ, eb aꞌan incꞌaꞌ teꞌxtau ru li ta̱ye xban nak yo̱cat chi a̱tinac saꞌ jalanil a̱tin. ¿Chan put ru nak teꞌxye “joꞌcan taxak” cui incꞌaꞌ nequeꞌxtau ru li yo̱cat chixyebal?

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

Jeremías 28:3

Joꞌcaꞌin saꞌ cuib chihab la̱in tinqꞌueheb chi sukꞌi̱c chixjunil li secꞌ ut li chꞌi̱chꞌ li quicꞌanjelac saꞌ li templo aꞌin li quicꞌameꞌ Babilonia xban li rey Nabucodonosor.

Jeremías 18:20

¿Ma naru ta biꞌ ta̱kꞌajca̱mu̱k li us riqꞌuin li ma̱usilal? Eb aꞌan chanchan nak ac xeꞌxbec injulel. Jultic a̱cue nak xincol rixeb cha̱cuu. Us xina̱tinac chirixeb re nak incꞌaꞌ ta̱qꞌueheb chixtojbal xma̱queb xban a̱joskꞌil.

Jeremías 17:16

At Ka̱cuaꞌ, la̱in incꞌaꞌ xintzꞌa̱ma cha̱cuu nak ta̱takla li raylal saꞌ xbe̱neb, chi moco nacuaj nak teꞌxcꞌul li raylal. La̱at nacanau. La̱at nacacuabi chixjunil li ninye.

Salmos 106:48

Chikaqꞌuehak taxak xlokꞌal li Ka̱cuaꞌ li nimajcual Dios chi junelic kꞌe cutan, li kaDios la̱o aj Israel. Ut chixjunileb taxak li tenamit teꞌxye: Joꞌcan taxak. Lokꞌoninbil taxak li Ka̱cuaꞌ.

Salmos 89:52

Lokꞌoninbil taxak ru li nimajcual Dios chi junelic kꞌe cutan. Joꞌcan taxak.

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

1 Crónicas 16:36

Chikaqꞌuehak taxak xlokꞌal li Ka̱cuaꞌ li kaDios la̱o aj Israel chi junelic kꞌe cutan,” chan laj David. Ut chixjunileb li tenamit queꞌxlokꞌoni li Ka̱cuaꞌ ut queꞌxye, “Joꞌcan taxak”.

Números 5:22

Nak ta̱cuucꞌ li haꞌ aꞌin tixqꞌue chi si̱pocꞌ la̱ saꞌ ut incꞌaꞌ chic tatqꞌuiresi̱nk cui xamux ru la̱ sumlajic”, chaꞌak laj tij. Ut li ixk tixsume ut tixye, “Joꞌcan chi cꞌulma̱nc”.

Zacarías 6:10

—Ta̱xoc li oro ut li plata li xeꞌxcꞌam chak laj Heldai, laj Tobías ut laj Jedaías li xeꞌsukꞌi chak Babilonia. Saꞌ ajcuiꞌ li cutan aꞌan tatxic saꞌ li rochoch laj Josías li ralal laj Sofonías.