Jeremías 28:4 - Li Santil hu

⁴ La̱in tinqꞌue chi sukꞌi̱c arin laj Jeconías li ralal laj Joacim, lix reyeb laj Judá. Tinqꞌueheb ajcuiꞌ chi sukꞌi̱c chixjunileb laj Judá li queꞌchapeꞌ, ut queꞌcꞌameꞌ Babilonia xban nak la̱in tincuisi xcuanquil lix reyeb laj Babilonia,” chan li Ka̱cuaꞌ.

Q'eqchi Bible

⁴ Tink'e ajwi' chi sutq'iik chaq laj Jekonías, ralal laj Johakín, awab'ej re Judá, ut chixjunileb' laj Judá li ke'k'ame'k chi preexil Babilonia -chan li Qaawa'-, xb'aan naq laa'in tinjuk' li xwankil li awab'ej re Babilonia»”.

Jeremías 28:4 ပူးပေါင်းရင်းမြစ်များ

Jeremías 22:24

Li Ka̱cuaꞌ quixye re laj Jeconías li ralal laj Joacim lix reyeb laj Judá: —Saꞌ incꞌabaꞌ la̱in li yoꞌyo̱quil Dios, la̱in ninye a̱cue nak usta la̱at kꞌaxal lokꞌ chicuu joꞌ jun li matkꞌab li cuan saꞌ ruꞌuj cuukꞌ saꞌ lin nim, tatcuisi saꞌ cuukꞌ ut tatintzꞌekta̱na.

Jeremías 28:2

Quixye re: —Joꞌcaꞌin xye li nimajcual Dios, lix Dioseb laj Israel, “La̱in tincuisi lix reyeb laj Babilonia.

Jeremías 24:1

Li Ka̱cuaꞌ quixcꞌut chicuu cuib li chacach nujenak chi higo cuan chiru li templo. Aꞌin quicꞌulman nak ac xcꞌameꞌ aran Babilonia laj Jeconías ralal laj Joacim lix reyeb laj Judá. Quichapeꞌ Jerusalén xban laj Nabucodonosor, lix reyeb laj Babilonia ut queꞌcꞌameꞌ ajcuiꞌ chixjunileb laj cꞌamol be saꞌ xya̱nkeb laj Judá, joꞌ eb ajcuiꞌ laj tenol chꞌi̱chꞌ ut eb laj pechꞌ.

Nahum 1:13

Nak cuanquex rubel xcuanquilal eb aꞌan chanchan nak cuan li yugo saꞌ e̱be̱n. Abanan chanchan tintoki li yugo nak texcuisi rubel xcuanquileb aꞌan. Chanchan bacꞌbo̱quex riqꞌuin cadena nak cuanquex xbaneb. Abanan la̱in tintꞌupi li cadena li bacꞌbo̱quex cuiꞌ, chan li Dios reheb laj Israel.

Jeremías 30:8

Saꞌ li cutan aꞌan, chan li Ka̱cuaꞌ, la̱in tincuisi li raylal li cuanqueb cuiꞌ. Chanchan nak tintok li yugo ut tincuisi li cadena li bacꞌbo̱queb cuiꞌ. Incꞌaꞌ chic teꞌqꞌuehekꞌ saꞌ cacuil cꞌanjel xbaneb li jalaneb xtenamit.

Jeremías 28:10

Tojoꞌnak laj Hananías quirisi li yugo li cuan chirix xcux li profeta Jeremías ut quixtok.

Jeremías 24:5

—La̱in li Ka̱cuaꞌ, lix Dioseb laj Israel. Eb laj Judá li xeꞌisi̱c arin ut queꞌcꞌameꞌ Babilonia, tinjuntakꞌe̱ta riqꞌuin li cha̱bil higo. Ut la̱in tinba̱nu usilal reheb.

Jeremías 22:10

Mexya̱bac xban nak quicam li rey Josías. Chexya̱bak ban chirix li ralal li ta̱chapekꞌ ut ta̱cꞌamekꞌ saꞌ jalan tenamit xban nak incꞌaꞌ chic ta̱sukꞌi̱k chak saꞌ lix tenamit li quiyoꞌla cuiꞌ.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

Génesis 27:40

Ut riqꞌuin pletic ta̱col rix la̱ yuꞌam chi junelic. La̱at tatcꞌanjelak chiru la̱ cui̱tzꞌin. Abanan ta̱cuulak xkꞌehil nak la̱at ta̱col a̱cuib chiru ut incꞌaꞌ chic tatcua̱nk rubel xcuanquil. Joꞌcaꞌin ajcuiꞌ teꞌxcꞌul eb la̱ cualal a̱cꞌajol, chan laj Isaac re laj Esaú.

Jeremías 27:8

Cui cuan junak tenamit malaj ut junak rey incꞌaꞌ teꞌxcubsi ribeb chi moco teꞌcꞌanjelak chiru li rey Nabucodonosor, la̱in tinqꞌueheb chixtojbal lix ma̱queb nak tintakla li ple̱t, li cueꞌej ut li caki yajel saꞌ xbe̱neb toj retal teꞌxqꞌue ribeb rubel xcuanquil laj Nabucodonosor. La̱in li Ka̱cuaꞌ ninyehoc re aꞌin.

Levítico 26:13

La̱in li Ka̱cuaꞌ le̱ Dios. La̱in quin-isin chak e̱re Egipto re nak incꞌaꞌ chic texcua̱nk chokꞌ rahobtesinbil mo̱s. Chanchan nak cuan li yugo saꞌ e̱cux nak quexcuan rubel xcuanquileb. Abanan la̱in quexcuisi rubel xcuanquileb. Anakcuan naru te̱taksi le̱ riloba̱l nak texbe̱k.

2 Reyes 24:14

Li rey Nabucodonosor quixcꞌameb chi pre̱xil chixjunileb li queꞌcuan Jerusalén. Quixcꞌameb li soldado joꞌ eb ajcuiꞌ li nequeꞌtaklan saꞌ xbe̱neb. Quixcꞌam chixjunileb li nequeꞌxnau cꞌanjelac chi cha̱bil, joꞌ eb ajcuiꞌ laj tenol chꞌi̱chꞌ. Laje̱b mil chixjunileb li cristian li quixcꞌam Babilonia. Caꞌaj chic eb li nebaꞌeb queꞌcana Jerusalén.

Jeremías 13:19

Eb li tenamit li cuanqueb Neguev tzꞌaptzꞌo chic lix puertileb. Ut ma̱ ani chic ta̱ru̱k ta̱tehok re. Chixjunileb li cuanqueb Judá teꞌchapekꞌ ut teꞌcꞌamekꞌ saꞌ jalan tenamit.

Jeremías 29:1

Laj Jeremías quixtzꞌi̱ba jun li hu nak cuan Jerusalén ut quixtakla Babilonia riqꞌuineb laj tij ut eb laj cꞌamol be, joꞌ eb ajcuiꞌ li profeta ut chixjunileb li tenamit li queꞌcꞌameꞌ chi pre̱xil xban laj Nabucodonosor.

Jeremías 29:2

Quixtzꞌi̱ba li hu aꞌan nak ac queꞌchapeꞌ ut queꞌcꞌameꞌ Babilonia li rey Jeconías ut lix naꞌ, ut eb li nequeꞌcꞌanjelac saꞌ li palacio, joꞌ eb ajcuiꞌ li cuanqueb xcuanquil aran Jerusalén ut Judá, rochbeneb laj pechꞌ ut laj tꞌenol chꞌi̱chꞌ li nequeꞌxnau trabajic chi us.