Jeremías 28:14 - Li Santil hu

¹⁴ La̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tinqꞌueheb chixjunileb li tenamit chi cꞌanjelac chokꞌ xmo̱s laj Nabucodonosor lix reyeb laj Babilonia. Chanchan nak xinqꞌue jun yugo chꞌi̱chꞌ chirix xcuxeb. Chixjunileb li cristian joꞌ eb ajcuiꞌ li xul xinqꞌue rubel xcuanquil laj Nabucodonosor, chan li Ka̱cuaꞌ.

Q'eqchi Bible

¹⁴ Xb'aan naq li Nimajwal Yos, li xYos laj Israel, xye chi jo'ka'in: B'itch'iich' chik xink'e chirix xkuxeb' chixjunileb' li tenamit re naq te'kanaaq chi munil chiru laj Nabukodonosor, li awab'ej re Babilonia. A'atqeb' li k'iche'il xul te'wanq rub'el li xwankil»”.

Jeremías 28:14 ပူးပေါင်းရင်းမြစ်များ

Deuteronomio 28:48

Joꞌcan nak la̱ex texcꞌanjelak chiruheb li xicꞌ nequeꞌiloc e̱re li tixtakla chak li Ka̱cuaꞌ. Textzꞌoca̱k ut ta̱chakik e̱re ut ma̱cꞌaꞌak le̱ rakꞌ. Ut ma̱cꞌaꞌak chic cꞌaꞌru e̱re. Li Ka̱cuaꞌ texqꞌue chi cꞌanjelac chokꞌ rahobtesinbil mo̱s chiruheb li xicꞌ nequeꞌiloc e̱re toj retal nak tex-osokꞌ.

Daniel 2:38

Ut quixqꞌue la̱ cuanquil saꞌ xbe̱neb chixjunileb li cuanqueb saꞌ ruchichꞌochꞌ, joꞌqueb ajcuiꞌ li xul saꞌ ruchichꞌochꞌ ut li xul li nequeꞌrupupic chiru choxa. Quixkꞌaxtesi chixjunil saꞌ a̱cuukꞌ la̱at ut quixqꞌue a̱cuanquil saꞌ xbe̱n chixjunil. Lix jolom oro li jalam u̱ch li xacuil, aꞌan la̱at.

Jeremías 40:4

Anakcuan la̱in xcuisi li cadena li bacꞌbo cuiꞌ la̱ cuukꞌ. Cui tixcꞌul a̱chꞌo̱l, tatxic chicuix Babilonia ut la̱in tin-ilok a̱cue. Cui ut incꞌaꞌ tixcꞌul a̱chꞌo̱l, incꞌaꞌ tatxic chicuix. Tatxic yalak bar, li bar cuiꞌ ta̱cuulak cha̱cuu xic.

Jeremías 27:4

Ut ta̱ye reheb nak teꞌxye reheb li nequeꞌtaklan saꞌ xbe̱neb nak la̱in li Ka̱cuaꞌ, lix Dioseb laj Israel, ninye chi joꞌcaꞌin:

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Jeremías 15:12

¿Ma cuan ta biꞌ junak ta̱numta̱k chiruheb li tenamit li cuan saꞌ li norte, li chanchan li chꞌi̱chꞌ hierro ut bronce?—

Jeremías 27:8

Cui cuan junak tenamit malaj ut junak rey incꞌaꞌ teꞌxcubsi ribeb chi moco teꞌcꞌanjelak chiru li rey Nabucodonosor, la̱in tinqꞌueheb chixtojbal lix ma̱queb nak tintakla li ple̱t, li cueꞌej ut li caki yajel saꞌ xbe̱neb toj retal teꞌxqꞌue ribeb rubel xcuanquil laj Nabucodonosor. La̱in li Ka̱cuaꞌ ninyehoc re aꞌin.

Lamentaciones 1:14

Li Ka̱cuaꞌ yo̱ chak chixqꞌuebal retal li ma̱c li xkaba̱nu. Chanchan nak quixchꞌutubeb li kama̱c ut quixbacꞌ chiru li kacux. Chanchan li yugo li kꞌaxal a̱l xcꞌambal. Yo̱ chi osocꞌ li kametzꞌe̱u. Li Ka̱cuaꞌ coxkꞌaxtesi saꞌ rukꞌeb li xicꞌ nequeꞌiloc ke ut la̱o incꞌaꞌ chic nakacuy xcolbal kib chiruheb.

Oseas 10:11

Eb laj Efraín chanchaneb li ral li cuacax li chꞌolaninbil chi us, li cꞌaynak chixyekꞌinquil li trigo re risinquil li ru saꞌ rix. Usta cꞌajoꞌ xchakꞌal ru li rix cux, abanan la̱in tinqꞌue li yugo chirix ut tinqꞌue chi cꞌanjelac chi cau. Tinqꞌueheb li ralal xcꞌajol laj Judá chixquelonquil li arado ut tinqꞌueheb li ralal xcꞌajol laj Jacob chixnumsinquil li rastrillo saꞌ xbe̱n li chꞌochꞌ.