Jeremías 28:11 - Li Santil hu

¹¹ Ut chiruheb chixjunileb li tenamit laj Hananías quixye: —Joꞌcaꞌin quixye li Ka̱cuaꞌ. Joꞌ nak xtokeꞌ li yugo aꞌin li xcuan chirix xcux laj Jeremías, joꞌcan ajcuiꞌ nak la̱in tincuisi xcuanquil laj Nabucodonosor lix reyeb laj Babilonia. Saꞌ cuib chihab la̱in tincuisi xcuanquil. Chanchan nak tincuisi li yugo chirix xcuxeb chixjunileb li tenamit ut tintok, chan. Nak quirakeꞌ chi a̱tinac laj Hananías, li profeta Jeremías co̱.

Q'eqchi Bible

¹¹ Ut kixye chiruheb' chixjunil li tenamit: “Jo'ka'in xye li Qaawa': «Jo' naq xwisi li b'itche' a'in chirix xkux laj Jeremías, jo'kan ajwi' naq twisiheb' chixjunileb' li tenamit rub'el xwankil li awab'ej re Babilonia sa' wiib' chihab', ut tinjuk'i»”. Laj Jeremías ki'elk aran ut koho.

Jeremías 28:11 ပူးပေါင်းရင်းမြစ်များ

Jeremías 14:14

Ut li Ka̱cuaꞌ quixye: —Li cꞌaꞌru yo̱queb chixyebal li profetas ticꞌtiꞌ. Nequeꞌxye nak yo̱queb chi a̱tinac saꞌ incꞌabaꞌ. La̱in incꞌaꞌ xebintakla, ut incꞌaꞌ xinxakabeb chi moco xina̱tinac riqꞌuineb. La̱in incꞌaꞌ xincꞌut visión chiruheb. Ticꞌtiꞌic ut balakꞌic nequeꞌxba̱nu. Yo̱queb chixyebal li cꞌaꞌru nequeꞌrecꞌa xjuneseb.

Proverbios 14:7

Isihomak e̱rib riqꞌuineb li ma̱cꞌaꞌeb xnaꞌleb xban nak riqꞌuineb aꞌan incꞌaꞌ te̱tau li cha̱bil naꞌleb.

Jeremías 29:9

Eb aꞌan nequeꞌxye ticꞌtiꞌ saꞌ incꞌabaꞌ. Moco ya̱l ta nak la̱in xintaklan reheb.

Jeremías 23:17

Rajlal nequeꞌxye reheb li xicꞌ nequeꞌiloc cue, “Li Ka̱cuaꞌ xye nak texcua̱nk saꞌ tuktu̱quil usilal”. Ut nequeꞌxye ajcuiꞌ reheb li nequeꞌxqꞌue xchꞌo̱l chixba̱nunquil li cꞌaꞌru nequeꞌraj xjuneseb, “Ba̱nuhomak li cꞌaꞌru nequeraj. Ma̱cꞌaꞌ te̱cꞌul”, chanqueb.

2 Crónicas 18:10

Li profeta Sedequías, li ralal laj Quenaana, quixyi̱b li xucub riqꞌuin chꞌi̱chꞌ ut yo̱ chixjapbal re chixyebal: —Joꞌcaꞌin xye li Ka̱cuaꞌ. “Riqꞌuineb li xucub aꞌin ta̱xekꞌeb laj Siria toj retal ta̱sach ruheb chixjunileb” chan.

1 Reyes 22:6

Ut lix reyeb laj Israel quixchꞌutubeb li profeta. Cuanqueb na ca̱hib ciento chi profeta. Ut li rey quixpatzꞌ reheb: —¿Ma us nak toxic chi pletic aran Ramot xcue̱nt Galaad? chan. Ut eb li profeta queꞌxye re: —Us texxic chi pletic xban nak li Ka̱cuaꞌ tixkꞌaxtesi li tenamit Ramot saꞌ a̱cuukꞌ la̱at, chanqueb.

1 Reyes 13:18

Abanan li profeta jun chic quixticꞌtiꞌi ut quixye re: —La̱in profetin ajcuiꞌ joꞌ la̱at. Ut jun lix ángel li Ka̱cuaꞌ x-a̱tinac cuiqꞌuin ut xye cue, “Li Ka̱cuaꞌ xye, Cꞌam saꞌ la̱ cuochoch li profeta re ta̱cuaꞌak ut ta̱ucꞌak”, chan.

Ezequiel 13:7

¿Ma ma̱cuaꞌ ta biꞌ ticꞌtiꞌ li visión ut li kꞌehicꞌ li incꞌaꞌ cꞌutbil inban la̱in? Usta nequeꞌxye nak la̱in xincꞌutuc chiruheb, abanan moco ya̱l ta li nequeꞌxye.

Jeremías 28:15

Ut li profeta Jeremías quixye re laj Hananías: —Abi li yo̱quin chixyebal a̱cue, at Hananías. Ma̱cuaꞌ li Ka̱cuaꞌ xyehoc a̱cue li cꞌaꞌru xaye, abanan la̱at xabalakꞌiheb li tenamit riqꞌuin li ticꞌtiꞌ li xaye.