Jeremías 27:21 - Li Santil hu

²¹ Joꞌcaꞌin quixye li Ka̱cuaꞌ li nimajcual Dios, lix Dioseb laj Israel, chirixeb li chꞌi̱chꞌ li queꞌcanaba̱c saꞌ lix templo li Ka̱cuaꞌ ut saꞌ li rochoch lix reyeb laj Judá aran Jerusalén.

Jeremías 27:21 ပူးပေါင်းရင်းမြစ်များ

Jeremías 20:5

Ut tinkꞌaxtesi saꞌ rukꞌ li rey aꞌan chixjunil lix biomal le̱ tenamit Jerusalén, joꞌ ajcuiꞌ le̱ racui̱mk ut chixjunil li cꞌaꞌak re ru terto xtzꞌak, joꞌ ajcuiꞌ li cꞌaꞌru re li rey li terto xtzꞌak. Tinkꞌaxtesi saꞌ rukꞌeb li xicꞌ nequeꞌiloc e̱re. Ut eb aꞌan teꞌxcꞌam chixjunil aran Babilonia.”

Jeremías 27:20

Laj Nabucodonosor lix reyeb laj Babilonia incꞌaꞌ quixcꞌam li cꞌaꞌak re ru aꞌan nak quixcꞌam aran Babilonia laj Jeconías li ralal laj Joacim lix reyeb laj Judá rochbeneb chixjunileb li nequeꞌtaklan aran Jerusalén ut Judá.

Jeremías 27:22

Chixjunil aꞌin ta̱cꞌamekꞌ Babilonia ut aran ta̱cana̱k toj saꞌ li cutan nak la̱in tinqꞌueheb cuiꞌchic chi cꞌamecꞌ saꞌ xnaꞌajeb. Saꞌ li cutan aꞌan la̱in tinqꞌueheb cuiꞌchic chi cua̱nc saꞌ li naꞌajej aꞌin. La̱in li Ka̱cuaꞌ ninyehoc re aꞌin.

2 Reyes 20:17

“Ta̱cuulak xkꞌehil nak chixjunil li cuan saꞌ la̱ cuochoch ta̱cꞌamekꞌ aran Babilonia. Chixjunil li cꞌaꞌak re ru li queꞌxxoc eb la̱ xeꞌto̱nil yucuaꞌ toj chalen anakcuan ta̱cꞌamekꞌ. Ma̱cꞌaꞌ chic ta̱cana̱k.”

2 Crónicas 36:18

Lix reyeb laj Babilonia quirelkꞌa chixjunil li secꞌ li nacꞌanjelac saꞌ lix templo li Dios, joꞌ ni̱nk joꞌ cocꞌ. Quixcꞌam chixjunil li nacꞌanjelac saꞌ li templo li terto xtzꞌak. Ut quixcꞌam ajcuiꞌ li terto xtzꞌak li cuan saꞌ rochoch li rey joꞌ ajcuiꞌ li cuan saꞌ li rochocheb li nequeꞌcꞌanjelac chiru. Chixjunil li quirelkꞌa quixcꞌam Babilonia.

Esdras 1:7

Ut li rey Ciro quirisi chak li secꞌ li nacꞌanjelac saꞌ li rochoch li Dios, li queꞌelkꞌa̱c ut queꞌqꞌueheꞌ saꞌ rochocheb lix dioseb laj Babilonia xban li rey Nabucodonosor.

Esdras 1:11

Chixjunil li secꞌ li quikꞌaxtesi̱c re laj Sesbasar, aꞌan o̱b mil riqꞌuin ca̱hib ciento (5,400) li secꞌ oro ut li secꞌ plata. Ut queꞌxcꞌam li secꞌ nak queꞌel Babilonia li chapcho̱queb cuiꞌ ut queꞌsukꞌi cuiꞌchic Jerusalén.

Isaías 39:6

Ta̱cuulak xkꞌehil nak chixjunil li cuan saꞌ la̱ cuochoch ta̱cꞌamekꞌ aran Babilonia. Chixjunil li cꞌaꞌak re ru li queꞌxxoc eb la̱ xeꞌto̱nil yucuaꞌ toj chalen anakcuan ta̱cꞌamekꞌ. Ma̱cꞌaꞌ chic ta̱cana̱k.

Lamentaciones 1:10

Eb li xicꞌ nequeꞌiloc reheb laj Jerusalén queꞌxcꞌam chokꞌ reheb chixjunil lix biomal li tenamit Jerusalén. Eb laj Jerusalén queꞌril nak queꞌoc saꞌ li lokꞌlaj templo bar caye nak incꞌaꞌ naru teꞌoc li ma̱cuaꞌeb aj judío.