Jeremías 27:15 - Li Santil hu

¹⁵ Li Ka̱cuaꞌ quixye nak incꞌaꞌ quixtaklaheb. Yo̱queb chi ticꞌtiꞌic nak nequeꞌa̱tinac saꞌ xcꞌabaꞌ li Dios. Joꞌcan nak li Ka̱cuaꞌ ta̱isi̱nk e̱re saꞌ le̱ naꞌaj rochbeneb le̱ profeta ut ta̱sachekꞌ e̱ru, chanquin re.

Q'eqchi Bible

¹⁵ Moko laa'in ta xintaqlank reheb' -chan li Qaawa'-, ut yookeb' chi roksinkil link'ab'a' chi yal tik'ti'. Mare anchal texwisi sa' leena'aj, ut texkamq laa'ex jo'wi' eb' li propeet xe'b'alaq'ink eere”.

Jeremías 27:15 ပူးပေါင်းရင်းမြစ်များ

Jeremías 27:10

Eb aꞌan ticꞌtiꞌ li nequeꞌxye e̱re. Moco ya̱l ta. Cui te̱pa̱b li cꞌaꞌru nequeꞌxye eb aꞌan, tex-isi̱k saꞌ le̱ naꞌaj. La̱in tin-isi̱nk e̱re ut ta̱sachekꞌ e̱ru.

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Jeremías 29:9

Eb aꞌan nequeꞌxye ticꞌtiꞌ saꞌ incꞌabaꞌ. Moco ya̱l ta nak la̱in xintaklan reheb.

Jeremías 23:21

Li Ka̱cuaꞌ quixye: —Usta ma̱cuaꞌ la̱in quinxakaban reheb, abanan eb aꞌan queꞌxqꞌue rib chokꞌ profeta. La̱in incꞌaꞌ queꞌcua̱tina, abanan eb aꞌan queꞌxqꞌue rib chi a̱tinac saꞌ incꞌabaꞌ.

Jeremías 23:15

Aꞌan aꞌin li quixye li Ka̱cuaꞌ li nimajcual Dios chirixeb li profeta: Xban li ma̱c queꞌxba̱nu li profetas aj Jerusalén, xnumta li ma̱c saꞌ chixjunil li naꞌajej aꞌin. Xban li ma̱c queꞌxba̱nu, la̱in tinqꞌue raylal saꞌ xbe̱neb. Chanchan nak tinqꞌue li tzacae̱mk cꞌa chixtzacaheb ut chanchan nak tinqꞌue li haꞌ li banbil xsaꞌ chiruqꞌueb, chan.

Jeremías 20:6

At Pasur, la̱at ut chixjunileb li cuanqueb saꞌ la̱ cuochoch texchapekꞌ ut texcꞌamekꞌ Babilonia. Texca̱mk ut texmukekꞌ aran, la̱at ut chixjunileb li nequeꞌrahoc a̱cue, li xabalakꞌiheb riqꞌuin li ticꞌtiꞌ li xaye reheb.

Jeremías 23:25

La̱in nacuabi li cꞌaꞌru nequeꞌxye li profetas aj balakꞌ. Nequeꞌticꞌtiꞌic saꞌ incꞌabaꞌ ut nequeꞌxye: “Joꞌcaꞌin xinmatqꞌue”, chanqueb.

Jeremías 29:8

Joꞌcaꞌin xye li Ka̱cuaꞌ li nimajcual Dios, lix Dioseb laj Israel: Me̱qꞌue e̱rib chixbalakꞌi eb li profeta ut eb laj kꞌe li cuanqueb saꞌ e̱ya̱nk, chi moco te̱rabi li cꞌaꞌru nequeꞌxye li nequeꞌmatqꞌuec.

Jeremías 14:14

Ut li Ka̱cuaꞌ quixye: —Li cꞌaꞌru yo̱queb chixyebal li profetas ticꞌtiꞌ. Nequeꞌxye nak yo̱queb chi a̱tinac saꞌ incꞌabaꞌ. La̱in incꞌaꞌ xebintakla, ut incꞌaꞌ xinxakabeb chi moco xina̱tinac riqꞌuineb. La̱in incꞌaꞌ xincꞌut visión chiruheb. Ticꞌtiꞌic ut balakꞌic nequeꞌxba̱nu. Yo̱queb chixyebal li cꞌaꞌru nequeꞌrecꞌa xjuneseb.

Jeremías 38:22

Chixjunileb li ixk li cuanqueb saꞌ la̱ cuochoch teꞌisi̱k saꞌ li cab ut teꞌkꞌaxtesi̱k saꞌ rukꞌeb li nequeꞌtenkꞌan re lix reyeb laj Babilonia. Ut eb li ixk teꞌxye a̱cue, “Xateꞌxbalakꞌi ut xeꞌnumta saꞌ a̱be̱n li cacꞌojob a̱chꞌo̱l saꞌ xbe̱neb. Anakcuan xachꞌic a̱cuib saꞌ chꞌaꞌajquil. Chanchan nak xachꞌic la̱ cuok saꞌ sulul. Xateꞌxcanab a̱junes la̱ cuami̱g.”