Jeremías 27:13 - Li Santil hu

¹³ ¿Cꞌaꞌru aj e nak ta̱qꞌue a̱cuib chi camsi̱c ut ta̱qꞌueheb ajcuiꞌ la̱ tenamit chi ca̱mc saꞌ li ple̱t malaj ut xban cueꞌej malaj ut xban caki yajel? Li Ka̱cuaꞌ quixye nak joꞌcan te̱cꞌul cui incꞌaꞌ texcꞌanjelak chiru lix reyeb laj Babilonia.

Q'eqchi Bible

¹³ K'aru aj e naq teek'e eerib' chi kamsiik laa'at ut laatenamit xb'aan li raaxiik', li we'ej ut li raxkamk? Xb'aan naq a'in xyehom li Qaawa' chirix li tenamit li ink'a' taaraj k'anjelak chiru li awab'ej re Babilonia: relik chi yaal naq taakamq.

Jeremías 27:13 ပူးပေါင်းရင်းမြစ်များ

Ezequiel 18:31

Canabomak chixjunil le̱ kꞌetba a̱tin li xexma̱cob cuiꞌ. Jalomak e̱cꞌaꞌux ut acꞌak chic le̱ yuꞌam. ¿Cꞌaꞌut nak te̱qꞌue e̱rib chi ca̱mc xban le̱ ma̱c, ex aj Israel?

Jeremías 27:8

Cui cuan junak tenamit malaj ut junak rey incꞌaꞌ teꞌxcubsi ribeb chi moco teꞌcꞌanjelak chiru li rey Nabucodonosor, la̱in tinqꞌueheb chixtojbal lix ma̱queb nak tintakla li ple̱t, li cueꞌej ut li caki yajel saꞌ xbe̱neb toj retal teꞌxqꞌue ribeb rubel xcuanquil laj Nabucodonosor. La̱in li Ka̱cuaꞌ ninyehoc re aꞌin.

Proverbios 8:36

Li ani natzꞌekta̱nan re li cha̱bil naꞌleb, raylal nachal saꞌ xbe̱n. Ut chixjunileb li xicꞌ nequeꞌiloc re, aꞌ li ca̱mc nequeꞌxbok saꞌ xbe̱neb.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Ezequiel 18:24

Abanan cui junak ti̱c xchꞌo̱l tixjal xnaꞌleb ut tixba̱nu li ma̱usilal li nequeꞌxba̱nu li incꞌaꞌ useb xnaꞌleb, li jun aꞌan ta̱ca̱mk. Ut incꞌaꞌ tixcꞌul xkꞌajca̱munquil li us li quixba̱nu junxil. Ta̱ca̱mk xban li ma̱c li quixba̱nu ut xban nak quixkꞌetkꞌeti rib.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Jeremías 38:20

Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.

Jeremías 38:2

Queꞌrabi nak laj Jeremías quixye reheb li tenamit: —Chixjunileb li teꞌcana̱k saꞌ li tenamit teꞌca̱mk xban cueꞌej malaj ut saꞌ li ple̱t, malaj ut xban li caki yajel. Abanan eb li teꞌe̱lk ut teꞌxkꞌaxtesi ribeb rubel xcuanquil laj Babilonia incꞌaꞌ teꞌcamsi̱k. Teꞌcana̱k ban chi yoꞌyo.

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Jeremías 17:4

Te̱sach le̱ naꞌaj li quinqꞌue e̱re xban li ma̱c li xeba̱nu. Texinqꞌue chi cꞌanjelac chiruheb li xicꞌ nequeꞌiloc e̱re saꞌ li naꞌajej li incꞌaꞌ nequenau xban nak xechikꞌ injoskꞌil. Anakcuan junelic yo̱k injoskꞌil saꞌ e̱be̱n, chan li Dios.

Jeremías 38:23

Chixjunileb la̱ cuixakil ut eb la̱ cocꞌal teꞌkꞌaxtesi̱k saꞌ rukꞌeb laj Babilonia. Ut la̱at incꞌaꞌ tatru̱k chi e̱lelic chiruheb. Tatchapekꞌ ban xban lix reyeb laj Babilonia ut li tenamit aꞌin ta̱cꞌatekꞌ, chan laj Jeremías.