Jeremías 27:10 - Li Santil hu

¹⁰ Eb aꞌan ticꞌtiꞌ li nequeꞌxye e̱re. Moco ya̱l ta. Cui te̱pa̱b li cꞌaꞌru nequeꞌxye eb aꞌan, tex-isi̱k saꞌ le̱ naꞌaj. La̱in tin-isi̱nk e̱re ut ta̱sachekꞌ e̱ru.

Q'eqchi Bible

¹⁰ Xb'aan naq yal tik'ti' li neke'xye eere: wi teepaab' li raatineb' a'an, tex'isiiq sa' leena'aj ut laa'in texincha'cha'i ut texkamsiiq.

Jeremías 27:10 ပူးပေါင်းရင်းမြစ်များ

Jeremías 32:31

Chalen nak quiticla chak xyi̱banquil li tenamit aꞌin ut toj chalen anakcuan junes xqꞌuebal injoskꞌil nequeꞌxba̱nu. Xban aꞌan tinsach ru li tenamit aꞌin.

Lamentaciones 2:14

Aꞌaneb ajcuiꞌ le̱ profeta li queꞌbalakꞌin e̱re. La̱ex yo̱quex chi ma̱cobc, abanan incꞌaꞌ queꞌxye e̱re nak incꞌaꞌ us yo̱quex. Incꞌaꞌ queꞌxye e̱re nak te̱yotꞌ e̱chꞌo̱l ut te̱jal e̱cꞌaꞌux re nak incꞌaꞌ texchapekꞌ. Ticꞌtiꞌ ban li queꞌxye e̱re.

Jeremías 28:16

Joꞌcan nak li Ka̱cuaꞌ xye nak tatrisi saꞌ ruchichꞌochꞌ. Chiru ajcuiꞌ li chihab aꞌin tatca̱mk xban nak xacꞌam xbeheb li tenamit chixkꞌetkꞌetinquil ribeb chiru li Ka̱cuaꞌ, chan.

Jeremías 27:14

Mex-abin chiruheb li profetas li nequeꞌxye e̱re nak incꞌaꞌ texcꞌanjelak chiru lix reyeb laj Babilonia xban nak eb aꞌan yo̱queb chi ticꞌtiꞌic.

Jeremías 23:25

La̱in nacuabi li cꞌaꞌru nequeꞌxye li profetas aj balakꞌ. Nequeꞌticꞌtiꞌic saꞌ incꞌabaꞌ ut nequeꞌxye: “Joꞌcaꞌin xinmatqꞌue”, chanqueb.

Éxodo 22:18

Incꞌaꞌ ta̱canaba̱k chi yoꞌyo li ani natu̱lac.

Deuteronomio 18:10

Ut ma̱ jun e̱re tixcꞌat lix cocꞌal chokꞌ xmayej, chi moco texkꞌehi̱nk, chi moco textu̱lak, chi moco texxic chi patzꞌoc riqꞌuineb laj tu̱l ut eb laj kꞌe.

Jeremías 8:19

Chacuabi taxak lix ya̱beb lin tenamit li cuanqueb chi najt nak nequeꞌxye, “¿Ma ma̱cꞌaꞌ ta biꞌ li Ka̱cuaꞌ aran Sión? ¿Ma ma̱ ani chic lix reyeb aran?” chanqueb. Li Ka̱cuaꞌ quixye re: —¿Cꞌaꞌut nak queꞌxqꞌue injoskꞌil riqꞌuin xlokꞌoninquileb li jalanil dios? ¿Cꞌaꞌut nak nequeꞌxqꞌue xlokꞌal li yi̱banbil dios li ma̱cꞌaꞌ nequeꞌoc cuiꞌ? chan.

Jeremías 14:14

Ut li Ka̱cuaꞌ quixye: —Li cꞌaꞌru yo̱queb chixyebal li profetas ticꞌtiꞌ. Nequeꞌxye nak yo̱queb chi a̱tinac saꞌ incꞌabaꞌ. La̱in incꞌaꞌ xebintakla, ut incꞌaꞌ xinxakabeb chi moco xina̱tinac riqꞌuineb. La̱in incꞌaꞌ xincꞌut visión chiruheb. Ticꞌtiꞌic ut balakꞌic nequeꞌxba̱nu. Yo̱queb chixyebal li cꞌaꞌru nequeꞌrecꞌa xjuneseb.

Jeremías 23:16

Li Ka̱cuaꞌ li nimajcual Dios quixye reheb li cuanqueb Jerusalén: —Me̱rabi li cꞌaꞌru nequeꞌxye eb li profeta aꞌin. Junes ticꞌtiꞌ nequeꞌxye. Yal cꞌoxlanbil xbaneb aꞌan. Ma̱cuaꞌ la̱in quinyehoc re.

Jeremías 27:15

Li Ka̱cuaꞌ quixye nak incꞌaꞌ quixtaklaheb. Yo̱queb chi ticꞌtiꞌic nak nequeꞌa̱tinac saꞌ xcꞌabaꞌ li Dios. Joꞌcan nak li Ka̱cuaꞌ ta̱isi̱nk e̱re saꞌ le̱ naꞌaj rochbeneb le̱ profeta ut ta̱sachekꞌ e̱ru, chanquin re.

Jeremías 27:16

Ut la̱in quinye reheb laj tij ut reheb li tenamit: —Aꞌan aꞌin li naxye li Ka̱cuaꞌ: Me̱pa̱b li cꞌaꞌru nequeꞌxye li profetas nak nequeꞌxye e̱re nak chi se̱b teꞌcꞌamekꞌ cuiꞌchic chak li cꞌaꞌru cuan aran Babilonia li nacꞌanjelac saꞌ lix templo li Dios. Eb aꞌan yo̱queb chi ticꞌtiꞌic che̱ru.

Jeremías 28:11

Ut chiruheb chixjunileb li tenamit laj Hananías quixye: —Joꞌcaꞌin quixye li Ka̱cuaꞌ. Joꞌ nak xtokeꞌ li yugo aꞌin li xcuan chirix xcux laj Jeremías, joꞌcan ajcuiꞌ nak la̱in tincuisi xcuanquil laj Nabucodonosor lix reyeb laj Babilonia. Saꞌ cuib chihab la̱in tincuisi xcuanquil. Chanchan nak tincuisi li yugo chirix xcuxeb chixjunileb li tenamit ut tintok, chan. Nak quirakeꞌ chi a̱tinac laj Hananías, li profeta Jeremías co̱.

Daniel 4:7

Ut queꞌcꞌameꞌ chak cuiqꞌuin chixjunileb laj kꞌe, ut eb laj tu̱l, joꞌqueb ajcuiꞌ laj qꞌuehol naꞌleb ut eb li nequeꞌtzoloc chirix li chahim. Ut la̱in xinye reheb cꞌaꞌru lin matcꞌ. Abanan incꞌaꞌ queꞌru xyebal cue cꞌaꞌru naxye lin matcꞌ.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Zacarías 10:2

Joꞌcan nak mextzꞌa̱man reheb li yi̱banbil dios xban nak aꞌan moco teꞌxqꞌue ta li cꞌaꞌru te̱tzꞌa̱ma. Eb laj kꞌe, aꞌan aj ticꞌtiꞌeb. Moco ya̱l ta li cꞌaꞌru nequeꞌxye. Chanchan yal matqꞌuenbil nequeꞌxba̱nu li cꞌaꞌru nequeꞌxye. Moco ya̱l ta nak nequeꞌxcꞌojob e̱chꞌo̱l. Xban eb aꞌan nak queꞌxchaꞌchaꞌi ribeb li tenamit yalak bar. Ra queꞌxcꞌul xban nak ma̱ ani qui-iloc reheb.