Jeremías 26:5 - Li Santil hu

⁵ Cui incꞌaꞌ te̱rabi li cꞌaꞌru nequeꞌxye li profetas li nequeꞌcꞌanjelac chicuu, li quintakla e̱riqꞌuin rajlal ut incꞌaꞌ nequex-abin chiruheb,

Q'eqchi Bible

⁵ chi moko teerab'i leeq'usb'al xb'aaneb' li propeet aj k'anjeleb' chiwu, li rajlal xintaqlaheb' eerik'in ab'an xetz'eqtaanaheb',

Jeremías 26:5 ပူးပေါင်းရင်းမြစ်များ

Jeremías 11:7

Chalen nak queꞌcuisi chak le̱ xeꞌto̱nil yucuaꞌ Egipto ut toj chalen anakcuan la̱in nabal sut quebinkꞌus. Chalen junxil yo̱quin chak chixyebal reheb: Cherabihak li cꞌaꞌru ninye.

Jeremías 7:25

Chalen saꞌ li cutan nak le̱ xeꞌto̱nil yucuaꞌ queꞌel chak Egipto toj chalen anakcuan, rajlal quintaklaheb lin profeta riqꞌuineb chixchꞌolobanquil lix ya̱lal chiruheb.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Esdras 9:11

li caqꞌue reheb li profeta, li queꞌcꞌanjelac cha̱cuu. Eb aꞌan queꞌxye ke cꞌaꞌru caye saꞌ la̱ chakꞌrab. La̱at caye reheb li kaxeꞌto̱nil yucuaꞌ nak li naꞌajej li xiqueb cuiꞌ re chi cua̱nc, numtajenak chi ma̱usilal xban li incꞌaꞌ us li nequeꞌxba̱nu li tenamit li cuanqueb aran.

2 Reyes 9:7

La̱at tatsachok ruheb li ralal xcꞌajol laj Acab li nataklan saꞌ a̱be̱n. Chi joꞌcaꞌin ta̱qꞌueheb chixtojbal rix lix camiqueb lin profetas li queꞌcꞌanjelac chicuu li quixtakla xcamsinquil lix Jezabel.

Apocalipsis 11:18

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

Apocalipsis 10:7

Nak tixya̱basi lix trompeta li xcuuk ángel, saꞌ eb li cutan aꞌan ta̱tzꞌaklok ru lix cꞌaꞌux li Dios, li mukmu nak quicuan. Ta̱tzꞌaklok ru joꞌ quixye reheb li profeta li queꞌcꞌanjelac chiru, chan.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Ezequiel 38:17

Joꞌcaꞌin xye li nimajcual Dios re laj Gog: ¿Ma ma̱cuaꞌ ta biꞌ la̱at quina̱tinac chak cha̱cuix junxilaj nak quina̱tinac riqꞌuineb li profeta aj Israel li queꞌcꞌanjelac chicuu? Chiru nabal chihab eb aꞌan queꞌxye resil nak la̱in tatintakla chi pletic riqꞌuineb laj Israel.

2 Reyes 24:2

Abanan li Ka̱cuaꞌ quixtaklaheb laj Babilonia, eb laj Siria, eb laj Moab, ut eb laj Amón chi pletic riqꞌuineb laj Judá re teꞌxsach ruheb joꞌ quiyeheꞌ reheb li profeta xban li Ka̱cuaꞌ.

2 Reyes 17:23

toj retal nak li Dios quixcanabeb re nak teꞌchapekꞌ xbaneb jalan tenamit joꞌ quiyeheꞌ reheb xbaneb lix profeta li Dios. Joꞌcan nak queꞌchapeꞌ ut queꞌcꞌameꞌ Asiria. Ut aran cuanqueb toj chalen anakcuan.

2 Reyes 17:13

Li Ka̱cuaꞌ quixtaklaheb lix profeta ut eb lix takl riqꞌuineb laj Israel ut riqꞌuineb laj Judá. Queꞌxye chi joꞌcaꞌin: —Canabomak xba̱nunquil li ma̱usilal. Cheba̱nuhak ban li cꞌaꞌru naxye li chakꞌrab li quixqꞌue li Dios reheb le̱ xeꞌto̱nil yucuaꞌ. Cheba̱nuhak chixjunil li cꞌaꞌru xextakla̱c cuiꞌ, chanqueb li profetas laj cꞌanjel chiru li Ka̱cuaꞌ.

Jeremías 29:19

Teꞌxcꞌul chi joꞌcan xban nak incꞌaꞌ queꞌxpa̱b li cua̱tin li quiyeheꞌ reheb junelic xbaneb lin profetas li queꞌcꞌanjelac chicuu. Joꞌcan ajcuiꞌ la̱ex. Chi moco la̱ex li quexcꞌameꞌ chi najt xerabi li cua̱tin, chan li Ka̱cuaꞌ.

Jeremías 32:33

Xineꞌxtzꞌekta̱na xban nak incꞌaꞌ queꞌraj rabinquil lix kꞌusbaleb. La̱in rajlal xincꞌut lix ya̱lal chiruheb, abanan incꞌaꞌ queꞌabin chicuu.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Jeremías 35:17

Joꞌcan nak la̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tintakla li raylal saꞌ xbe̱neb laj Judá ut chixjunileb li cuanqueb Jerusalén joꞌ quinye reheb. Nabal li raylal tintakla saꞌ xbe̱neb. Xina̱tinac riqꞌuineb, abanan incꞌaꞌ xeꞌabin chicuu. Xinbokeb chi cha̱lc cuiqꞌuin ut incꞌaꞌ queꞌraj cha̱lc cuiqꞌuin, chan.

Jeremías 44:4

Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.