Jeremías 26:22 - Li Santil hu

²² Li rey Joacim quixtakla Egipto laj Elnatán li ralal laj Acbor. Cuanqueb chic cuib oxib li cui̱nk li queꞌtakla̱c rochben laj Elnatán.

Q'eqchi Bible

²² Moqon laj Johakín, li awab'ej, kixtaqla laj Elnatán, ralal laj Akbor, sa' li tenamit Ejiipt rochb'een wiib' oxib' li winq.

Jeremías 26:22 ပူးပေါင်းရင်းမြစ်များ

Jeremías 36:12

Nak quirabi li cꞌaꞌru quixye laj Baruc, laj Micaías co̱ saꞌ rochoch li rey saꞌ li naꞌajej li nequeꞌcuan cuiꞌ laj tzꞌi̱b. Nabaleb li cuanqueb xcuanquil chꞌutchꞌu̱queb aran. Cuanqueb laj Elisama laj tzꞌi̱b, laj Delaía li ralal laj Semaías, laj Elnatán li ralal laj Acbor, laj Gemarías li ralal laj Safán, laj Sedequías li ralal laj Ananías, ut cuanqueb chic nabaleb li cuanqueb xcuanquil.

2 Reyes 22:14

Laj Hilcías laj tij, rochbeneb laj Ahicam, laj Acbor, laj Safán ut laj Asaías queꞌco̱eb riqꞌuin lix Hulda chi patzꞌoc. Lix Hulda, aꞌan jun xprofeta li Dios. Aꞌan rixakil laj Salum. Laj Salum, aꞌan li ralal laj Ticva. Laj Ticva, aꞌan li ralal laj Harhas. Laj Salum, aꞌan li na-iloc re li akꞌej li nacꞌanjelac saꞌ li templo. Lix Hulda cuan rochoch Jerusalén saꞌ li naꞌajej li quiyi̱ba̱c mokon. Eb li cui̱nk queꞌa̱tinac riqꞌuin.

2 Reyes 22:12

Ut quixtaklaheb laj Hilcías laj tij ut laj Ahicam li ralal laj Safán, ut laj Acbor li ralal laj Micaías ut laj Safán laj tzꞌi̱b joꞌ ajcuiꞌ laj Asaías laj cꞌanjel chiru li rey.

Jeremías 36:25

Laj Elnatán, laj Delaía ut laj Gemarías queꞌxtzꞌa̱ma chiru li rey nak incꞌaꞌ tixcꞌat li hu. Abanan li rey incꞌaꞌ quirabi li cꞌaꞌru queꞌxye.

Proverbios 29:12

Cui junak acuabej naxqꞌue xcuanquil li ticꞌtiꞌ, li jun aꞌan naxpoꞌ xnaꞌlebeb li ani nequeꞌtenkꞌan re.

Salmos 12:8

Li incꞌaꞌ useb xnaꞌleb xeꞌtam saꞌ li ruchichꞌochꞌ. Ut li tenamit nequeꞌxqꞌue xlokꞌal li ma̱usilal li nequeꞌxba̱nu.

Génesis 36:38

Nak quicam laj Saúl, laj Baal-hanán li ralal laj Acbor qui-oc chokꞌ re̱kaj.

Jeremías 29:3

Laj Sedequías, lix reyeb laj Judá, quixtaklaheb laj Elasa li ralal laj Safán ut laj Gemarías li ralal laj Hilcías chi a̱tinac riqꞌuin laj Nabucodonosor, lix reyeb laj Babilonia. Laj Jeremías quixtakla jun li hu chirixeb nak queꞌco̱eb Babilonia. Li hu li quixtakla naxye chi joꞌcaꞌin:

Jeremías 39:14

Queꞌxtakla risinquil laj Jeremías saꞌ li neba̱l re li tzꞌalam ut queꞌxkꞌaxtesi saꞌ rukꞌ laj Gedalías li ralal laj Ahicam ut ri laj Safán, re tixcꞌam saꞌ rochoch. Joꞌcan nak laj Jeremías quicana saꞌ lix tenamit.

Ezequiel 8:11

Ut aran xakxo̱queb li laje̱b xca̱cꞌa̱l (70) chi cui̱nk li nequeꞌcꞌamoc be saꞌ xya̱nkeb laj Israel. Saꞌ xya̱nkeb aꞌan cuan laj Jaazanías li ralal laj Safán. Saꞌ rukꞌ li junju̱nk cuan lix sansar ut yo̱ chi takecꞌ lix sibel li pom.