Jeremías 26:21 - Li Santil hu

²¹ Li rey Joacim quirabi li cꞌaꞌru quixye laj Urías. Queꞌrabi ajcuiꞌ eb li nequeꞌtenkꞌan re ut eb li cuanqueb xcuanquil. Ut li rey quixcꞌu̱b ru nak tixcamsi laj Urías. Abanan laj Urías quixucuac ut quie̱lelic. Co̱ toj Egipto.

Q'eqchi Bible

²¹ Laj Johakín, li awab'ej, eb' li xninqal ru winq ut eb' li xjolomileb' li tenamit ke'rab'i li kiyeemank. Ut li awab'ej kixsik' chanru naq tixkamsi laj Urías. Ab'anan naq li propeet kixnaw a'in, kixiwak ut koho eelel sa' li tenamit Ejiipt.

Jeremías 26:21 ပူးပေါင်းရင်းမြစ်များ

San Mateo 10:23

Nak texrahobtesi̱k saꞌ jun li tenamit, texxic saꞌ jalan chic. Relic chi ya̱l ninye e̱re nak toj ma̱jiꞌ ajcuiꞌ nequechoy xbeninquil chixjunileb li tenamit cuanqueb Israel teꞌxnau nak xoline̱lk la̱in li Cꞌajolbej.

San Mateo 14:5

Joꞌcan nak laj Herodes quiraj raj xcamsinquil, aban quixucuac chiruheb li qꞌuila tenamit xban nak laj Juan profeta nak cuan chiruheb aꞌan.

Jeremías 36:26

Li rey quixtaklaheb laj Jerameel li ralal laj Hamelec, ut laj Seraías li ralal laj Azriel, ut laj Selemías li ralal laj Abdeel chixchapbaleb laj Baruc laj tzꞌi̱b ut li profeta Jeremías re nak teꞌxqꞌue chi pre̱xil. Abanan li Ka̱cuaꞌ quixtenkꞌaheb re teꞌxmuk rib chiruheb.

2 Crónicas 16:10

Cꞌajoꞌ nak quijoskꞌoꞌ li rey Asa. Quixtakla xqꞌuebal saꞌ tzꞌalam li profeta Hanani. Ut cuan li quixrahobtesiheb saꞌ xya̱nkeb li tenamit.

San Marcos 6:19

Riqꞌuin aꞌan ma̱ caꞌchꞌin nak quijoskꞌoꞌ lix Herodías saꞌ xbe̱n laj Juan ut quiraj raj xcamsinquil. Abanan incꞌaꞌ naru xban nak laj Herodes incꞌaꞌ quixcanab chixcamsinquil.

San Mateo 10:39

Li ani naxra lix yuꞌam arin saꞌ ruchichꞌochꞌ, aꞌan tixsach li junelic yuꞌam. Ut li ani tixsach lix yuꞌam arin saꞌ ruchichꞌochꞌ saꞌ incꞌabaꞌ la̱in, aꞌan ta̱re̱chani li junelic yuꞌam.

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

Salmos 119:109

Junelic xiu xiu cuanquin. Abanan incꞌaꞌ nincanab xcꞌoxlanquil la̱ chakꞌrab.

2 Crónicas 24:21

Abanan eb li tenamit queꞌxcꞌu̱b ru cꞌaꞌru teꞌxba̱nu re laj Zacarías. Ut li rey quixtaklaheb li tenamit chixcutbal chi pec toj retal queꞌxcamsi saꞌ li neba̱l re lix templo li Ka̱cuaꞌ.

Jeremías 26:10

Nak eb li cuanqueb xcuanquil saꞌ xya̱nkeb laj Judá queꞌrabi li cꞌaꞌru quicꞌulman, queꞌel saꞌ li palacio ut queꞌco̱eb saꞌ junpa̱t saꞌ li templo ut queꞌchunla saꞌ xnaꞌajeb chiru li acꞌ oqueba̱l re lix templo li Ka̱cuaꞌ.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

1 Reyes 18:10

Saꞌ xcꞌabaꞌ li Ka̱cuaꞌ la̱ Dios la̱in ninye a̱cue nak ma̱cꞌaꞌ junak tenamit chi moco junak naꞌajej incꞌaꞌ ta quixtakla cuiꞌ a̱sicꞌbal li rey. Nak xeꞌxye nak ma̱ anihat, li rey quixpuersiheb chixba̱nunquil li juramento re nak teꞌxye li ya̱l.