Jeremías 26:20 - Li Santil hu

²⁰ Quicuan chic jun profeta li quia̱tinac saꞌ xcꞌabaꞌ li Ka̱cuaꞌ. Aꞌan laj Urías li ralal laj Semaías. Quiriat-jearim xtenamit. Laj Urías quixye ajcuiꞌ resil li raylal li tixcꞌul li tenamit aꞌin ut li naꞌajej aꞌin. Quixye li a̱tin li quixye laj Jeremías.

Q'eqchi Bible

²⁰ Jo'ka'an ajwi', sa' xk'ab'a' li Qaawa', ki'aatinak li propeet Urías, ralal laj Semaías, aj Kiryat-Yeharín, naq kixye resil li rahilal li tixk'ul Jerusalén jo' ajwi' chixjunil li xsutam, jo' tz'aqal yeeb'il xb'aan laj Jeremías.

Jeremías 26:20 ပူးပေါင်းရင်းမြစ်များ

1 Samuel 7:2

Lix Lokꞌlaj Ca̱x li Ka̱cuaꞌ quicuan aran Quiriat-jearim junmay chihab. Ut chixjunileb laj Israel teꞌraj raj nak teꞌtenkꞌa̱k xban li Dios.

Josué 9:17

Nak ac xnumeꞌ oxib cutan chic queꞌco̱eb laj Israel chixsicꞌbaleb saꞌ lix tenamiteb. Eb li tenamit aꞌan, aꞌaneb Gabaón, Cafira, Beerot, ut Quiriat-jearim.

1 Samuel 6:21

Ut queꞌxtaklaheb lix takl aran Quiriat-jearim re nak teꞌxye reheb: —Eb laj filisteo queꞌxcanab arin li Lokꞌlaj Ca̱x. Joꞌcan nak cha̱lkex arin re nak te̱cꞌam li Lokꞌlaj Ca̱x aran e̱riqꞌuin, chanqueb.

Josué 18:14

Li nuba̱l naxqꞌue chak vue̱lt saꞌ li oeste saꞌ xjayal li tenamit Bet-horón li cuan saꞌ xcaꞌyaba̱l li palau Mediterráneo ut nacuulac saꞌ li tenamit Quiriat-baal li nequeꞌxye ajcuiꞌ Quiriat-jearim re. Li naꞌajej aꞌan reheb li ralal xcꞌajol laj Judá. Aꞌan li nuba̱l li cuan saꞌ li oeste.

Josué 15:60

Quiriat-baal li nequeꞌxye ajcuiꞌ Quiriat-jearim re, ut Rabá. Cuibeb chixjunileb li tenamit li quiqꞌueheꞌ reheb rochbeneb li cocꞌ cꞌaleba̱l.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

Jeremías 36:19

Ut eb aꞌan queꞌxye re laj Baruc: —Ayukex a̱cuochben laj Jeremías ut mukumak chak e̱rib re nak ma̱ ani ta̱naꞌok re bar cuanquex, chanqueb re.

1 Reyes 18:10

Saꞌ xcꞌabaꞌ li Ka̱cuaꞌ la̱ Dios la̱in ninye a̱cue nak ma̱cꞌaꞌ junak tenamit chi moco junak naꞌajej incꞌaꞌ ta quixtakla cuiꞌ a̱sicꞌbal li rey. Nak xeꞌxye nak ma̱ anihat, li rey quixpuersiheb chixba̱nunquil li juramento re nak teꞌxye li ya̱l.

2 Reyes 23:37

Ut li rey Joacim quixba̱nu li ma̱usilal chiru li Dios joꞌ queꞌxba̱nu lix xeꞌto̱nil yucuaꞌ li queꞌcuan chokꞌ rey junxil.