Jeremías 26:2 - Li Santil hu

² Quixye re: —Xaklin saꞌ li neba̱l chiru li oqueba̱l re lin templo ut a̱tinan riqꞌuineb chixjunileb li nequeꞌchal chi lokꞌoni̱nc. Ye reheb chixjunil li a̱tin li xinye a̱cue. Ma̱ jun li a̱tin li xinye incꞌaꞌ ta ta̱ye reheb.

Q'eqchi Bible

² ut kixye re chi jo'ka'in: “Xaqab' aawib' chiru xneb'aalil li wochoch ut aatinan rik'ineb' chixjunil li poyanam sa' xteepal Judá li neke'chalk chi loq'onink sa' rochoch li Qaawa'. Ye reheb' chixjunil li xinye aawe chi maajun li aatin taamuq.

Jeremías 26:2 ပူးပေါင်းရင်းမြစ်များ

Deuteronomio 4:2

Incꞌaꞌ te̱risi junak a̱tin saꞌ xya̱nkeb li tinye e̱re chi moco te̱qꞌue xtzꞌakob. Cheba̱nu chi tzꞌakal li naxye lix chakꞌrab li Ka̱cuaꞌ le̱ Dios, li yo̱quin chixyebal e̱re.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Jeremías 19:14

Chirix chic aꞌan laj Jeremías qui-el Tofet ut co̱ cuiꞌchic Jerusalén, li quitakla̱c cuiꞌ xban li Ka̱cuaꞌ chixyebal reheb li tenamit cꞌaꞌru ta̱cꞌulma̱nk. Laj Jeremías quixakli saꞌ li neba̱l re li templo ut quixye reheb li tenamit chi joꞌcaꞌin:

Jeremías 1:17

Joꞌcan ut nak cauresi a̱cuib, at Jeremías, ut ayu chixyebal reheb li cꞌaꞌru xinye a̱cue. Matxucuac chiruheb. Cui tatxucuak anakcuan, naru ninqꞌue a̱xiu nak cua̱nkat chiruheb.

Hechos 20:20

La̱in xinchꞌolob chi tzꞌakal lix ya̱lal che̱ru. Ma̱cꞌaꞌ xinmuk che̱ru. Quinchꞌolob ban xya̱lal chiruheb li tenamit joꞌ ajcuiꞌ saꞌ eb li cab.

Hechos 5:42

Ut incꞌaꞌ queꞌxcanab xchꞌolobanquil xya̱lal chiruheb li tenamit saꞌ li templo ut saꞌ eb li rochoch ut queꞌxye resil nak li Jesucristo, aꞌan laj Colonel li yechiꞌinbil xban li Dios.

San Juan 18:20

Li Jesús quixye re: —Junelic xinchꞌolob lix ya̱lal chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut saꞌ li templo. Ma̱cꞌaꞌ xinye reheb chi mukmu.

Ezequiel 3:10

Ut li Dios quixye ajcuiꞌ cue: —At ralal cui̱nk, chacuabi chi us chixjunil li tinye a̱cue ut chicana̱k saꞌ a̱chꞌo̱l li cua̱tin.

Jeremías 36:10

Laj Baruc co̱ saꞌ xmu li templo cuan cuiꞌ li puerta toj acꞌ. Qui-oc saꞌ lix naꞌaj laj Gemarías li ralal laj Safán laj tzꞌi̱b. Ut aran quiril chiruheb li tenamit li quixye laj Jeremías li tzꞌi̱banbil saꞌ li botbil hu.

Jeremías 23:28

Li ani namatqꞌuec chixyehak cꞌaꞌru lix matcꞌ. Ut li ani naxnau li cua̱tin, chixyehak resil chi anchal xchꞌo̱l. ¿Ma kꞌaxal us ta biꞌ li qꞌuim chiru li trigo?

Jeremías 7:2

—Xaklin chire lix puertil lin templo ut ta̱ye li a̱tin aꞌin reheb li cristian: Abihomak li cꞌaꞌru xye li Dios e̱re che̱junilex la̱ex aj Judá. Abihomak che̱junilex la̱ex li nequex-oc chixlokꞌoninquil li Ka̱cuaꞌ Dios.

Deuteronomio 12:32

Te̱ba̱nu chixjunil li cꞌaꞌru xinye e̱re. Me̱qꞌue xtzꞌakob li cua̱tin, chi moco te̱cꞌos li cꞌaꞌru xinye e̱re.

Apocalipsis 22:19

Ut cui ani ta̱risi junak reheb li a̱tin li tzꞌi̱banbil saꞌ li hu aꞌin, ta̱isi̱k lix cꞌabaꞌ xban li Dios saꞌ li hu li tzꞌi̱banbil cuiꞌ lix cꞌabaꞌeb li cuanqueb xyuꞌam chi junelic. Aꞌan incꞌaꞌ ta̱oc saꞌ li santil tenamit, chi moco ta̱cua̱nk lix yuꞌam chi junelic joꞌ tzꞌi̱banbil retalil saꞌ li hu aꞌin.

Hechos 5:25

Quichal jun ut quixye reheb: —Eb li cui̱nk li queꞌqꞌueheꞌ saꞌ tzꞌalam ecue̱r cuanqueb saꞌ li templo ut yo̱queb chixchꞌolobanquil lix ya̱lal chiruheb li tenamit, chan.

San Juan 8:2

Cuulajak chic nak toj ekꞌela co̱ cuiꞌchic saꞌ li templo. Li qꞌuila tenamit queꞌcuulac riqꞌuin. Ut nak quicꞌojla, qui-oc cuiꞌchic chixchꞌolobanquil lix ya̱lal chiruheb.

San Lucas 19:47

Ut rajlal cutan yo̱ chixchꞌolobanquil xya̱lal saꞌ li templo. Eb li xbe̱nil aj tij, ut eb laj tzꞌi̱b ut eb li nequeꞌtaklan saꞌ xya̱nkeb laj judío yo̱queb chixcꞌu̱banquil chanru nak teꞌxcamsi.

Jeremías 42:4

Ut laj Jeremías quixye reheb: —La̱in xcuabi li cꞌaꞌru xeye. Tintijok chiru li Ka̱cuaꞌ li kaDios joꞌ xetzꞌa̱ma chicuu. Ut la̱in tinye e̱re li cꞌaꞌru tinixsume cuiꞌ. Tinye e̱re chixjunil ut ma̱cꞌaꞌ tinmuk che̱ru, chan.

Deuteronomio 12:5

Li Ka̱cuaꞌ ban ta̱sicꞌok ru li naꞌajej bar te̱lokꞌoni cuiꞌ lix cꞌabaꞌ. Ut la̱ex texxic saꞌ li naꞌajej aꞌan chixlokꞌoninquil li Ka̱cuaꞌ.

Jeremías 7:27

At Jeremías, la̱at ta̱ye chixjunil aꞌin reheb lin tenamit, usta incꞌaꞌ teꞌabi̱nk cha̱cuu. Jap a̱cue chixyebal reheb, usta incꞌaꞌ tateꞌxchakꞌbe.

Ezequiel 33:7

Li Ka̱cuaꞌ quixye cue: —Anakcuan, at ralal cui̱nk, yo̱quin cha̱xakabanquil chokꞌ aj ilol reheb li ralal xcꞌajol laj Israel. Chaqꞌue retal chixjunil li cꞌaꞌru tinye a̱cue, ut ta̱ye aꞌan reheb.

Ezequiel 40:4

Li cui̱nk quixye cue: —At ralal cui̱nk, il chi us li cꞌaꞌru tincꞌut cha̱cuu, ut abi chi us li cꞌaꞌru tinye a̱cue. Ta̱qꞌue retal li cꞌaꞌru tincꞌut cha̱cuu. Aꞌan aj e nak xatcꞌameꞌ chak arin xban li Dios. Ta̱ye reheb li ralal xcꞌajol laj Israel chixjunil li cꞌaꞌru ta̱cuil, chan cue.

Josué 8:35

Laj Josué quiril xsaꞌ li chakꞌrab chiruheb li tenamit. Ma̱ jun li a̱tin li quixtzꞌi̱ba laj Moisés incꞌaꞌ ta qui-ileꞌ chiruheb chixjunileb laj Israel, joꞌ cui̱nk, joꞌ ixk, joꞌ cocꞌal, joꞌeb ajcuiꞌ li jalaneb xtenamit li cuanqueb saꞌ xya̱nkeb laj Israel.

Jeremías 1:7

Ut li Ka̱cuaꞌ Dios quixye cue: —Ma̱ye nak toj sa̱jat. Bar tatintakla la̱at tatxic ut ta̱ye chixjunil li cꞌaꞌru tinye a̱cue.

Jeremías 25:2

Ut laj Jeremías quia̱tinac riqꞌuineb li cuanqueb Judá ut riqꞌuineb li cuanqueb Jerusalén.

Jeremías 28:5

Ut laj Jeremías quia̱tinac riqꞌuin laj Hananías chiruheb laj tij ut chiruheb ajcuiꞌ chixjunileb li tenamit li cuanqueb saꞌ li templo.