Jeremías 26:19 - Li Santil hu

¹⁹ ¿Ma quicamsi̱c ta biꞌ laj Miqueas xban li rey? ¿Ma quicamsi̱c ta biꞌ xbaneb laj Judá? Quixxucua ban ru li Ka̱cuaꞌ laj Ezequías ut quixtzꞌa̱ma chiru li Dios nak ta̱ruxta̱na ruheb li tenamit. Ut li Ka̱cuaꞌ quixjal xcꞌaꞌux ut incꞌaꞌ quixtakla li raylal saꞌ xbe̱neb. ¿Ma takabok ta biꞌ raylal saꞌ kabe̱n la̱o riqꞌuin xcamsinquil li cui̱nk aꞌin? chanqueb.

Q'eqchi Bible

¹⁹ “Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

Jeremías 26:19 ပူးပေါင်းရင်းမြစ်များ

2 Samuel 24:16

Oc raj re chixsachbal ru li tenamit Jerusalén lix ángel li Dios, abanan quiyotꞌeꞌ xchꞌo̱l li Dios chirilbal li raylal yo̱queb chixcꞌulbal. Ut li Dios quixye re li ángel li yo̱ chi camsi̱nc reheb: —Tzꞌakal li xaba̱nu. Ma̱rahobtesiheb chic, chan. Saꞌ li ho̱nal aꞌan lix ángel li Dios cuan chire li naꞌajej li narisi cuiꞌ rix li trigo laj Arauna laj jebuseo.

Éxodo 32:14

Ut li Ka̱cuaꞌ Dios quixjal xcꞌaꞌux ut incꞌaꞌ quixsacheb lix tenamit.

Hechos 5:39

Abanan cui ut re li Dios, incꞌaꞌ texru̱k chixpoꞌbal ru. Qꞌuehomak retal chi us ma̱re anchal yo̱quex chi pletic riqꞌuin li Dios, chan laj Gamaliel.

Isaías 37:4

Lix reyeb laj Asiria quixtakla laj Rabsaces chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Isaías 37:1

Nak quirabi li cꞌaꞌru quixye lix reyeb laj Asiria, li rey Ezequías quixpej li rakꞌ ut quixqꞌue li kꞌes ru tꞌicr chirix retalil lix rahil xchꞌo̱l ut co̱ saꞌ lix templo li Ka̱cuaꞌ.

Apocalipsis 16:6

Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

San Mateo 23:35

Xban le̱ ma̱usilal aꞌan, ta̱tꞌanekꞌ saꞌ e̱be̱n lix camiqueb li cha̱bileb xnaꞌleb riqꞌuin xcamic laj Abel li ti̱c xchꞌo̱l ut toj riqꞌuin xcamic li ralal laj Berequías, laj Zacarías xcꞌabaꞌ, li quecamsi chiru neba̱l chixcꞌatk li rochoch li Dios ut li artal.

Habacuc 2:10

Riqꞌuin chixjunil li xeba̱nu, xexuta̱nobresi le̱ jun cablal. Nabaleb li tenamit xesacheb ut riqꞌuin aꞌan yo̱quex chixsachbal e̱rib e̱junes.

Jeremías 44:7

Aꞌan aꞌin li naxye li Ka̱cuaꞌ li nimajcual Dios, lix Dioseb laj Israel: ¿Cꞌaꞌut nak nequeba̱nu li ma̱usilal aꞌin? E̱junes nequesach e̱rib. ¿Cꞌaꞌut nak nequeqꞌueheb chi ca̱mc eb li cui̱nk ut eb li ixk joꞌ eb ajcuiꞌ li sa̱j cui̱nk ut eb le̱ cocꞌal toj retal nak ma̱ jun chic xcomoneb laj Judá nequeꞌcana?

Jeremías 26:15

Aban chenauhak chi tzꞌakal cui tine̱camsi te̱bok chak nabal li raylal saꞌ e̱be̱n ut saꞌ xbe̱n li tenamit aꞌin ut saꞌ xbe̱neb li cuanqueb arin xban nak la̱in ma̱cꞌaꞌ inma̱c. Relic chi ya̱l nak li a̱tin li xinye e̱re li Ka̱cuaꞌ quitaklan chak cue chixyebal, chan laj Jeremías.

Jeremías 26:3

Ma̱re teꞌabi̱nk cha̱cuu ut teꞌxcanab xba̱nunquil li ma̱usilal. Cui teꞌxcanab xba̱nunquil, la̱in incꞌaꞌ tinqꞌue li raylal saꞌ xbe̱neb li yo̱quin chixcꞌoxlanquil.

Isaías 26:21

Li Ka̱cuaꞌ ta̱cha̱lk chak saꞌ choxa chi rakoc a̱tin saꞌ xbe̱neb li tenamit. Ta̱cꞌutbesi̱k li camsi̱c li qui-uxman chi mukmu saꞌ ruchichꞌochꞌ. Incꞌaꞌ chic ta̱uxma̱nk li camsi̱nc chi mukmu.

2 Crónicas 34:21

Quixye reheb: —Ayukex. Patzꞌomak chak re li Dios cꞌaꞌru tinba̱nu la̱in ut cꞌaꞌru teꞌxba̱nu li joꞌ qꞌuial chic queꞌcana Israel ut Judá riqꞌuin li cꞌaꞌru tzꞌi̱banbil saꞌ li hu aꞌin, li xeꞌxtau saꞌ li templo. Cꞌajoꞌ xjoskꞌil li Dios saꞌ kabe̱n xban nak eb li kaxeꞌto̱nil yucuaꞌ queꞌxkꞌet li ra̱tin li Dios ut incꞌaꞌ queꞌxba̱nu li cꞌaꞌru tzꞌi̱banbil saꞌ li hu aꞌin, chan li rey reheb.

2 Crónicas 32:20

Joꞌcan nak li rey Ezequías ut li profeta Isaías li ralal laj Amoz queꞌtijoc ut queꞌxtzꞌa̱ma xtenkꞌanquileb chiru li Dios cuan saꞌ choxa.

Números 16:38

Queꞌsantobresi̱c nak queꞌqꞌueheꞌ chiru lin artal la̱in li Ka̱cuaꞌ. Cꞌameb lix sansareb li cui̱nk li queꞌsacheꞌ ruheb xban nak queꞌma̱cob. Riqꞌuin li sansar aꞌin te̱yi̱b li perpo̱quil chꞌi̱chꞌ ut li perpo̱quil chꞌi̱chꞌ aꞌin te̱letz chiru li artal. Ut aꞌanak jun retalil chiruheb laj Israel, chan li Dios. Ut laj Eleazar laj tij quixxoc lix sansareb li queꞌsacheꞌ ruheb. Ut quixtakla xyi̱banquil li perpo̱quil chꞌi̱chꞌ riqꞌuineb li sansar re nak teꞌxletz chiru li artal.

Amós 7:3

Ut li Ka̱cuaꞌ quixjal xcꞌaꞌux. —Incꞌaꞌ texinsach, chan.

Zacarías 7:2

Eb li cuanqueb saꞌ li tenamit Bet-el queꞌxtakla laj Sarezer ut laj Regem-melec rochbeneb nabaleb chic chixtzꞌa̱manquil xtenkꞌanquileb chiru li Ka̱cuaꞌ.