Jeremías 26:18 - Li Santil hu

¹⁸ Queꞌxye reheb: —Nak laj Ezequías cuan chokꞌ xreyeb laj Judá, laj Miqueas re Moreset quia̱tinac riqꞌuineb laj Judá ut quixye reheb chi joꞌcaꞌin: Li Ka̱cuaꞌ li nimajcual Dios quixye nak li tenamit Sión ta̱sachekꞌ ru. Li tenamit Jerusalén ta̱cana̱k joꞌ jun li chꞌochꞌ becbil riqꞌuin li chꞌi̱chꞌ arado. Ut li tzu̱l li cuan cuiꞌ li templo ta̱sukꞌisi̱k chokꞌ qꞌuicheꞌ, chan laj Miqueas.

Q'eqchi Bible

¹⁸ “Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

Jeremías 26:18 ပူးပေါင်းရင်းမြစ်များ

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—

Miqueas 1:1

Li Ka̱cuaꞌ quia̱tinac riqꞌuin laj Miqueas aj Moreset ut quixcꞌutbesi chiru cꞌaꞌru teꞌxcꞌul eb li tenamit Samaria ut Jerusalén. Aꞌin quicꞌulman saꞌ eb li cutan nak queꞌcuan chokꞌ xreyeb laj Judá laj Jotam ut laj Acaz ut laj Ezequías.

Nehemías 4:2

Ut quixye reheb li rochben ut reheb li soldado aj Samaria: —¿Cꞌaꞌru yo̱queb chixba̱nunquil eb laj judío? ¿Ma cuan ta biꞌ xmetzꞌe̱u eb aꞌan? ¿Cꞌaꞌru yo̱queb chixcꞌoxlanquil? ¿Ma nequeꞌxcꞌoxla ta biꞌ nak ta̱ru̱k teꞌxqꞌue cuiꞌchic lix mayejeb? ¿Ma teꞌxchoy ta biꞌ xyi̱banquil li tzꞌac chiru jun cutan? ¿Ma ta̱ru̱k ta biꞌ teꞌrisi saꞌ li poks li pec ut teꞌxyi̱b cuiꞌchic li tzꞌac riqꞌuin li pec li ac xcꞌat? chan.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Jeremías 17:3

Ut quelokꞌoniheb li yi̱banbil dios saꞌ eb li tzu̱l ut saꞌ eb li cꞌaleba̱l. La̱in tincanab chi elkꞌa̱c le̱ biomal xbaneb li xicꞌ nequeꞌiloc e̱re. Teꞌrelkꞌa li cꞌaꞌru e̱re xban li ma̱usilal xeba̱nu saꞌ eb li naꞌajej li najt xteram li cuan saꞌ chixjunil le̱ naꞌaj.

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Salmos 79:1

At inDios, eb li tenamit li incꞌaꞌ nequeꞌxqꞌue a̱lokꞌal, xeꞌoc chak saꞌ li katenamit li caqꞌue ke ut xeꞌxmux ru la̱ santil templo. Ut queꞌxpoꞌ li tenamit Jerusalén.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.

2 Reyes 19:25

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱uxma̱nk. Najter kꞌe cutan la̱in quincꞌu̱b chak ru chanru ta̱cꞌulma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

2 Crónicas 32:26

Quiyotꞌeꞌ xchꞌo̱l laj Ezequías ut quixcubsi rib chiru li Ka̱cuaꞌ. Joꞌcan ajcuiꞌ queꞌxba̱nu li cuanqueb Jerusalén. Joꞌcan nak li Ka̱cuaꞌ incꞌaꞌ quixqꞌueheb chixtojbal xma̱queb nak toj yoꞌyo laj Ezequías.

Miqueas 4:1

Ut saꞌ rosoꞌjiqueb li cutan li tzu̱l cuan cuiꞌ lix Templo li Ka̱cuaꞌ ta̱nima̱k xlokꞌal ut aꞌanak chic li kꞌaxal nim xcuanquil saꞌ xya̱nkeb chixjunileb li tzu̱l ut aran talajeꞌxic nabal li tenamit.