Jeremías 26:11 - Li Santil hu

¹¹ Ut eb laj tij ut eb li profetas queꞌa̱tinac riqꞌuineb li tenamit joꞌ eb ajcuiꞌ li cuanqueb xcuanquil ut queꞌxye reheb: —Xcꞌulub ca̱mc li cui̱nk aꞌin xban nak xye nak li katenamit tixcꞌul raylal. La̱ex xerabi riqꞌuin e̱xic li cꞌaꞌru quixye, chanqueb.

Q'eqchi Bible

¹¹ Toja' naq eb' laj tij ut eb' li propeet ke'aatinak rik'ineb' laj jolominel jo' ajwi' rik'ineb' chixjunil li poyanam ut ke'xye: “Li winq a'in xk'ulub' naq taateneb'aaq kamk sa' xb'een, xb'aan naq xye naq li tenamit a'in taajuk'manq, jo' xerab'i laa'ex rik'in leexik”.

Jeremías 26:11 ပူးပေါင်းရင်းမြစ်များ

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

San Mateo 26:66

¿Cꞌaꞌru nequeye? ¿Ma cuan xma̱c malaj incꞌaꞌ? chan. Ut queꞌchakꞌoc ut queꞌxye: —Cuan xma̱c ut xcꞌulub nak ta̱camsi̱k.—

Deuteronomio 18:20

Cui junak profeta tixqꞌue rib chi a̱tinac saꞌ incꞌabaꞌ chi incꞌaꞌ xinye la̱in, malaj ut cui ta̱a̱tinak saꞌ xcꞌabaꞌeb li jalanil dios, li jun aꞌan ta̱camsi̱k”, chan li Dios.

Hechos 22:22

Ut nak li tenamit queꞌrabi nak ta̱xic riqꞌuineb li ma̱cuaꞌeb aj judío, cꞌajoꞌ nak queꞌpoꞌ. Incꞌaꞌ chic queꞌxcuy rabinquil xban nak yo̱ xjoskꞌileb. Ut japjo̱queb reheb chixyebal: —Camsihomak li cui̱nk aꞌin. Incꞌaꞌ us nak yoꞌyo̱k, chanqueb.

San Juan 19:7

Abanan eb laj judío queꞌxye: —La̱o cuan kachakꞌrab ut li kachakꞌrab naxye nak ta̱camsi̱k xban nak aꞌan quixqꞌue rib chokꞌ Ralal li Dios.—

San Juan 18:30

Queꞌchakꞌoc ut queꞌxye re: —Cui ta ma̱cꞌaꞌ xma̱c, incꞌaꞌ raj xkacꞌam chak a̱cuiqꞌuin re nak tatrakok a̱tin saꞌ xbe̱n, chanqueb.

Jeremías 18:23

At Ka̱cuaꞌ, la̱at nacanau nak xeꞌxcꞌu̱b ru incamsinquil. Ma̱cuy xma̱queb ut misach taxak saꞌ a̱chꞌo̱l li ma̱usilal xeꞌxba̱nu. Teꞌsachekꞌ taxak ruheb. Chaqꞌueheb ta chixtojbal lix ma̱queb nak yo̱ a̱joskꞌil saꞌ xbe̱neb, chan laj Jeremías.

Jeremías 26:16

Tojoꞌnak eb li cuanqueb xcuanquil ut eb li tenamit queꞌxye reheb laj tij ut reheb li profeta: —Incꞌaꞌ naru takateneb ca̱mc saꞌ xbe̱n li cui̱nk aꞌin. Saꞌ xcꞌabaꞌ li Ka̱cuaꞌ li kaDios x-a̱tinac kiqꞌuin, chanqueb.

Jueces 6:30

Ut eb li cui̱nk li cuanqueb saꞌ li tenamit aꞌan queꞌxye re laj Joás: —Cꞌam chak la̱ cualal kiqꞌuin. Takacamsi xban nak aꞌan quixjucꞌ lix artal li dios Baal ut quixyocꞌ ajcuiꞌ li cheꞌ re li dios Asera li cuan chixcꞌatk li artal, chanqueb.