Jeremías 25:34 - Li Santil hu

³⁴ La̱ex li nequeꞌcꞌamoc be chiruheb lin tenamit chexya̱bak. Chexya̱bak ut chetolcꞌosi e̱rib saꞌ li poks retalil li xrahil e̱chꞌo̱l xban nak cuulac re xkꞌehil nak texcamsi̱k. Chanchanakex chic li cha̱bil secꞌ li quijoreꞌ.

Q'eqchi Bible

³⁴ Ex xjolomileb' li tenamit, japomaq eere chi yaab'ak! Ex aj k'aak'alenel ketomq, tolk'osiiq eerib' sa' pojtz' xb'aan xmay li rahilal, xb'aan naq xwulak xq'ehil li raqb'a aatin sa' eeb'een ut texkamsiiq jo'qex li karneer ninqeb' xtib'el.

Jeremías 25:34 ပူးပေါင်းရင်းမြစ်များ

Jeremías 6:26

Li Ka̱cuaꞌ quixye reheb: —Ex intenamit, qꞌuehomak li kꞌes ru tꞌicr che̱rix ut qꞌuehomak li cha che̱rix. Texya̱bak chi cau joꞌ nak naya̱bac junak li xcam ralal li jun ajcuiꞌ chiru. Texya̱bak xban nak ac cha̱lqueb re li ani teꞌsachok e̱re.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Daniel 11:8

Ut teꞌxcꞌam saꞌ li sur chixjunil li cuan saꞌ li norte. Teꞌcꞌamekꞌ lix dioseb li yi̱banbil riqꞌuin chꞌi̱chꞌ ut teꞌcꞌamekꞌ ajcuiꞌ li cꞌaꞌak chic re ru yi̱banbil riqꞌuin oro ut plata. Ut li cuanqueb saꞌ li norte teꞌcua̱nk rubel xcuanquil laj Egipto chiru nabal chihab.

Ezequiel 34:20

Joꞌcan nak la̱in ninye e̱re nak tinrakok a̱tin saꞌ xbe̱neb li carner. Tincuisiheb li ni̱nkeb xtibel saꞌ xya̱nkeb li bakeb.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.

Jeremías 50:27

Camsihomakeb chixjunil li cui̱nk li toj sa̱jeb. Chanchanakeb li cuacax li yo̱queb chi xic chi camsi̱c. Raylal ta̱cha̱lk saꞌ xbe̱neb laj Babilonia xban nak xcuulac xkꞌehil nak teꞌqꞌuehekꞌ chi xtojbal rix lix ma̱queb.

Jeremías 48:26

Qꞌuehomakeb laj Moab chi cala̱c xban nak xeꞌxnimobresi ribeb chiru li Ka̱cuaꞌ. Qꞌuehomakeb laj Moab chixtolcꞌosinquil ribeb saꞌ lix xaꞌauheb. Qꞌuehomakeb laj Moab chi hobecꞌ.

Jeremías 27:7

Chixjunileb li tenamit saꞌ ruchichꞌochꞌ teꞌcꞌanjelak chiru aꞌan. Ut teꞌcꞌanjelak chiru li ralal joꞌ ajcuiꞌ chiru li ri toj ta̱cuulak xkꞌehil nak ta̱chapekꞌ lix tenamiteb aꞌan xbaneb li xni̱nkal ru tenamit ut eb lix rey. Ut eb aꞌan chic teꞌcana̱k rubel xcuanquil eb li ni̱nkeb xcuanquil.

Jeremías 25:36

Ta̱abi̱k xya̱b xcuxeb nak teꞌya̱bak xban xrahil xchꞌo̱leb ut teꞌxjap reheb xban li raylal li teꞌxcꞌul nak li Ka̱cuaꞌ tixsach ru lix naꞌajeb.

Jeremías 25:23

Teꞌcꞌuluk ajcuiꞌ raylal chixjunileb li cuanqueb saꞌ eb li tenamit Dedán, Tema ut Buz; joꞌ eb ajcuiꞌ li cuanqueb saꞌ najtil tenamit;

Jeremías 25:12

Abanan nak acak xnumeꞌ li laje̱b xca̱cꞌa̱l chihab, la̱in tinqꞌue lix reyeb laj Babilonia chixtojbal lix ma̱c, joꞌ eb ajcuiꞌ li tenamit. La̱in tincanab lix naꞌajeb chi ma̱cꞌaꞌ cuan chi saꞌ chi junelic, chan li Dios.

Jeremías 22:28

Laj Jeremías quixye: —Laj Jeconías chanchan jun li cuc jorol, li ma̱cꞌaꞌ na-oc cuiꞌ ut ma̱ ani na-ajoc re. Joꞌcan nak queꞌcꞌameꞌ aꞌan rochbeneb li ralal xcꞌajol saꞌ jalan naꞌajej li incꞌaꞌ queꞌxnau.

Jeremías 3:19

La̱ex aj Israel, la̱in xcuaj nak xexincꞌul chokꞌ cualal incꞌajol. Xinqꞌue e̱re jun li cha̱bil naꞌajej. Aꞌan li kꞌaxal cha̱bil chiru chixjunil li naꞌajej li cuan saꞌ ruchichꞌochꞌ. La̱in xcuaj nak te̱ye “At inyucuaꞌ” cue. Incꞌaꞌ xcuaj nak tine̱tzꞌekta̱na.

Isaías 34:6

Nak teꞌcamsi̱k chanchan nak lix chꞌi̱chꞌ li Ka̱cuaꞌ ta̱osokꞌ saꞌ lix quiqꞌueleb ut saꞌ lix xe̱b. Chanchan nak nequeꞌcamsi̱c li cocꞌ carner ut eb li chiba̱t nak nequeꞌxqꞌue lix mayej. Chanchan nak li Ka̱cuaꞌ oc re xqꞌuebal li cꞌatbil mayej aran Bosra. Ma̱ caꞌchꞌin li camsi̱nc ta̱cua̱nk aran Edom.

Isaías 33:1

Raylal ta̱cha̱lk saꞌ e̱be̱n la̱ex li xicꞌ nequex-iloc ke. La̱ex li nequex-elkꞌan ut nequexbalakꞌin ke. La̱ex ma̱ ani xeꞌelkꞌan re li cꞌaꞌru e̱re chi moco xexbalakꞌi̱c. Abanan ta̱cuulak xkꞌehil nak la̱ex chic ta̱elkꞌa̱k cꞌaꞌru e̱re ut texbalakꞌi̱k.

Isaías 30:14

La̱ex tex-osokꞌ joꞌ nak najoreꞌ li cuc nak natꞌaneꞌ ut lix cꞌaj incꞌaꞌ chic nacꞌanjelac, chi moco re risinquil li ru xam chi moco re xlecbal li haꞌ saꞌ li jul.—

Isaías 10:12

Abanan nak li Ka̱cuaꞌ acak xrakeꞌ chi rakoc a̱tin saꞌ xbe̱neb li cuanqueb aran Jerusalén ut saꞌ li tzu̱l Sión, tojoꞌnak tixqꞌue chixtojbal xma̱c lix reyeb laj Asiria xban nak naxkꞌetkꞌeti rib ut naxnimobresi rib.

Isaías 2:16

Ta̱risiheb xcuanquil li nequeꞌrecꞌa nak cauheb rib joꞌ eb li ni̱nki jucub re Tarsis ut ta̱risiheb ajcuiꞌ xcuanquil li nequeꞌrecꞌa nak kꞌaxal lokꞌeb joꞌ li cꞌaꞌak re ru terto xtzꞌak.

Salmos 2:9

Cau tattakla̱nk saꞌ xbe̱neb li tenamit xban nak la̱ cuanquil xinqꞌue chanchan jun xukꞌ chꞌi̱chꞌ. Joꞌcan nak tatrakok a̱tin saꞌ xbe̱neb toj retal teꞌosokꞌ. Chanchan nak najoreꞌ junak li chꞌochꞌ cuc nak teꞌosokꞌ,” chan li Ka̱cuaꞌ.

2 Crónicas 36:10

Saꞌ li sakꞌehil re li chihab aꞌan laj Nabucodonosor lix reyeb laj Babilonia quixtakla xcꞌambal laj Joaquín re ta̱xic Babilonia. Laj Joaquín quicꞌameꞌ rochbeneb li cꞌaꞌak re ru terto xtzꞌak li cuan saꞌ lix templo li Ka̱cuaꞌ. Ut laj Nabucodonosor quixxakab laj Sedequías li rechꞌalal laj Joaquín chokꞌ xreyeb laj Judá ut eb laj Jerusalén.

Santiago 5:5

Arin saꞌ ruchichꞌochꞌ cuan nabal le̱ biomal ut ma̱cꞌaꞌ napaltoꞌ e̱re. Junelic sa nequenumsi li cutan. Chanchanex li cuacax chꞌolaninbil chi us re ta̱camsi̱k xban nak le̱ yuꞌam la̱ex, ta̱osokꞌ. Ta̱cuulak xkꞌehil nak ta̱rakekꞌ a̱tin saꞌ e̱be̱n.

Isaías 34:7

Eb li tenamit aꞌan teꞌcamsi̱k joꞌ nak nequeꞌcamsi̱c li cuacax ut li toro. Lix quiqꞌueleb tixtꞌakresi li chꞌochꞌ ut lix xe̱buleb ta̱osokꞌ saꞌ li poks,

Jeremías 18:22

Chataklaheb li xicꞌ nequeꞌiloc reheb chi pletic riqꞌuineb chi ma̱cꞌaꞌ saꞌ xchꞌo̱leb xban nak eb aꞌan xeꞌxbec li jul re intꞌanbal ut xeꞌxqꞌue li raꞌal re inchapbal. Japjo̱k ta reheb xban xxiuheb.

Jeremías 48:38

Yalak bar yo̱queb chi ya̱bac xban nak la̱in xinsach ru li naꞌajej Moab. Yo̱queb chi ya̱bac saꞌ xbe̱neb li cab ut saꞌ eb li cꞌayil. Li tenamit chanchan jun li cuc li xjoreꞌ ut ma̱ ani na-ajoc re, chan li Dios.

Oseas 8:8

Eb laj Israel teꞌsachekꞌ xcuanquil. Ma̱cꞌaꞌ chic teꞌoc cuiꞌ chiruheb li jalan tenamit. Chanchanakeb aj chic jun li secꞌ ma̱cꞌaꞌ chic xcꞌanjel. Yal re tzꞌekecꞌ aj chic.

Zacarías 10:3

Li nimajcual Dios quixye: —Cꞌajoꞌ injoskꞌil saꞌ xbe̱neb li nequeꞌtaklan saꞌ xbe̱neb lin tenamit. La̱in tinqꞌueheb chixtojbal xma̱queb xban nak incꞌaꞌ xeꞌcꞌamoc be chiruheb saꞌ ti̱quilal. Abanan lin tenamit Judá la̱in tincuil xtokꞌoba̱leb ru. Tintenkꞌaheb ut cauhakeb chic rib joꞌ eb li cacua̱y li nequeꞌxic saꞌ ple̱t.

Zacarías 11:3

Eb laj ilol re li tenamit japjo̱queb re chi ya̱bac xban nak xsacheꞌ lix chꞌinaꞌusal lix tenamiteb. Chanchan nak nequeꞌya̱bac li ral li cakcoj xban nak li qꞌuicheꞌ li cuan chire li nimaꞌ Jordán quisacheꞌ ru.

Jeremías 23:1

Raylal ta̱cha̱lk saꞌ xbe̱neb li nequeꞌcꞌamoc be saꞌ xya̱nkeb lin tenamit xban nak xeꞌxcanab chi jeqꞌui̱c ruheb lin tenamit ut xeꞌxcanab chi sachecꞌ ruheb.