Jeremías 25:30 - Li Santil hu

³⁰ At Jeremías, ta̱ye reheb chixjunil li tinye a̱cue. Ta̱ye reheb chi joꞌcaꞌin: Li Ka̱cuaꞌ ta̱a̱tinak chak saꞌ choxa chi cau xya̱b xcux. Toj saꞌ lix santil naꞌaj ta̱a̱tinak ut tixye resil li raylal cha̱lc re saꞌ xbe̱n lix tenamit. Tixjap re joꞌ nak nequeꞌxjap reheb li nequeꞌyatzꞌoc re li uvas. Chixjunileb li cuanqueb saꞌ ruchichꞌochꞌ teꞌrabi nak ta̱a̱tinak li Ka̱cuaꞌ.

Q'eqchi Bible

³⁰ “At Jeremías, ye chixjunileb' li aatin a'in sa' ink'ab'a'. Ye reheb' chi jo'ka'in: «Li Qaawa' tixjap chaq re sa' li choxa ut taa'aatinaq chaq chi kaw toj sa' li xsantil muheb'aal. Tixjap chaq re chi raatinankil li xtenamit, jo' naq neke'xjap reheb' li neke'yatz'ok ru li uub'.

Jeremías 25:30 ပူးပေါင်းရင်းမြစ်များ

Amós 1:2

Quixye: —Li nimajcual Dios ta̱a̱tinak chak chi cau xya̱b xcux toj Sión. Toj aran Jerusalén ta̱a̱tinak chak li Ka̱cuaꞌ. Ut nak ta̱a̱tinak chak, talajeꞌchakik li pim. Ut talajeꞌchakik ajcuiꞌ li pachꞌayaꞌ saꞌ li tzu̱l Carmelo.

Joel 3:16

Nak la̱in tina̱tinak chi cau xya̱b incux saꞌ li tzu̱l Sión aran Jerusalén, li choxa joꞌ ajcuiꞌ li ruchichꞌochꞌ teꞌecꞌa̱nk saꞌ xnaꞌaj. Abanan eb laj Israel lin tenamit cauhakeb xchꞌo̱l cuiqꞌuin. Ut cuiqꞌuin teꞌyoꞌoni̱nk xban nak la̱in tincolok reheb.

Isaías 42:13

Li Ka̱cuaꞌ riqꞌuin xnimal xcuanquil ta̱pletik riqꞌuineb li xicꞌ nequeꞌiloc re. Chanchanak jun li soldado ac cauresinbil chi pletic. Tixjap re, re xtiquibanquil li pletic ut ta̱numta̱k saꞌ xbe̱neb li xicꞌ nequeꞌiloc re.

Isaías 16:9

Joꞌcan nak ninya̱bac joꞌ nequeꞌya̱bac eb laj Jazer xban nak queꞌsacheꞌ li racui̱mk uvas. Ninya̱bac chi kꞌaxal ra saꞌ inchꞌo̱l chirixeb laj Hesbón ut eb laj Eleale. Incꞌaꞌ chic teꞌxjap reheb xban xsahil xchꞌo̱leb nak teꞌxsicꞌ ru li racui̱mkeb. Aꞌ chic li japoc e ta̱abi̱k nak yo̱k li ple̱t.

Apocalipsis 19:15

Li Ti̱c Xchꞌo̱l cuan jun li kꞌesnal chꞌi̱chꞌ saꞌ re, re xsachbal xcuanquileb li xni̱nkal ru tenamit. Cau ta̱takla̱nk saꞌ xbe̱neb. Chanchan riqꞌuin jun xukꞌ chꞌi̱chꞌ tixtaklaheb. Chanchan nak nayatzꞌeꞌ li ru li uvas nak ta̱rakok a̱tin saꞌ xbe̱neb riqꞌuin xjoskꞌil li Dios.

Zacarías 2:13

Chixjunileb li cuanqueb saꞌ ruchichꞌochꞌ cheꞌxxucua ta ru li Ka̱cuaꞌ ut incꞌaꞌ ta chic teꞌecꞌa̱nk xban nak aꞌan tixcanab chak lix Santil Naꞌaj ut ta̱cha̱lk saꞌ kaya̱nk.

Amós 3:8

¿Ani ta biꞌ incꞌaꞌ ta̱xucuak nak tixjap re li cakcoj? Cui nequeꞌxucuac xban li cakcoj nak naxjap re, ¿ma tojaꞌ ta chic incꞌaꞌ teꞌxucuak chiru li Dios? Cui junak ta̱a̱tina̱k xban li Ka̱cuaꞌ, ¿ma incꞌaꞌ ta biꞌ tixye resil li cꞌaꞌru quicꞌutbesi̱c chiru?

Oseas 5:14

La̱in tincꞌut lin joskꞌil chiruheb li ralal xcꞌajol laj Efraín. Chanchanakin li cakcoj nak tinrahobtesiheb. Chanchanakin li ral li cakcoj nak tinrahobtesiheb li ralal xcꞌajol laj Judá. Joꞌ nak naxchap lix tib li cakcoj, joꞌcan ajcuiꞌ tinba̱nu la̱in riqꞌuineb. La̱in tinqꞌueheb saꞌ raylal ut tincanabeb xjuneseb ut ma̱ ani ta̱ru̱k ta̱colok reheb saꞌ cuukꞌ.

Jeremías 48:33

Ma̱cꞌaꞌak chic li sahil chꞌo̱lej saꞌ li xnaꞌaj li acui̱mk ut saꞌ li cꞌaleba̱l li cuanqueb Moab. Incꞌaꞌ chic ta̱yatzꞌma̱nk ru li uvas. Ma̱ ani chic tixyatzꞌ li uvas chi sa saꞌ xchꞌo̱leb. Nequeꞌxjap reheb, abanan ma̱cuaꞌ xban xsahil xchꞌo̱leb. Nequeꞌxjap ban reheb xban xrahileb xchꞌo̱l.

Jeremías 17:12

Li katemplo kꞌaxal lokꞌ. Chalen saꞌ xticlajic qꞌuebil xlokꞌal. Chanchan jun li cꞌojariba̱l najt xteram.

Salmos 132:14

Quixye: —Aꞌan aꞌin li naꞌajej nacuaj chokꞌ innaꞌaj. Aran tincua̱nk chi junelic xban nak nacuulac chicuu li naꞌajej aꞌan.

Salmos 78:65

Ut li Ka̱cuaꞌ quixcanabeb li xicꞌ nequeꞌiloc reheb lix tenamit chi numta̱c saꞌ xbe̱neb. Nak quixqꞌue retal nak yo̱queb chi numta̱c li xicꞌ nequeꞌiloc reheb, quixtenkꞌa cuiꞌchic lix tenamit. Chanchan nak yo̱ chi cua̱rc li Ka̱cuaꞌ ut qui-aj ru. Chanchan jun li cui̱nk cau rib chi pletic xban li vino li ac xrucꞌ.

Salmos 58:5

Incꞌaꞌ nequeꞌrabi li naxye li natu̱lanobresin reheb. Usta kꞌaxal naxnau, abanan incꞌaꞌ nequeꞌabin chiru.

Salmos 11:4

Abanan la̱in ninye a̱cue: Li Ka̱cuaꞌ Dios cuan chak saꞌ li Santil Naꞌajej ut kꞌaxal nim xcuanquil. Li Ka̱cuaꞌ Dios naril chixjunileb. Aꞌan naxnau cꞌaꞌru nequeꞌxba̱nu.

2 Crónicas 30:27

Eb laj tij ut eb laj levita queꞌxakli chixtzꞌa̱manquil chiru li Dios nak ta̱rosobtesiheb li tenamit. Ut li Dios quirabi lix tijeb toj saꞌ choxa bar nacuan cuiꞌ.

1 Reyes 9:3

Ut li Ka̱cuaꞌ quixye re: —Xcuabi la̱ tij nak xatzꞌa̱ma chicuu. La̱in xinsantobresi li templo aꞌin li xayi̱b re tinlokꞌoni̱k cuiꞌ chi junelic. La̱in junelic tincua̱nk saꞌ li templo ut la̱in tin-ilok re chi junelic.

Deuteronomio 26:15

China̱cuil, at Ka̱cuaꞌ, toj saꞌ la̱ santil naꞌaj saꞌ choxa. Chacuosobtesiheb laj Israel la̱ tenamit. Ut chacuosobtesi li naꞌajej li xaqꞌue ke joꞌ xaye reheb li kaxeꞌto̱nil yucuaꞌ nak xaba̱nu li juramento. Xaqꞌue ke li cha̱bil naꞌajej li na-el cuiꞌ chi us li acui̱mk,” chaꞌkex.

2 Samuel 15:25

Li rey quixye re laj Sadoc: —Cꞌam cuiꞌchic li Lokꞌlaj Ca̱x saꞌ li tenamit. Cui li Ka̱cuaꞌ Dios sahak xchꞌo̱l cuiqꞌuin, aꞌan ta̱qꞌuehok cuiꞌchic cue chi sukꞌi̱c re nak ta̱ru̱k tincuil cuiꞌchic li Lokꞌlaj Ca̱x saꞌ lix naꞌaj.

Salmos 46:6

Yo̱ xjoskꞌileb li tenamit ut cauheb rib nak nequeꞌxcꞌoxla. Abanan aꞌ yal jokꞌe tixye li Ka̱cuaꞌ, li ruchichꞌochꞌ ta̱osokꞌ.

Isaías 33:3

Nak nacat-a̱tinac chi cau xya̱b la̱ cux eb li xni̱nkal ru tenamit nequeꞌe̱lelic. Nak nacat-oquen chikix, nequeꞌxchaꞌchaꞌi ribeb li xicꞌ nequeꞌiloc ke.

Jeremías 25:38

Li Ka̱cuaꞌ tixcꞌutbesi lix joskꞌil joꞌ jun li cakcoj li na-el chak chixsicꞌbal lix tib. Lix naꞌajeb li tenamit ta̱sachekꞌ ru xbaneb li xicꞌ nequeꞌiloc reheb, xban nak yo̱ xjoskꞌil li Ka̱cuaꞌ saꞌ xbe̱neb.

Oseas 11:10

Chanchanakin li cakcoj nak tinjap cue chiruheb li xicꞌ nequeꞌiloc reheb li cualal incꞌajol. Sicsotkeb xbaneb xxiu li cualal incꞌajol nak teꞌcha̱lk cuiqꞌuin saꞌ li oeste li na-oc cuiꞌ li sakꞌe.