Jeremías 25:3 - Li Santil hu

³ Ut quixye reheb: —Chalen nak yo̱ oxlaju chihab roquic chokꞌ xreyeb laj Judá laj Josías li ralal laj Amón ut toj anakcuan li Ka̱cuaꞌ yo̱ chi a̱tinac cuiqꞌuin. Ut chiru oxib xcaꞌcꞌa̱l (23) chihab la̱in rajlal yo̱quin chixyebal e̱re li cꞌaꞌru quixye li Ka̱cuaꞌ. Abanan la̱ex incꞌaꞌ xex-abin.

Q'eqchi Bible

³ “Chalen chaq naq ak oxlaju chihab'aq rokik chi awab'ejink laj Josías, ralal laj Amón, sa' xb'een Judá toj anaqwan, li Qaawa' yo chi aatinak wik'in, ut laa'in yookin chi xyeeb'al eere chi tz'aqal re ru. Ak oxib' xka'k'aal chihab' xtikib'ankil a'an, ab'an laa'ex ink'a' nikineepaab'.

Jeremías 25:3 ပူးပေါင်းရင်းမြစ်များ

Jeremías 26:5

Cui incꞌaꞌ te̱rabi li cꞌaꞌru nequeꞌxye li profetas li nequeꞌcꞌanjelac chicuu, li quintakla e̱riqꞌuin rajlal ut incꞌaꞌ nequex-abin chiruheb,

Jeremías 11:7

Chalen nak queꞌcuisi chak le̱ xeꞌto̱nil yucuaꞌ Egipto ut toj chalen anakcuan la̱in nabal sut quebinkꞌus. Chalen junxil yo̱quin chak chixyebal reheb: Cherabihak li cꞌaꞌru ninye.

Jeremías 1:2

Yo̱ oxlaju chihab roquic chi cꞌanjelac laj Josías ralal laj Amón chokꞌ xreyeb laj Judá nak li Ka̱cuaꞌ Dios quia̱tinac riqꞌuin laj Jeremías.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Jeremías 29:19

Teꞌxcꞌul chi joꞌcan xban nak incꞌaꞌ queꞌxpa̱b li cua̱tin li quiyeheꞌ reheb junelic xbaneb lin profetas li queꞌcꞌanjelac chicuu. Joꞌcan ajcuiꞌ la̱ex. Chi moco la̱ex li quexcꞌameꞌ chi najt xerabi li cua̱tin, chan li Ka̱cuaꞌ.

2 Crónicas 34:8

Ac yo̱ chic cuakxaklaju chihab roquic chokꞌ rey laj Josías nak ac xsabesiheb li tenamit ut li templo. Quia̱tinac riqꞌuineb laj Safán li ralal laj Azalía, ut laj Maasías li nataklan saꞌ li tenamit, ut laj Joa laj tzꞌi̱b, li ralal laj Joacaz, ut quixye reheb nak teꞌxyi̱b cuiꞌchic lix templo li Ka̱cuaꞌ Dios.

2 Crónicas 34:3

Ac yo̱ chic cuakxakib chihab roquic chokꞌ rey laj Josías ut toj sa̱j chi us nak qui-oc chixsicꞌbal li Dios li quixlokꞌoni li rey David lix xeꞌto̱nil yucuaꞌ. Ut nak ac yo̱ chic cablaju chihab roquic saꞌ lix cuanquil, qui-oc chirisinquileb li yi̱banbil dios saꞌ li tenamit Judá ut Jerusalén, joꞌ ajcuiꞌ lix naꞌajeb li yi̱banbil dios, ut eb lix jalam u̱ch lix Asera. Quirisiheb ajcuiꞌ li jalanil dios li yi̱banbileb riqꞌuin chꞌi̱chꞌ ut pec.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

San Juan 8:47

Cui ta la̱ex ralal xcꞌajol li Dios, nequepa̱b raj li cꞌaꞌru naxye. Abanan la̱ex ma̱cuaꞌex ralal xcꞌajol li Dios. Joꞌcan nak incꞌaꞌ nequeraj rabinquil li cꞌaꞌru naxye, chan li Jesús.

San Juan 8:2

Cuulajak chic nak toj ekꞌela co̱ cuiꞌchic saꞌ li templo. Li qꞌuila tenamit queꞌcuulac riqꞌuin. Ut nak quicꞌojla, qui-oc cuiꞌchic chixchꞌolobanquil lix ya̱lal chiruheb.

San Marcos 1:35

Cuulajak chic nak toj ma̱jiꞌ na-iqꞌueꞌ li cutan, li Jesús quicuacli ut qui-el saꞌ li tenamit. Ut co̱ xjunes chi tijoc saꞌ jun li naꞌajej bar ma̱cꞌaꞌ cuiꞌ cristian.

Jeremías 44:4

Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Jeremías 25:4

Li Ka̱cuaꞌ xtakla e̱riqꞌuin nabal sut eb li profetas li nequeꞌcꞌanjelac chiru, abanan la̱ex incꞌaꞌ queqꞌue retal li cꞌaꞌru queꞌxye chi moco xex-abin chiruheb.

Isaías 55:2

¿Cꞌaꞌut nak te̱sach e̱tumin riqꞌuin li moco cua ta? ¿Cꞌaꞌut nak te̱sach le̱ tojbal riqꞌuin li cꞌaꞌru moco nacꞌojla ta e̱chꞌo̱l xban? Te̱rabi ut te̱ba̱nu taxak li cꞌaꞌru ninye e̱re ut te̱tzaca li cha̱bil tzacae̱mk. Ta̱cꞌojla̱k e̱chꞌo̱l.

Salmos 81:13

Cui ta eb lin tenamit xeꞌabin chicuu, ut cui ta xeꞌxba̱nu li cꞌaꞌru xinye,

1 Reyes 22:3

Lix reyeb laj Israel quixye reheb li nequeꞌtenkꞌan re: —¿Ma incꞌaꞌ nequenau nak li tenamit Ramot, li cuan saꞌ xcue̱nt Galaad, ke la̱o? Cui ke la̱o, ¿cꞌaꞌut nak ma̱cꞌaꞌ yo̱co? ¿Cꞌaꞌut nak incꞌaꞌ nakisi rubel xcuanquil lix reyeb laj Siria? chan.

Éxodo 8:20

Tojoꞌnak li Ka̱cuaꞌ Dios quixye re laj Moisés: —Ekꞌela tatcuacli̱k cuulaj ut tatxic chire li nimaꞌ. Aran ta̱cuoybeni laj faraón nak ta̱cuulak. Ta̱ye re, “Joꞌcaꞌin xye li Ka̱cuaꞌ Dios a̱cue: Canabeb chi xic lin tenamit re nak tineꞌxlokꞌoni.

Génesis 22:3

Joꞌ cuulajak chic nak toj ekꞌela laj Abraham quicuacli. Quixqꞌue rix lix bu̱r. Ut quixyocꞌ lix siꞌ. Ut co̱ saꞌ li naꞌajej li quiyeheꞌ re xban li Dios. Quixcꞌam li ralal chirix nak co̱ ut quixcꞌam ajcuiꞌ cuib lix mo̱s li toj sa̱jeb.

2 Crónicas 34:1

Cuakxakib chihab cuan re laj Josías nak qui-oc chokꞌ rey. Junlaju xcaꞌcꞌa̱l (31) chihab quicuan saꞌ xcuanquil aran Jerusalén.

2 Crónicas 36:15

Li Ka̱cuaꞌ lix Dioseb lix xeꞌto̱nil yucuaꞌeb nabal sut quixtakla lix profeta riqꞌuineb chixkꞌusbaleb xban nak quiril xtokꞌoba̱leb ru ut xban ajcuiꞌ nak saꞌ li tenamit aꞌan cuan lix templo.

Jeremías 7:25

Chalen saꞌ li cutan nak le̱ xeꞌto̱nil yucuaꞌ queꞌel chak Egipto toj chalen anakcuan, rajlal quintaklaheb lin profeta riqꞌuineb chixchꞌolobanquil lix ya̱lal chiruheb.

Jeremías 32:33

Xineꞌxtzꞌekta̱na xban nak incꞌaꞌ queꞌraj rabinquil lix kꞌusbaleb. La̱in rajlal xincꞌut lix ya̱lal chiruheb, abanan incꞌaꞌ queꞌabin chicuu.

Jeremías 35:14

Laj Jonadab li ralal laj Recab quixye reheb li ralal xcꞌajol nak incꞌaꞌ teꞌrucꞌ li vino ut queꞌxba̱nu joꞌ quixye. Toj chalen anakcuan incꞌaꞌ nequeꞌrucꞌ li vino xban nak nequeꞌxba̱nu li cꞌaꞌru quixye lix xeꞌto̱nil yucuaꞌeb. Abanan la̱in nabal sut yo̱quin chixyebal e̱re cꞌaꞌru te̱ba̱nu ut incꞌaꞌ nequex-abin chicuu.

Jeremías 36:1

Yo̱ xca̱ chihab roquic chokꞌ xreyeb laj Judá laj Joacim li ralal laj Josías nak li Ka̱cuaꞌ Dios quia̱tinac cuiꞌchic riqꞌuin laj Jeremías ut quixye re chi joꞌcaꞌin:

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

2 Reyes 17:13

Li Ka̱cuaꞌ quixtaklaheb lix profeta ut eb lix takl riqꞌuineb laj Israel ut riqꞌuineb laj Judá. Queꞌxye chi joꞌcaꞌin: —Canabomak xba̱nunquil li ma̱usilal. Cheba̱nuhak ban li cꞌaꞌru naxye li chakꞌrab li quixqꞌue li Dios reheb le̱ xeꞌto̱nil yucuaꞌ. Cheba̱nuhak chixjunil li cꞌaꞌru xextakla̱c cuiꞌ, chanqueb li profetas laj cꞌanjel chiru li Ka̱cuaꞌ.

2 Crónicas 24:19

Li Ka̱cuaꞌ quixtaklaheb lix profeta chi a̱tinac riqꞌuineb li tenamit ut chixyebal reheb nak teꞌsukꞌi̱k riqꞌuin li Ka̱cuaꞌ. Queꞌxye reheb nak incꞌaꞌ us yo̱queb. Abanan li tenamit incꞌaꞌ queꞌabin chiruheb.

Jeremías 19:15

—Joꞌcaꞌin xye li nimajcual Dios, lix Dioseb laj Israel, “La̱in tinqꞌue chak li raylal saꞌ xbe̱n li tenamit Jerusalén, joꞌ ajcuiꞌ saꞌ xbe̱neb li tenamit li cuanqueb chi xjun sutam. Li raylal aꞌin ac tenebanbil saꞌ xbe̱neb inban la̱in xban nak xeꞌxcacuubresi lix chꞌo̱leb ut incꞌaꞌ queꞌraj rabinquil li cua̱tin,” chan li Ka̱cuaꞌ.—

Jeremías 22:21

La̱in quinyal inkꞌe chixqꞌuebal e̱naꞌleb nak toj sa cuanquex. Abanan la̱ex incꞌaꞌ queraj rabinquil li cꞌaꞌru quinye. Joꞌcan le̱ naꞌleb chalen saꞌ e̱sa̱jilal. Incꞌaꞌ quex-abin chicuu.

Ezequiel 33:4

Cui ani ta̱rabi xya̱b li trompeta ut ma̱cꞌaꞌ tixba̱nu ut ta̱camsi̱k xbaneb li xicꞌ nequeꞌiloc re, aꞌan cuan re cui ta̱camsi̱k.

Zacarías 1:4

Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.