Jeremías 25:28 - Li Santil hu

²⁸ Cui eb aꞌan incꞌaꞌ teꞌraj xcꞌulbal li raylal ta̱ye reheb, “Li Ka̱cuaꞌ li nimajcual Dios xye nak tento te̱cꞌul.”

Q'eqchi Bible

²⁸ Ut wi ink'a' te'raj xk'ulb'al li sek' chi moko te'raj ruk'b'al li wank chisa', laa'at taaye reheb': «Jo'ka'in xye li Nimajwal Yos: Tento teeruk' xb'aan naq maak'a' chik xja'lenkil:

Jeremías 25:28 ပူးပေါင်းရင်းမြစ်များ

Li xHu LAJ JOB 34:33

¿Ma yo̱cat chixcꞌoxlanquil nak li Dios tixqꞌue a̱kꞌajca̱munquil joꞌ nacacuaj la̱at, usta ac xatzꞌekta̱na? La̱at nacanau cꞌaꞌru ta̱ba̱nu. Ma̱cuaꞌ la̱in. Ye ke li cꞌaꞌru ta̱cuaj xba̱nunquil.

Efesios 1:11

La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

Hechos 4:28

Joꞌcaꞌin queꞌxba̱nu xban nak ac joꞌcan chak saꞌ a̱chꞌo̱l la̱at. Ut ac yebil chak a̱ban nak joꞌcan ta̱cꞌulma̱nk.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Jeremías 51:29

Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.

Jeremías 49:12

Li Ka̱cuaꞌ quixye chi joꞌcaꞌin: —Cui eb li ma̱cꞌaꞌeb xma̱c queꞌqꞌueheꞌ chixcꞌulbal li raylal, ¿ma tojaꞌ ta chic la̱ex incꞌaꞌ texqꞌuehekꞌ chixtojbal rix le̱ ma̱c? Tento nak la̱ex te̱toj rix le̱ ma̱c.

Jeremías 4:28

Ta̱rahokꞌ xchꞌo̱l li ruchichꞌochꞌ ut ta̱kꞌojyi̱nokꞌ ru li choxa. Li Ka̱cuaꞌ quixye nak ta̱cꞌulma̱nk chi joꞌcan ut aꞌan incꞌaꞌ tixjal xcꞌaꞌux.

Jeremías 25:17

Joꞌcan nak la̱in quinchap li secꞌ li quixqꞌue cue li Ka̱cuaꞌ retalil lix joskꞌil. Ut quinqꞌue reheb li xni̱nkal ru tenamit li quintakla̱c cuiꞌ xban li Ka̱cuaꞌ.

Jeremías 27:8

Cui cuan junak tenamit malaj ut junak rey incꞌaꞌ teꞌxcubsi ribeb chi moco teꞌcꞌanjelak chiru li rey Nabucodonosor, la̱in tinqꞌueheb chixtojbal lix ma̱queb nak tintakla li ple̱t, li cueꞌej ut li caki yajel saꞌ xbe̱neb toj retal teꞌxqꞌue ribeb rubel xcuanquil laj Nabucodonosor. La̱in li Ka̱cuaꞌ ninyehoc re aꞌin.

Abdías 1:16

Joꞌ nak xerecꞌa xcꞌahil li rahobtesi̱c la̱ex saꞌ lin tzu̱l Sión, joꞌcan ajcuiꞌ nak teꞌrecꞌa xcꞌahil li rahobtesi̱c chixjunileb li tenamit toj retal teꞌosokꞌ.