Jeremías 25:20 - Li Santil hu

²⁰ Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;

Q'eqchi Bible

²⁰ Kink'e ajwi' reheb' chixjunil li k'iila paay chi poyanam wankeb' aran; kink'e reheb' chixjunil li awab'ej sa' xteepal Us, ut chixjunileb' li wankeb' sa' xsutam Filistea: sa' li tenamit Askalón, Gasa, Ekrón ut Asdod;

Jeremías 25:20 ပူးပေါင်းရင်းမြစ်များ

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Ezequiel 30:5

Chixjunileb li tenamit li teꞌoque̱nk chi pletic chirixeb laj Egipto teꞌcamsi̱k. Teꞌcamsi̱k chixjunileb laj Etiopía, eb laj Fut, eb laj Lud, ut eb laj Arabia joꞌ eb ajcuiꞌ laj Libia.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.

Jeremías 50:37

Teꞌcamsi̱k saꞌ li ple̱t eb li cacua̱y ut teꞌsachekꞌ ru li carruajes. Ut teꞌcamsi̱k li jalaneb xtenamiteb li cuanqueb saꞌ xya̱nkeb. Chanchanakeb chic ixk. Teꞌsachekꞌ ru li raro xbaneb ut ta̱cꞌamekꞌ lix biomaleb.

Isaías 20:1

Laj Sargón lix reyeb laj Asiria quixtakla laj Tartán aran Asdod chi pletic. Ut laj Tartán quinumta saꞌ xbe̱neb.

Jeremías 25:24

ut eb li rey li cuanqueb Arabia; joꞌ eb ajcuiꞌ lix reyeb li cuanqueb saꞌ li chaki chꞌochꞌ, li jalan jala̱nk xtenamiteb.

Éxodo 12:38

Ut cuanqueb ajcuiꞌ laj Egipto li queꞌco̱eb saꞌ xya̱nkeb laj Israel. Ut ma̱ caꞌchꞌin xqꞌuial li queto̱mk queꞌxcꞌam nak queꞌco̱eb.

1 Crónicas 1:17

Eb li ralal laj Sem, aꞌaneb aꞌin: laj Elam, laj Asur, laj Arfaxad, laj Lud ut laj Aram. Ut eb li ralal laj Aram, aꞌaneb aꞌin: laj Us, laj Hul, laj Geter ut laj Mesec.

1 Samuel 6:17

Li o̱b chi retalil li tumor yi̱banbil riqꞌuin oro quitakla̱c xbaneb laj filisteo saꞌ xcꞌabaꞌ li o̱b chi tenamit Asdod, Gaza, Ascalón, Gat ut Ecrón. Quitakla̱c re xtojbal rix lix ma̱queb chiru li Ka̱cuaꞌ lix Dioseb laj Israel.

Génesis 22:21

Li xbe̱n li quiyoꞌla, aꞌan laj Uz xcꞌabaꞌ. Ut li xcab, aꞌan laj Buz. Ut li rox, aꞌan laj Kemuel. Nak ac cui̱nk chic laj Kemuel quicuan jun li ralal laj Aram xcꞌabaꞌ.

Génesis 10:23

Aꞌaneb aꞌin lix cꞌabaꞌeb li ralal laj Aram: laj Uz, laj Hul, laj Geter ut laj Mas.

Jueces 1:18

Eb li ralal xcꞌajol laj Judá queꞌre̱chaniheb li tenamit Gaza, Ascalón ut Ecrón rochbeneb li naꞌajej li cuanqueb chi xjun sutam.

Jeremías 27:3

Ta̱takla resil chirixeb li takl li queꞌchal Jerusalén chi a̱tinac riqꞌuin laj Sedequías lix reyeb laj Judá. Takla resil riqꞌuineb lix reyeb laj Edom, lix reyeb laj Moab, lix reyeb li ralal xcꞌajol laj Amón, joꞌ ajcuiꞌ lix reyeb laj Tiro ut lix reyeb laj Sidón.