Jeremías 25:18 - Li Santil hu

¹⁸ Aꞌaneb aꞌin li tenamit li teꞌcꞌuluk raylal: eb li cuanqueb Jerusalén ut eb li cuanqueb saꞌ eb li tenamit li cuanqueb Judá; joꞌ eb ajcuiꞌ lix reyeb ut eb li cuanqueb xcuanquil. Xinba̱nu chi joꞌcan re nak xucuajel rilbal teꞌcana̱k ut re nak teꞌsachekꞌ ruheb ut re ajcuiꞌ nak teꞌseꞌe̱k ut teꞌhobekꞌ joꞌ yo̱queb xcꞌulbal toj chalen anakcuan.

Q'eqchi Bible

¹⁸ Kink'e chi ruk'eb' laj Jerusalén, eb' laj Judá, jo'wi' kink'e reheb' li awab'ej ut eb' li xninqal ru winq, re xsachb'al ruheb' ut xkanab'ankileb' chi kok'putz' chi junajwa ut chi xiwajelaq rilb'al, chi tz'eqtaananb'ilaqeb' ut majewanb'ilaqeb', jo' wankeb' chalen toj anaqwan.

Jeremías 25:18 ပူးပေါင်းရင်းမြစ်များ

Jeremías 44:22

Li Dios incꞌaꞌ chic quixcuy rilbal li ma̱c ut li ma̱usilal xeba̱nu. Incꞌaꞌ chic quixcuy rilbal lix yibal ru le̱ naꞌleb. Joꞌcan nak quixsach ru le̱ naꞌaj. Ma̱cꞌaꞌ chic cuan chi saꞌ anakcuan ut majecuanbil chic.

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Salmos 60:3

Cꞌajoꞌ li raylal xaqꞌue saꞌ kabe̱n. Chanchan nak xoa̱qꞌue chi ucꞌac vino. Chanchan tocala̱k xocana xban li raylal li xaqꞌue saꞌ kabe̱n.

1 Pedro 4:17

Cuulac re xkꞌehil li rakoc a̱tin. Ta̱ticla̱k kiqꞌuin la̱o, li ralal xcꞌajol li Dios. Tento nak ta̱rakekꞌ a̱tin saꞌ kabe̱n la̱o aj pa̱banel. Ut ta̱rakekꞌ ajcuiꞌ a̱tin saꞌ xbe̱neb li incꞌaꞌ nequeꞌxpa̱b li Dios. Abanan kꞌaxal numtajenak cuiꞌchic li raylal teꞌxcꞌul eb aꞌan.

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.

Amós 2:5

Tinqꞌue xxamlel li tenamit Judá ut tincꞌateb ajcuiꞌ lix palacio aran Jerusalén.

Daniel 9:12

La̱at xaba̱nu joꞌ caye chak chikix ut chirixeb li nequeꞌtaklan saꞌ kabe̱n. Xoa̱qꞌue chixtojbal li kama̱c ut xaqꞌueheb ajcuiꞌ chixtojbal lix ma̱queb li nequeꞌtaklan saꞌ kabe̱n. Numtajenak li raylal xkacꞌul. Ma̱ jun sut quicꞌulman saꞌ ruchichꞌochꞌ joꞌ xcꞌul li tenamit Jerusalén.

Jeremías 25:11

Chixjunil li naꞌajej aꞌin ta̱osokꞌ ut ta̱cana̱k chi ma̱cꞌaꞌ chic cuan chi saꞌ. Xucuajel rilbal li cꞌaꞌru tixcꞌul. Ut eb li tenamit teꞌcꞌanjelak chiru lix reyeb laj Babilonia chiru laje̱b xca̱cꞌa̱l (70) chihab.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 1:10

Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Nehemías 9:36

Ut anakcuan chaqꞌue taxak retal li raylal li yo̱co chixcꞌulbal. Anakcuan la̱o chic mo̱s saꞌ li chꞌochꞌ li caqꞌue reheb li kaxeꞌto̱nil yucuaꞌ re nak teꞌcua̱nk chi sa saꞌ xchꞌo̱leb ut teꞌxtzaca li ru li acui̱mk.

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

2 Reyes 22:19

Xyotꞌeꞌ a̱chꞌo̱l ut xacubsi a̱cuib chicuu nak xacuabi nak tintakla raylal saꞌ xbe̱n Jerusalén joꞌ eb ajcuiꞌ li tenamit. Xacuabi nak xinye nak tinsach ruheb ut tinpoꞌ lix naꞌajeb. Xapej la̱ cuakꞌ xban xrahil a̱chꞌo̱l ut xatya̱bac chicuu. La̱in xcuabi li cꞌaꞌru xaye.

1 Reyes 8:24

Anakcuan xaba̱nu li cꞌaꞌru cayechiꞌi chak re laj David lin yucuaꞌ. La̱at caye nak ta̱qꞌue ut anakcuan xaba̱nu chiru li cutan aꞌin.

Josué 6:18

Abanan la̱ex cheba̱nu cue̱nt. Ma̱cꞌaꞌ te̱xoc saꞌ li tenamit aꞌan xban nak li Ka̱cuaꞌ ac xkꞌaxtesi re ta̱sachekꞌ li tenamit ut chixjunil li cuan chi saꞌ. Cui te̱xoc li cꞌaꞌak re ru naru nachal chꞌaꞌajquilal ut raylal saꞌ kabe̱n la̱o aj Israel.

2 Crónicas 29:8

Joꞌcan nak quichal xjoskꞌil li Ka̱cuaꞌ saꞌ xbe̱neb laj Judá ut saꞌ xbe̱neb laj Jerusalén. Quixqꞌueheb chi seꞌe̱c ut chi hobecꞌ. Ut xiu xiu rilbaleb quixcanabeb joꞌ yo̱quex chirilbal la̱ex anakcuan.

Isaías 40:23

Naxcubsi xcuanquileb li ni̱nkeb xcuanquil ut naxcanabeb chi ma̱cꞌaꞌ nequeꞌoc cuiꞌ li nequeꞌtaklan saꞌ ruchichꞌochꞌ.

Isaías 65:15

Eb li nequeꞌcꞌanjelac chicuu teꞌxpatzꞌ le̱ cꞌabaꞌ nak teꞌmajecua̱nk. La̱in li nimajcual Dios texinqꞌue chi camsi̱c. Ut tinqꞌue jun li acꞌ cꞌabaꞌej reheb li nequeꞌxba̱nu li cꞌaꞌru nacuaj la̱in.

Jeremías 26:6

la̱in tinba̱nu re li templo aꞌin joꞌ quinba̱nu re li tenamit Silo. Ut chixjunileb li xni̱nkal ru tenamit li cuanqueb saꞌ ruchichꞌochꞌ teꞌxmajecua li tenamit aꞌin, chan.

Ezequiel 30:7

Li naꞌajej Egipto ta̱sachekꞌ ru joꞌ queꞌxcꞌul li jun chꞌol chic tenamit. Ta̱cana̱k chi ma̱cꞌaꞌ chic cuan chi saꞌ. Li tenamit poꞌbil chic ta̱cana̱k joꞌ queꞌxcꞌul li jun chꞌol chic.

Miqueas 6:16

La̱ex xeba̱nu li cꞌaꞌru quixye lix chakꞌrab li rey Omri ut xeba̱nu ajcuiꞌ joꞌ quixba̱nu li rey Acab. Xetzol e̱rib chixba̱nunquil li incꞌaꞌ us li queꞌraj eb aꞌan. Xban li ma̱usilal nequeba̱nu, la̱in texincanab chi sachecꞌ. Texhobekꞌ la̱ex li cuanquex saꞌ li tenamit Jerusalén ut te̱cꞌul li raylal xban nak xine̱tzꞌekta̱na, chan li Ka̱cuaꞌ.

Jeremías 13:3

Ut li Ka̱cuaꞌ quia̱tinac cuiꞌchic cuiqꞌuin xcaꞌ sut ut quixye:

Jeremías 13:9

—Joꞌ xcꞌul li cꞌa̱mal saꞌ aꞌin nak xkꞌa, joꞌcan ajcuiꞌ teꞌxcꞌul eb laj Judá ut eb laj Jerusalén nak tincuisi lix kꞌetkꞌetileb.