Jeremías 25:16 - Li Santil hu

¹⁶ Nak teꞌrucꞌ li vino, sicsotkeb xbaneb xxiu ut teꞌlo̱cokꞌ ru xban li ple̱t li tintakla saꞌ xbe̱neb, chan li Dios.

Q'eqchi Bible

¹⁶ Naq te'ruk' li b'iin, te'xxa'wa rib' ut taakaano'q ruheb' xb'aan li raaxiik' tintaqla chaq sa' xb'eeneb'”.

Jeremías 25:16 ပူးပေါင်းရင်းမြစ်များ

Nahum 3:11

Joꞌcan ajcuiꞌ te̱cꞌul la̱ex aj Nínive. Chanchan texcala̱k nak te̱yal xsicꞌbal bar te̱col e̱rib. Te̱yal raj chic xmukbal e̱rib chiruheb li xicꞌ nequeꞌiloc e̱re.

Jeremías 51:7

Li tenamit Babilonia chanchan jun li secꞌ oro saꞌ rukꞌ li Ka̱cuaꞌ nak quicuan ut chixjunil li tenamit quixcaltesiheb. Queꞌrucꞌ li vino li quixqꞌue reheb ut queꞌsach xnaꞌlebeb li xni̱nkal ru tenamit.

Apocalipsis 18:3

Xsacheꞌ xcuanquil xban nak numtajenak li ma̱c nequeꞌxba̱nu. Chixjunileb li rey li cuanqueb saꞌ ruchichꞌochꞌ nequeꞌcuulac Babilonia chixba̱nunquil li ma̱usilal riqꞌuineb. Chanchan calajenakeb xban li ma̱usilal yo̱queb chixba̱nunquil. Ut eb laj cꞌay queꞌbiomoꞌ aran xban nak nabal li cꞌaꞌak re ru queꞌxcꞌayi chi terto xtzꞌak, chan.

Apocalipsis 14:10

aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.

Jeremías 51:39

Nak yo̱keb chixjapbal reheb ut ta̱chakik reheb, la̱in tinqꞌue li rucꞌaheb ut teꞌcala̱k. Japjo̱k reheb chi seꞌec ut chirix aꞌan teꞌcua̱rk chi junaj cua ut incꞌaꞌ chic teꞌajk ruheb, chan li Ka̱cuaꞌ.

Jeremías 25:27

Ut li Ka̱cuaꞌ quixye cue: —La̱at ta̱ye reheb: Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. Cꞌulumak li raylal. Chanchan nak tex-ucꞌak toj texcala̱k ut texxaꞌcuak ut textꞌanekꞌ. Ut incꞌaꞌ chic texcuacli̱k xban li ple̱t li tintakla saꞌ e̱be̱n.

Apocalipsis 14:8

Jun chic li ángel yo̱ chi ta̱ke̱nc re ut yo̱ chixyebal: —Ac xsacheꞌ xcuanquil li nimla tenamit Babilonia. Ac xsacheꞌ ru li tenamit. Aꞌan li quicꞌamoc xbeheb chixjunileb li tenamit chi ma̱cobc. Chanchan nak quixcaltesiheb nak quixqꞌueheb chixba̱nunquil li ma̱usilal, chan.

Lamentaciones 3:15

Junes raylal nincꞌul. Chanchan nak junes cꞌa chic li nintzaca.

Abdías 1:16

Joꞌ nak xerecꞌa xcꞌahil li rahobtesi̱c la̱ex saꞌ lin tzu̱l Sión, joꞌcan ajcuiꞌ nak teꞌrecꞌa xcꞌahil li rahobtesi̱c chixjunileb li tenamit toj retal teꞌosokꞌ.

Jeremías 13:12

Li Ka̱cuaꞌ quixye cue: —At Jeremías, ta̱ye reheb laj Israel nak chixjunileb li cuc teꞌnujtesi̱k riqꞌuin vino. Ut eb aꞌan teꞌxye: ¿Ma incꞌaꞌ ta biꞌ nakanau nak eb li cuc naru teꞌnujtesi̱k riqꞌuin vino? chaꞌakeb a̱cue.

Jeremías 13:14

Ut chirix aꞌan la̱in tinqꞌueheb chi camsi̱c, joꞌ li yucuaꞌbej joꞌ eb ajcuiꞌ li alalbej. Incꞌaꞌ tincuil xtokꞌoba̱l ruheb chi moco tincuuxta̱na ruheb. Jun xiqueb nak teꞌosokꞌ,” chan li Ka̱cuaꞌ.

Jeremías 45:5

Ma̱cꞌaꞌ aj e nak ta̱sicꞌ a̱cuanquil. Ma̱ba̱nu aꞌan xban nak la̱in tintakla li raylal saꞌ xbe̱neb chixjunileb li cristian. Ut la̱at, yalak bar tatxic la̱in tatincol. Incꞌaꞌ tatcamsi̱k, chan li Dios.

Jeremías 48:26

Qꞌuehomakeb laj Moab chi cala̱c xban nak xeꞌxnimobresi ribeb chiru li Ka̱cuaꞌ. Qꞌuehomakeb laj Moab chixtolcꞌosinquil ribeb saꞌ lix xaꞌauheb. Qꞌuehomakeb laj Moab chi hobecꞌ.