Jeremías 25:10 - Li Santil hu

¹⁰ Incꞌaꞌ chic ta̱abima̱nk li bich re sahil chꞌo̱lej. Incꞌaꞌ chic ta̱abima̱nk li bich re sumla̱c, chi moco ta̱abi̱k chic xya̱b li queꞌec, ut incꞌaꞌ chic lochlo̱keb li candil.

Q'eqchi Bible

¹⁰ Ink'a' chik taa'ab'imanq li ninq'ehik sa' xyanqeb', chi moko li sahil ch'oolejil ut li b'ichank re li sumlaak; ink'a' chik taa'ab'iiq xyaab' li ke'leb' ut maak'a'aq chik li xsaqenkil li xam.

Jeremías 25:10 ပူးပေါင်းရင်းမြစ်များ

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Ezequiel 26:13

La̱in tinba̱nu nak incꞌaꞌ chic ta̱abi̱k xya̱b le̱ bich chi moco ta̱abi̱k xya̱b le̱ arpa.

Jeremías 16:9

Li Ka̱cuaꞌ li nimajcual Dios, lix Dioseb laj Israel quixye: —La̱in tincuisi li sahil chꞌo̱lejil saꞌ li tenamit aꞌin. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱l. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk sumla̱c. Eb li cuanqueb anakcuan teꞌril nak tinba̱nu aꞌin.

Oseas 2:11

La̱in tincuisi li ninkꞌei̱c chiru, li naqꞌuehoc xsahil xchꞌo̱l. Incꞌaꞌ chic ta̱ninkꞌei̱k rajlal chihab, rajlal po chi moco saꞌ li hiloba̱l cutan joꞌ cꞌaynak xba̱nunquil. Incꞌaꞌ chic tixninkꞌei ruheb lix dios.

Ester 8:11

Saꞌ li hu li quixtakla li rey quiyeheꞌ reheb laj judío nak teꞌxchꞌutub ribeb saꞌ li junju̱nk chi tenamit cuanqueb cuiꞌ, ut teꞌpletik re xcolbaleb rib chiruheb li xicꞌ nequeꞌiloc reheb. Ta̱ru̱k teꞌxcamsiheb ut teꞌxsach ruheb yalak ani li teꞌcha̱lk chi camsi̱nc reheb aꞌ yal bar xtenamiteb, usta cui̱nk, usta ixk, usta cocꞌal. Ut teꞌxxoc li cꞌaꞌru cuan reheb, chan li rey saꞌ li hu.

Ester 7:4

—La̱in ut eb li cuech tenamitil, xokꞌaxtesi̱c re camsi̱c. Ta̱sachekꞌ ku chi junaj cua. Cui ta xoxkꞌaxtesi̱c chokꞌ cꞌayinbil mo̱s, ma̱cꞌaꞌ raj tinye. Incꞌaꞌ raj xatinchꞌiꞌchꞌiꞌi. Aban cui la̱o tocamsi̱k, ta̱cha̱lk jun nimla chꞌaꞌajquilal saꞌ a̱be̱n la̱at, at rey, chan lix Ester.

Ester 3:13

Chirix aꞌan eb li hu queꞌcꞌameꞌ saꞌ li junju̱nk chi tenamit xbaneb lix takl li rey. Ut yalak bar queꞌrabi lix chakꞌrab li rey nak teꞌcamsi̱k chixjunileb laj judío saꞌ li oxlaju xbe li cablaju po Adar xcꞌabaꞌ. Jun xxiquic nak teꞌsachekꞌ ruheb laj judío. Teꞌcamsi̱k li ti̱x joꞌqueb ajcuiꞌ li sa̱jeb, ut eb li ixk joꞌqueb ajcuiꞌ li cocꞌal. Ut ta̱xoquekꞌ chixjunil li cꞌaꞌru cuan reheb.

Isaías 47:2

Chapomak e̱caꞌ ut ocankex chixqueꞌbal le̱ cꞌaj. Isihomak le̱ tꞌicr li nequetzꞌap cuiꞌ le̱ ru. Ut taksihomak le̱ rakꞌ re nak texnumekꞌ saꞌ li haꞌ chi ma̱cꞌaꞌ le̱ xa̱b.

Jeremías 48:33

Ma̱cꞌaꞌak chic li sahil chꞌo̱lej saꞌ li xnaꞌaj li acui̱mk ut saꞌ li cꞌaleba̱l li cuanqueb Moab. Incꞌaꞌ chic ta̱yatzꞌma̱nk ru li uvas. Ma̱ ani chic tixyatzꞌ li uvas chi sa saꞌ xchꞌo̱leb. Nequeꞌxjap reheb, abanan ma̱cuaꞌ xban xsahil xchꞌo̱leb. Nequeꞌxjap ban reheb xban xrahileb xchꞌo̱l.

Lamentaciones 5:15

Incꞌaꞌ chic nocoxajoc xban xsahil kachꞌo̱l. Lix sahil kachꞌo̱l xsukꞌi chokꞌ rahil chꞌo̱lej.