Jeremías 24:9 - Li Santil hu

⁹ Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Q'eqchi Bible

⁹ Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Jeremías 24:9 ပူးပေါင်းရင်းမြစ်များ

Jeremías 29:18

Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Jeremías 15:4

Chixjunileb li tenamit saꞌ ruchichꞌochꞌ ta̱sachk xchꞌo̱leb xban li cꞌaꞌru quixba̱nu aran Jerusalén laj Manasés li ralal laj Ezequías nak quicuan chokꞌ xreyeb laj Judá.

Deuteronomio 28:37

Ut chixjunileb li tenamit teꞌsachk xchꞌo̱leb che̱rilbal. Xicꞌ tex-ilekꞌ ut texseꞌe̱k ut tex-etzꞌu̱k saꞌ li naꞌajej li textakla̱k cuiꞌ xban li Dios.

Jeremías 34:17

Joꞌcan nak la̱in li Ka̱cuaꞌ ninye e̱re chi joꞌcaꞌin: La̱ex incꞌaꞌ xex-abin chicuu. Incꞌaꞌ xerachꞌab le̱ mo̱s, le̱ rech tenamitil. Joꞌcan nak la̱in texincanab e̱junes re nak texcamsi̱k saꞌ li ple̱t malaj ut texca̱mk xban cueꞌej malaj ut xban caki yajel. Xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

1 Reyes 9:7

cui te̱ba̱nu chi joꞌcan la̱in texcuisi che̱junilex la̱ex aj Israel saꞌ li chꞌochꞌ li xinqꞌue e̱re. Ut li templo aꞌin li xinsantobresi chokꞌ re inlokꞌoninquil tinsach ru. Ut le̱ tenamit Israel ta̱hobekꞌ ut ta̱seꞌe̱k xbaneb li jalan tenamiteb.

Jeremías 29:22

Xma̱queb aꞌan nak chixjunileb laj Judá li cuanqueb Babilonia teꞌxye chi joꞌcaꞌin nak teꞌmajecua̱nk, “Li Ka̱cuaꞌ tixba̱nu a̱cue joꞌ quixba̱nu reheb laj Sedequías ut laj Acab li queꞌcꞌateꞌ xban li rey Nabucodonosor.”

Jeremías 26:6

la̱in tinba̱nu re li templo aꞌin joꞌ quinba̱nu re li tenamit Silo. Ut chixjunileb li xni̱nkal ru tenamit li cuanqueb saꞌ ruchichꞌochꞌ teꞌxmajecua li tenamit aꞌin, chan.

Jeremías 25:18

Aꞌaneb aꞌin li tenamit li teꞌcꞌuluk raylal: eb li cuanqueb Jerusalén ut eb li cuanqueb saꞌ eb li tenamit li cuanqueb Judá; joꞌ eb ajcuiꞌ lix reyeb ut eb li cuanqueb xcuanquil. Xinba̱nu chi joꞌcan re nak xucuajel rilbal teꞌcana̱k ut re nak teꞌsachekꞌ ruheb ut re ajcuiꞌ nak teꞌseꞌe̱k ut teꞌhobekꞌ joꞌ yo̱queb xcꞌulbal toj chalen anakcuan.

Isaías 65:15

Eb li nequeꞌcꞌanjelac chicuu teꞌxpatzꞌ le̱ cꞌabaꞌ nak teꞌmajecua̱nk. La̱in li nimajcual Dios texinqꞌue chi camsi̱c. Ut tinqꞌue jun li acꞌ cꞌabaꞌej reheb li nequeꞌxba̱nu li cꞌaꞌru nacuaj la̱in.

2 Crónicas 7:20

la̱in texcuisi saꞌ li chꞌochꞌ li xinqꞌue e̱re. Ut tintzꞌekta̱na li templo aꞌin li xinsantobresi chokꞌ re inlokꞌoninquil ut tinqꞌue chi hobecꞌ ut chi seꞌe̱c xbaneb chixjunileb li tenamit.

Deuteronomio 28:25

Li Ka̱cuaꞌ texcanab saꞌ rukꞌeb li xicꞌ nequeꞌiloc e̱re. Tzololnakex nak texxic chi pletic, abanan sachso chic e̱naꞌleb nak tex-e̱lelik ut te̱chaꞌchaꞌi e̱rib. Ut chixjunileb li cuanqueb saꞌ ruchichꞌochꞌ teꞌsachk xchꞌo̱leb che̱rilbal xban nak ma̱cꞌaꞌ chic le̱ cuanquil.

Ezequiel 26:2

—At ralal cui̱nk, eb laj Tiro queꞌsahoꞌ xchꞌo̱l ut queꞌxjap re chixyebal, “Us ajcuiꞌ nak xsacheꞌ ru li tenamit Jerusalén. Ma̱cꞌaꞌ chic xcuanquil joꞌ tenamit. La̱o chic ta̱cua̱nk nabal cꞌaꞌru ke xban nak eb aꞌan xeꞌsacheꞌ ruheb.”

Ezequiel 25:3

Ta̱ye reheb cheꞌrabihak li cꞌaꞌru ninye la̱in li nimajcual Dios: La̱ex quisahoꞌ saꞌ e̱chꞌo̱l chirilbal nak queꞌxmux ru lin templo. Quisahoꞌ saꞌ e̱chꞌo̱l nak lix naꞌajeb laj Israel quicana chi ma̱cꞌaꞌ cuan chi saꞌ ut eb laj Judá queꞌcꞌameꞌ chi pre̱xil saꞌ jalan tenamit.

Jeremías 44:22

Li Dios incꞌaꞌ chic quixcuy rilbal li ma̱c ut li ma̱usilal xeba̱nu. Incꞌaꞌ chic quixcuy rilbal lix yibal ru le̱ naꞌleb. Joꞌcan nak quixsach ru le̱ naꞌaj. Ma̱cꞌaꞌ chic cuan chi saꞌ anakcuan ut majecuanbil chic.

Jeremías 44:12

La̱in tinsacheb chixjunileb laj Judá li incꞌaꞌ queꞌsacheꞌ ruheb junxil. Tinsacheb chixjunileb li teꞌxqꞌue xchꞌo̱l chi xic chi cua̱nc Egipto. Jun xxiquic, joꞌ li cuanqueb xcuanquil, joꞌ eb li ma̱cꞌaꞌeb xcuanquil, telajeꞌca̱mk aran Egipto. Cuan li teꞌca̱mk saꞌ li ple̱t ut cuan li teꞌca̱mk xban cueꞌej. Xucuajel rilbal li teꞌxcꞌul. Teꞌhobekꞌ ut teꞌmajecua̱k xbaneb li tenamit ut teꞌseꞌe̱k.

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Jeremías 19:8

La̱in tinsach ru li naꞌajej aꞌin. Xiu xiu rilbal tincanab. Li ani teꞌnumekꞌ aran teꞌxsach xchꞌo̱l ut teꞌxhob xban nak poꞌinbil ta̱cana̱k.

Salmos 69:11

Nak xcuocsi li kꞌes ru tꞌicr retalil xrahil inchꞌo̱l, cꞌajoꞌ nak xeꞌa̱tinac chicuix.

Isaías 43:28

Eb li nequeꞌtaklan saꞌ e̱be̱n xeꞌxmux ru lin templo. Joꞌcan nak la̱in xincanabeb chi sachc laj Israel. Xincanabeb lin tenamit chi hobecꞌ, chan li Dios.

Ezequiel 5:8

Joꞌcan nak la̱in li Ka̱cuaꞌ ninye e̱re: —La̱in yo̱ injoskꞌil saꞌ e̱be̱n la̱ex aj Jerusalén. Texinqꞌue chixtojbal e̱ma̱c chiruheb li xni̱nkal tenamit.

Ezequiel 23:46

Aꞌan aꞌin li naxye li nimajcual Dios: —La̱in tinchꞌutubeb li tenamit ut tintaklaheb chixqꞌuebal xxiuheb ut chirelkꞌanquil li cꞌaꞌru cuan reheb.

Jeremías 44:13

La̱in tinqꞌueheb chixtojbal lix ma̱queb li xeꞌco̱eb chi cua̱nc Egipto. Tintakla li ple̱t, li cueꞌej ut li caki yajel saꞌ xbe̱neb joꞌ quinba̱nu reheb laj Jerusalén.