Jeremías 24:10 - Li Santil hu

¹⁰ Tebinkꞌaxtesi saꞌ rukꞌeb li xicꞌ nequeꞌiloc reheb saꞌ li ple̱t. Tintakla cueꞌej ut yajel saꞌ xbe̱neb toj retal teꞌosokꞌ saꞌ li naꞌajej li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ, chan li Ka̱cuaꞌ.

Q'eqchi Bible

¹⁰ Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Jeremías 24:10 ပူးပေါင်းရင်းမြစ်များ

Isaías 51:19

Cuib li raylal xecꞌul. Xsacheꞌ ru le̱ tenamit. Ma̱cꞌaꞌ chic xeꞌcana. Cuan li xeꞌcamsi̱c ut cuan li teꞌtzꞌoca̱k. ¿Ma cuan ta biꞌ junak li ra ta̱recꞌa li cꞌaꞌru xecꞌul? Ut, ¿ma cuan ta biꞌ junak ta̱cꞌojoba̱nk e̱chꞌo̱l?

Ezequiel 33:27

Ta̱ye reheb nak la̱in li yoꞌyo̱quil Dios ninye nak relic chi ya̱l telajeꞌcamsi̱k li cuanqueb saꞌ eb li tenamit li poꞌbileb. Ut eb li cuanqueb saꞌ li cꞌaleba̱l teꞌlajeꞌcamsi̱k xbaneb li joskꞌ aj xul. Ut eb li cuanqueb saꞌ eb li ochoch pec ut saꞌ eb li cab li nequeꞌxcol cuiꞌ ribeb telajeꞌca̱mk xban caki yajel.

Ezequiel 7:15

Chirix le̱ tenamit cua̱nk li ple̱t ut saꞌ li tenamit cua̱nk li caki yajel ut cueꞌej. Eb li cua̱nkeb chak saꞌ cꞌaleba̱l teꞌcamsi̱k saꞌ li ple̱t ut li cua̱nkeb saꞌ li tenamit teꞌca̱mk xban li caki yajel ut li cueꞌej.

Jeremías 34:17

Joꞌcan nak la̱in li Ka̱cuaꞌ ninye e̱re chi joꞌcaꞌin: La̱ex incꞌaꞌ xex-abin chicuu. Incꞌaꞌ xerachꞌab le̱ mo̱s, le̱ rech tenamitil. Joꞌcan nak la̱in texincanab e̱junes re nak texcamsi̱k saꞌ li ple̱t malaj ut texca̱mk xban cueꞌej malaj ut xban caki yajel. Xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 27:8

Cui cuan junak tenamit malaj ut junak rey incꞌaꞌ teꞌxcubsi ribeb chi moco teꞌcꞌanjelak chiru li rey Nabucodonosor, la̱in tinqꞌueheb chixtojbal lix ma̱queb nak tintakla li ple̱t, li cueꞌej ut li caki yajel saꞌ xbe̱neb toj retal teꞌxqꞌue ribeb rubel xcuanquil laj Nabucodonosor. La̱in li Ka̱cuaꞌ ninyehoc re aꞌin.

Jeremías 19:7

Saꞌ li naꞌajej aꞌin la̱in tinpoꞌ ru li nequeꞌxcꞌu̱b ru xba̱nunquil eb laj Judá ut eb laj Jerusalén. Tincanabeb chi camsi̱c xbaneb li xicꞌ nequeꞌiloc reheb li yo̱queb chi sicꞌoc reheb. Ut la̱in tinqꞌue lix tibeleb chixtiuheb li xul li nequeꞌrupupic ut eb li joskꞌ aj xul li cuanqueb saꞌ qꞌuicheꞌ.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Jeremías 15:2

Cui teꞌxpatzꞌ a̱cue bar teꞌxic, ta̱ye reheb chi joꞌcaꞌin: Li ac tenebanbil ca̱mc saꞌ xbe̱n xban yajel, teꞌca̱mk; li ac tenebanbil saꞌ xbe̱n nak teꞌca̱mk saꞌ li ple̱t, aran teꞌca̱mk. Ut li ac tenebanbil ca̱mc saꞌ xbe̱n xban cueꞌej, xban cueꞌej ajcuiꞌ teꞌca̱mk; ut eb li ac tenebanbil saꞌ xbe̱n cꞌamecꞌ chi pre̱xil, teꞌcꞌamekꞌ ajcuiꞌ chi pre̱xil saꞌ jalan tenamit.

Jeremías 9:16

Tinjeqꞌuiheb ru saꞌ eb li jalan tenamit li ma̱ jun sut xnauhomeb, chi moco lix naꞌ xyucuaꞌeb. Ut la̱in tinqꞌueheb chi a̱lina̱c riqꞌuin chꞌi̱chꞌ toj retal ma̱ jun chic teꞌcana̱k saꞌ li tenamit.

Jeremías 5:12

Eb aꞌan queꞌxye: —Moco ya̱l ta nak li Dios quixye aꞌan. Li Ka̱cuaꞌ ma̱cꞌaꞌ tixba̱nu ke. La̱o ma̱cꞌaꞌ takacꞌul, chi moco li ca̱mc chi moco li cueꞌej.

Apocalipsis 6:8

Quicuil jun li cacua̱y kꞌan rix. Ut li cuan chirix li cacua̱y, aꞌan Ca̱mc xcꞌabaꞌ. Ut li yo̱ chi ta̱ke̱nc re, aꞌan Xnaꞌaj Camenak xcꞌabaꞌ xban nak aꞌan li ta̱cꞌuluk reheb li teꞌca̱mk. Li cuan chirix li cacua̱y quiqꞌueheꞌ xcuanquil chixcamsinquil nabaleb saꞌ ruchichꞌochꞌ. Jun jachal saꞌ xya̱nkeb li ca̱hib jachal (1/4) chi cristian li cuanqueb saꞌ ruchichꞌochꞌ teꞌca̱mk. Cuan teꞌcamsi̱k riqꞌuin chꞌi̱chꞌ. Cuan teꞌca̱mk xban cueꞌej. Cuan teꞌca̱mk xban yajel ut cuan ajcuiꞌ li teꞌcamsi̱k xban li joskꞌ aj xul.

Deuteronomio 28:21

Li Ka̱cuaꞌ tixqꞌue li caki yajel saꞌ e̱be̱n toj retal texsachekꞌ saꞌ li naꞌajej li tex-oc cuiꞌ.

Jeremías 21:9

Li ani ta̱raj cana̱c saꞌ li tenamit aꞌin, aꞌan ta̱camsi̱k chi chꞌi̱chꞌ malaj ut xban cueꞌej malaj ut xban li caki yajel. Abanan li ani tixkꞌaxtesi rib rubel xcuanquileb laj Babilonia li yo̱queb chi sutuc re le̱ tenamit, aꞌan incꞌaꞌ ta̱camsi̱k. Ta̱cana̱k chi yoꞌyo.

Jeremías 42:17

Relic chi ya̱l chixjunileb li teꞌxic chi cua̱nc Egipto teꞌcamsi̱k saꞌ li ple̱t, malaj ut xban cueꞌej malaj ut xban li caki yajel. Ma̱ jun ta̱colekꞌ chiru li raylal li tintakla saꞌ xbe̱neb, chan li Dios.

1 Reyes 14:15

Li Ka̱cuaꞌ tixqꞌueheb chi rahobtesi̱c laj Israel. Chanchan nak na-ecꞌasi̱c li caxlan ajl xban li haꞌ nak teꞌisi̱k saꞌ li cha̱bil naꞌajej li quixqꞌue li Dios reheb lix xeꞌto̱nil xyucuaꞌeb. Tixchaꞌchaꞌi ruheb ut tixtaklaheb jun pacꞌal li nimaꞌ Éufrates xban nak queꞌxchikꞌ xjoskꞌil li Dios nak queꞌxyi̱b lix dios Asera ut queꞌxlokꞌoni.

Jeremías 9:15

Joꞌcan nak la̱in li nimajcual Dios, lix Dioseb laj Israel, tinqꞌue li raylal saꞌ xbe̱neb. Chanchan nak tinqꞌue chixtzacaheb li cꞌahil tzacae̱mk. Ut chanchan tinqꞌue li haꞌ li banbil xsaꞌ chiruqꞌueb.

Jeremías 14:12

Usta nequeꞌxba̱nu lix ayu̱n, la̱in incꞌaꞌ tinsumeheb nak teꞌxya̱ba lin cꞌabaꞌ. Usta nequeꞌxmayeja li ru li racui̱mkeb ut nequeꞌxcꞌat li xul chokꞌ xmayejeb chicuu, la̱in incꞌaꞌ tincꞌul. Tinqꞌueheb ban chi camsi̱c saꞌ li ple̱t, malaj ut teꞌca̱mk xban cueꞌej ut xban caki yajel, chan li Dios.

Jeremías 29:17

Li Ka̱cuaꞌ li nimajcual Dios naxye chi joꞌcaꞌin: —La̱in tintakla li ple̱t, li cueꞌej, ut li caki yajel saꞌ xbe̱neb. Tincanabeb chi ma̱cꞌaꞌ chic xcuanquileb. Chanchanakeb li higo li kꞌaynak, li incꞌaꞌ chic naru xloubal xban xkꞌaynakil.

Jeremías 29:18

Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Jeremías 32:24

Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

Jeremías 32:25

Usta li tenamit ta̱kꞌaxtesi̱k saꞌ rukꞌeb laj Babilonia, abanan la̱at, at Ka̱cuaꞌ, xaye cue: Lokꞌ li chꞌochꞌ ut ta̱bokeb li testigos re nak teꞌril nak ta̱toj, chancat.—

Jeremías 42:22

Joꞌcan nak anakcuan chenauhak nak relic chi ya̱l la̱ex texca̱mk saꞌ li ple̱t malaj ut xban cueꞌej, malaj ut xban caki yajel. Texca̱mk saꞌ li naꞌajej li xic cuiꞌ e̱re chi cua̱nc, chan laj Jeremías.

Ezequiel 6:11

Ut li Ka̱cuaꞌ quixye cue: —Ya̱ban ut tenle la̱ cuukꞌ ut tenle la̱ cuok saꞌ chꞌochꞌ xban li ma̱usilal li quilajeꞌxba̱nu eb laj Israel. Ut jap a̱cue xban xrahil a̱chꞌo̱l xban nak cuan laj Israel teꞌca̱mk saꞌ li ple̱t, cuan li teꞌca̱mk xban cueꞌej ut cuan ajcuiꞌ li teꞌca̱mk xban yajel.