Jeremías 23:40 - Li Santil hu

⁴⁰ Tincubsi xcuanquileb chi junaj cua ut tincꞌut xxuta̱neb chi junelic. Ut ma̱ jokꞌe ta̱sachk saꞌ xchꞌo̱leb, chan li Dios.

Q'eqchi Bible

⁴⁰ Texinkanab' sa' xutaan chi junwaakaj li maajun taasachq sa' xch'ool»”.

Jeremías 23:40 ပူးပေါင်းရင်းမြစ်များ

Jeremías 20:11

Abanan, la̱at at inDios, la̱at cuancat cuiqꞌuin. La̱at tatcolok cue riqꞌuin la̱ cuanquil. Li teꞌraj xba̱nunquil raylal cue, incꞌaꞌ taxak us teꞌe̱lk. Xuta̱nal teꞌe̱lk nak teꞌril nak ma̱cꞌaꞌ naru teꞌxba̱nu cue. Ta̱cubsi taxak xcuanquileb chi junaj cua.

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Oseas 4:7

Joꞌ le̱ qꞌuial la̱ex aj tij, joꞌcan ajcuiꞌ xqꞌuialeb le̱ ma̱c. Joꞌcan nak tincuisi le̱ lokꞌal ut tincꞌut e̱xuta̱n.

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Daniel 9:16

At Ka̱cuaꞌ, la̱o nakanau nak la̱at nacat-uxta̱nan u. Joꞌcan nak nakatzꞌa̱ma cha̱cuu nak incꞌaꞌ ta chic tatjoskꞌokꞌ saꞌ xbe̱n la̱ tenamit Jerusalén xban nak aꞌan la̱ lokꞌlaj tenamit. Aꞌan la̱ lokꞌlaj tzu̱l Sión. Xban li ma̱usilal nakaba̱nu ut xban li ma̱c queꞌxba̱nu li kanaꞌ kayucuaꞌ, xuta̱nal na-el ut seꞌenbil la̱ tenamit Jerusalén xbaneb li jalan tenamit.

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Deuteronomio 28:37

Ut chixjunileb li tenamit teꞌsachk xchꞌo̱leb che̱rilbal. Xicꞌ tex-ilekꞌ ut texseꞌe̱k ut tex-etzꞌu̱k saꞌ li naꞌajej li textakla̱k cuiꞌ xban li Dios.

Ezequiel 16:52

Anakcuan tento nak xuta̱nal ta̱cꞌul. Kꞌaxal yibru li ma̱usilal xaba̱nu la̱at chiru li ma̱usilal li queꞌxba̱nu eb aꞌan. Eb aꞌan chanchan ma̱cꞌaꞌ xma̱queb cha̱cuu la̱at xban nak numtajenak la̱ ma̱usilal. Joꞌcan nak xuta̱nal tat-e̱lk.