Jeremías 23:39 - Li Santil hu

³⁹ la̱at ta̱ye reheb nak la̱in tintzꞌekta̱naheb ut tintzꞌekta̱na ajcuiꞌ li tenamit li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ.

Q'eqchi Bible

³⁹ laa'in texintz'eq chirix linch'ool ut texwisi sa' xnaq' wu, laa'ex jo'wi' li tenamit ink'ehom eere ut cho'q reheb' leena' leeyuwa'.

Jeremías 23:39 ပူးပေါင်းရင်းမြစ်များ

Jeremías 23:33

At Jeremías, cui eb lin tenamit teꞌpatzꞌok a̱cue, malaj ut junak profeta malaj ut aj tij, ut teꞌxye a̱cue, “¿Cꞌaꞌru xye li Ka̱cuaꞌ anakcuan?” ta̱ye reheb, “Li cꞌaꞌru xye li Ka̱cuaꞌ, aꞌan nak la̱ex tzꞌekta̱nanbilex chic.”

Ezequiel 8:18

Xban nak cꞌajoꞌ lin joskꞌil saꞌ xbe̱neb, la̱in tinqꞌueheb chixtojbal lix ma̱queb. La̱in incꞌaꞌ tintokꞌoba ruheb chi moco tincuuxta̱naheb ru. Usta nequeꞌxjap reheb chixya̱banquil lin cꞌabaꞌ, abanan la̱in incꞌaꞌ chic tincuabi lix tijeb.

2 Ts 1:9

Lix tojbal rixeb lix ma̱c li tixqꞌue, aꞌan li sachc chi junelic nak teꞌisi̱k chiru li Ka̱cuaꞌ Jesucristo ut chiru lix nimal xlokꞌal ut lix cuanquilal.

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Oseas 5:14

La̱in tincꞌut lin joskꞌil chiruheb li ralal xcꞌajol laj Efraín. Chanchanakin li cakcoj nak tinrahobtesiheb. Chanchanakin li ral li cakcoj nak tinrahobtesiheb li ralal xcꞌajol laj Judá. Joꞌ nak naxchap lix tib li cakcoj, joꞌcan ajcuiꞌ tinba̱nu la̱in riqꞌuineb. La̱in tinqꞌueheb saꞌ raylal ut tincanabeb xjuneseb ut ma̱ ani ta̱ru̱k ta̱colok reheb saꞌ cuukꞌ.

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Ezequiel 34:20

Joꞌcan nak la̱in ninye e̱re nak tinrakok a̱tin saꞌ xbe̱neb li carner. Tincuisiheb li ni̱nkeb xtibel saꞌ xya̱nkeb li bakeb.

Ezequiel 34:11

Joꞌcaꞌin quixye li nimajcual Dios: —Abihomak li tinye e̱re. La̱in tebinsicꞌ lin carner toj retal tebintau ut la̱in chic tin-ilok reheb xban nak la̱in ninnauheb ru.

Ezequiel 9:6

Jun xiquic nak te̱camsiheb li ti̱xil cui̱nk joꞌ eb li chꞌajom, li xkaꞌal, li naꞌbej joꞌ eb ajcuiꞌ li cocꞌal. Abanan incꞌaꞌ te̱chꞌeꞌeb li cuan retalileb saꞌ xpe̱quemeb, chan. Ut eb aꞌan queꞌxtiquib xcamsinquileb li nequeꞌcꞌamoc be, li cuanqueb chiru li templo.

Ezequiel 6:3

Joꞌcaꞌin ta̱ye reheb li tzu̱l li cuanqueb Israel: Cherabihak li ra̱tin li Ka̱cuaꞌ. Joꞌcaꞌin xye li Ka̱cuaꞌ reheb li tzu̱l ut eb li bol joꞌ ajcuiꞌ eb li nimaꞌ ut eb li ru takꞌa. La̱in tintakla chak saꞌ e̱be̱n li raylal. Tinsach ruheb saꞌ li ple̱t li naꞌajej li najteb xteram li nequeꞌxlokꞌoni cuiꞌ li jalanil dios.

Ezequiel 5:8

Joꞌcan nak la̱in li Ka̱cuaꞌ ninye e̱re: —La̱in yo̱ injoskꞌil saꞌ e̱be̱n la̱ex aj Jerusalén. Texinqꞌue chixtojbal e̱ma̱c chiruheb li xni̱nkal tenamit.

Lamentaciones 5:20

¿Cꞌaꞌut nak nocosach saꞌ a̱chꞌo̱l chi junaj cua, at Ka̱cuaꞌ? Ut, ¿cꞌaꞌut nak kꞌaxal najt xoa̱canab kajunes?

Jeremías 52:3

Xban nak quijoskꞌoꞌ li Ka̱cuaꞌ saꞌ xbe̱neb laj Judá ut eb laj Jerusalén, joꞌcan nak queꞌxcꞌul chixjunil li raylal aꞌin toj retal nak li Ka̱cuaꞌ quirisiheb saꞌ lix naꞌajeb. Ut li rey Sedequías incꞌaꞌ chic quixqꞌue rib chixtakla laj Nabucodonosor lix reyeb laj Babilonia.

Jeremías 36:31

Texinqꞌue chixtojbal le̱ ma̱c che̱junilex, la̱at ut eb la̱ cualal a̱cꞌajol, joꞌqueb ajcuiꞌ li nequeꞌcꞌanjelac cha̱cuu. Teꞌtzꞌako̱nk ajcuiꞌ laj Jerusalén ut eb laj Judá riqꞌuin li raylal li xinye nak te̱cꞌul xban nak incꞌaꞌ xepa̱b li cꞌaꞌru xinye e̱re, chan li Dios re laj Joacim.

Jeremías 35:17

Joꞌcan nak la̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tintakla li raylal saꞌ xbe̱neb laj Judá ut chixjunileb li cuanqueb Jerusalén joꞌ quinye reheb. Nabal li raylal tintakla saꞌ xbe̱neb. Xina̱tinac riqꞌuineb, abanan incꞌaꞌ xeꞌabin chicuu. Xinbokeb chi cha̱lc cuiqꞌuin ut incꞌaꞌ queꞌraj cha̱lc cuiqꞌuin, chan.

Jeremías 7:15

Texintzꞌekta̱na joꞌ nak quintzꞌekta̱naheb chixjunileb le̱ rechꞌalal, li ralal xcꞌajol laj Efraín. La̱in li Ka̱cuaꞌ ninyehoc re aꞌin.—

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Isaías 48:15

La̱in xinyehoc re ut la̱in xinxakaban re ut la̱in tintakla̱nk re. Ut li cꞌaꞌru tixba̱nu, us ta̱e̱lk chiru.

Proverbios 13:13

Li ani naxtzꞌekta̱na li chakꞌrab ta̱sachk. Abanan li ani naxqꞌue xcuanquil li chakꞌrab, aꞌan tixcꞌul xkꞌajca̱munquil.

Salmos 51:11

Mina̱tzꞌekta̱na taxak ut incꞌaꞌ taxak ta̱cuisi li Santil Musikꞌej cuiqꞌuin.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Levítico 26:28

ta̱numta̱k lin joskꞌil saꞌ e̱be̱n. Cuukub sut chic li raylal li tinqꞌue saꞌ e̱be̱n.

Génesis 6:17

Ut la̱in tinqꞌue li nimla butꞌi haꞌ saꞌ ruchichꞌochꞌ, re nak teꞌosokꞌ chixjunil li cuanqueb jun sut rubel choxa. Chixjunil li cuanqueb saꞌ ruchichꞌochꞌ talajeꞌca̱mk.

Génesis 4:16

Qui-el laj Caín chiru li Ka̱cuaꞌ Dios. Ut co̱ chi cua̱nc saꞌ jun li naꞌajej Nod xcꞌabaꞌ li cuan saꞌ releb sakꞌe re li Edén.

Jeremías 7:14

Joꞌcan nak tinba̱nu re lin templo joꞌ quinba̱nu re li naꞌajej Silo. Tinba̱nu aꞌan re lin templo li cau cuiꞌ e̱chꞌo̱l, li quinqꞌue re le̱ xeꞌto̱nil yucuaꞌ ut e̱re ajcuiꞌ la̱ex.

Jeremías 12:7

La̱in xintzꞌekta̱naheb laj Israel. Xincanabeb xjunes li quinsicꞌ ruheb junxil. Xinkꞌaxtesiheb li tenamit li ninra saꞌ rukꞌeb li xicꞌ nequeꞌiloc reheb.

Jeremías 23:38

Cui nequeꞌxkꞌet li cua̱tin ut nequeꞌxye nak aꞌan li ra̱tin li Dios li yo̱queb chixyebal, cui teꞌxye cuiꞌchic “Aꞌin ra̱tin li Ka̱cuaꞌ” ut la̱in ac xinye reheb nak incꞌaꞌ teꞌxye chi joꞌcan,

2 Reyes 23:27

Joꞌcan nak li Ka̱cuaꞌ quixye: —La̱in tinsach ruheb laj Judá joꞌ nak xinsach ruheb laj Israel. Tintzꞌekta̱na li tenamit Jerusalén li sicꞌbil ru inban. Tintzꞌekta̱na li templo usta xinye nak aran tinlokꞌoni̱k chi junelic, chan li Dios.