Jeremías 23:36 - Li Santil hu

³⁶ Incꞌaꞌ chic ta̱julticokꞌ reheb xyebal, “Aꞌin ra̱tin li Ka̱cuaꞌ” xban nak cui teꞌxba̱nu aꞌan, la̱in tinsukꞌisi li cua̱tin chokꞌ raylal chokꞌ reheb. Eb li tenamit queꞌxjal ru li cua̱tin la̱in lix Dioseb laj Israel. Nim incuanquil ut yoꞌyo̱quin.

Q'eqchi Bible

³⁶ Ab'anan maajoq'e chik teeye: «A'an li iiq xk'ehom li Qaawa'», xb'aan naq wi teeroksi li aatin a'an, a'an taaq'apluuq sa' eeb'een. Laa'ex xepo' xyaalal li raatin li yo'yookil Yos, a' li Qaawa', li qaNimajwal Yos.

Jeremías 23:36 ပူးပေါင်းရင်းမြစ်များ

2 Pedro 3:16

Chirix aꞌin quixtzꞌi̱ba laj Pablo saꞌ chixjunil lix hu. Cuan li cꞌaꞌak re ru saꞌ lix hu chꞌaꞌaj xtaubal ru. Ut li ma̱cꞌaꞌeb xnaꞌleb ut li junpa̱t nequeꞌchꞌinan xchꞌo̱l saꞌ lix pa̱ba̱leb nequeꞌxpoꞌ lix ya̱lal. Joꞌcan ajcuiꞌ nequeꞌxba̱nu riqꞌuin chixjunil li ra̱tin li Dios. Xban nak nequeꞌxkꞌet ra̱tin li Dios, joꞌcan nak teꞌosokꞌ.

Isaías 3:8

Relic chi ya̱l nak li tenamit Jerusalén xsacheꞌ ru ut li tenamit Judá jucꞌbil chic xban nak incꞌaꞌ us lix yehom xba̱nuhomeb ut xban nak xeꞌxkꞌetkꞌeti ribeb chiru li Ka̱cuaꞌ. Ut riqꞌuin aꞌan xeꞌxchikꞌ xjoskꞌil li Dios.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Salmos 120:3

La̱ex aj balakꞌ, ¿cꞌaꞌru nequera nak nequexticꞌtiꞌic? Ut, ¿cꞌaꞌru li us te̱cꞌul?

Salmos 64:8

Ut saꞌ xbe̱neb ajcuiꞌ ta̱sukꞌi̱k li ra̱tineb. Ut teꞌseꞌe̱k xbaneb li teꞌilok reheb.

2 Reyes 19:4

Lix reyeb laj Asiria quixtakla laj Rabsaces li nim xcuanquil chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios li hoboc ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

1 Ts 1:9

Yalak bar yo̱queb chixserakꞌinquil chanru nak coe̱cꞌul nak cocuulac e̱riqꞌuin ut yo̱queb chixserakꞌinquil chanru nak quecanab xlokꞌoninquil li yi̱banbil dios ut quepa̱b ut nequexcꞌanjelac chic chiru li tzꞌakal Dios, li yoꞌyo.

Gálatas 6:5

Tenebanbil saꞌ xbe̱n li junju̱nk rilbal chanru lix yuꞌam.

Hechos 14:15

—Ex tenamit, ¿cꞌaꞌut nak nequeba̱nu chi joꞌcan? La̱o yal cui̱nko joꞌ la̱ex. Juntakꞌe̱to e̱riqꞌuin. Aꞌan aj e nak xochal arin saꞌ e̱ya̱nk chixyebal e̱re nak te̱canab li joꞌ ma̱joꞌil naꞌleb. Sicꞌomak ban li yoꞌyo̱quil Dios li quiyi̱ban re li choxa, li ruchichꞌochꞌ, li palau ut chixjunil li cꞌaꞌru cuan.

San Lucas 19:22

Quichakꞌoc li rey ut quixye: —La̱at ma̱cꞌaꞌ nacat-oc cuiꞌ. Riqꞌuin ajcuiꞌ li cꞌaꞌru xaye, tinrak a̱tin saꞌ a̱be̱n. Nacanau nak joskꞌin ut nacanau nak nincꞌul li tumin li incꞌaꞌ nincꞌanjela ut ninkꞌoloc bar cuiꞌ incꞌaꞌ nin-au.

San Mateo 12:36

La̱in tinye e̱re nak saꞌ xkꞌehil li rakba a̱tin li junju̱nk tixkꞌaxtesi xcue̱nt chirix chixjunil li joꞌ ma̱joꞌil aj a̱tin quixye.

Isaías 28:22

Joꞌcan ut nak canabomak li hoboc re nak incꞌaꞌ ta̱nima̱nk li raylal li te̱cꞌul. La̱in ac xcuabi nak li nimajcual Dios tixsach ru chixjunil le̱ tenamit. Ac tenebanbil saꞌ e̱be̱n nak ta̱sachekꞌ ruheb.

Proverbios 17:20

Li incꞌaꞌ useb xnaꞌleb ma̱ jokꞌe teꞌxtau li us. Ut li ani nacuulac chiru balakꞌic riqꞌuin li cꞌaꞌru naxye naxbok chꞌaꞌajquilal saꞌ xbe̱n.

Salmos 149:9

Eb li ralal xcꞌajol li Dios teꞌrakok a̱tin saꞌ xbe̱neb joꞌ quixye li Ka̱cuaꞌ. Aꞌan li lokꞌal li quixqꞌue li Dios reheb li ralal xcꞌajol. ¡Lokꞌoninbil taxak li Ka̱cuaꞌ!

Salmos 12:3

At Ka̱cuaꞌ, chakꞌuseb re nak teꞌxcanab ticꞌtiꞌic ut balakꞌi̱nc. Chakꞌuseb re nak teꞌxcanab xnimobresinquil ribeb riqꞌuin li cꞌaꞌru nequeꞌxye.

1 Samuel 17:36

Usta cakcoj, usta oso, la̱in quincamsiheb. Ut li cui̱nk aꞌin li incꞌaꞌ naxpa̱b li Dios, joꞌcan ajcuiꞌ tixcꞌul xban nak yo̱ chixhobbal lix soldados li yoꞌyo̱quil Dios, chan.

1 Samuel 17:26

Laj David quia̱tinac riqꞌuineb li cuanqueb chixcꞌatk. Quixye reheb: —¿Cꞌaꞌru ta̱qꞌuehekꞌ re li ani ta̱camsi̱nk re li cui̱nk li incꞌaꞌ naxpa̱b li Dios? ¿Ani ta̱isi̱nk re li xuta̱n li xqꞌue saꞌ xbe̱neb laj Israel? ¿Cꞌaꞌru xcuanquil nak naxhobeb lix soldados li yoꞌyo̱quil Dios? chan.

Deuteronomio 5:26

¿Ma cuan ta biꞌ chic junak qui-abin re lix ya̱b xcux li yoꞌyo̱quil Dios nak quia̱tinac saꞌ xam joꞌ nak quikabi la̱o ut incꞌaꞌ xcam?

Jeremías 23:37

At Jeremías, la̱at ta̱patzꞌ reheb li profeta cꞌaꞌru quinye reheb ut chanru quinsumeheb.

Lamentaciones 2:14

Aꞌaneb ajcuiꞌ le̱ profeta li queꞌbalakꞌin e̱re. La̱ex yo̱quex chi ma̱cobc, abanan incꞌaꞌ queꞌxye e̱re nak incꞌaꞌ us yo̱quex. Incꞌaꞌ queꞌxye e̱re nak te̱yotꞌ e̱chꞌo̱l ut te̱jal e̱cꞌaꞌux re nak incꞌaꞌ texchapekꞌ. Ticꞌtiꞌ ban li queꞌxye e̱re.