Jeremías 23:34 - Li Santil hu

³⁴ Cui junak profeta malaj ut junak laj tij malaj ut eb li tenamit teꞌxye, “Joꞌcaꞌin xye li Ka̱cuaꞌ” chaꞌakeb, la̱in tinqꞌueheb chixtojbal xma̱queb, joꞌ eb ajcuiꞌ li ralal xcꞌajol.

Q'eqchi Bible

³⁴ “Ut wi junaq propeet, junaq aj tij malaj ani chik reheb' li tenamit tixye aawe: «A'an a'in li iiq xk'ehom li Qaawa'», cha'aq, laa'in tinraq aatin sa' xb'een a'an ut sa' xb'een li xjunkab'al.

Jeremías 23:34 ပူးပေါင်းရင်းမြစ်များ

Zacarías 13:3

Ut cui toj cuan junak ta̱oc chokꞌ profeta aj balakꞌ, lix naꞌ xyucuaꞌ teꞌxye re, “La̱at tento tatca̱mk xban nak xatticꞌtiꞌic saꞌ xcꞌabaꞌ li Dios,” chaꞌkeb re. La̱in li Ka̱cuaꞌ li yo̱quin chi yehoc re aꞌin. Cui ani tixqꞌue rib chokꞌ junak profeta aj balakꞌ, camsinbil ta̱uxk re xban lix naꞌ xyucuaꞌ.

Lamentaciones 2:14

Aꞌaneb ajcuiꞌ le̱ profeta li queꞌbalakꞌin e̱re. La̱ex yo̱quex chi ma̱cobc, abanan incꞌaꞌ queꞌxye e̱re nak incꞌaꞌ us yo̱quex. Incꞌaꞌ queꞌxye e̱re nak te̱yotꞌ e̱chꞌo̱l ut te̱jal e̱cꞌaꞌux re nak incꞌaꞌ texchapekꞌ. Ticꞌtiꞌ ban li queꞌxye e̱re.

Jeremías 36:31

Texinqꞌue chixtojbal le̱ ma̱c che̱junilex, la̱at ut eb la̱ cualal a̱cꞌajol, joꞌqueb ajcuiꞌ li nequeꞌcꞌanjelac cha̱cuu. Teꞌtzꞌako̱nk ajcuiꞌ laj Jerusalén ut eb laj Judá riqꞌuin li raylal li xinye nak te̱cꞌul xban nak incꞌaꞌ xepa̱b li cꞌaꞌru xinye e̱re, chan li Dios re laj Joacim.

Nahum 1:1

Aꞌan aꞌin li hu quixtzꞌi̱ba li profeta Nahum chirix li cꞌaꞌru teꞌxcꞌul saꞌ li tenamit Nínive, joꞌ quicꞌutbesi̱c chiru xban li Dios. Laj Nahum, aꞌan Elcos xtenamit.