Jeremías 23:31 - Li Santil hu

³¹ Yo̱ injoskꞌil saꞌ xbe̱neb li nequeꞌa̱tinac chi nabal ut nequeꞌxye nak la̱in xinyehoc re li cꞌaꞌru nequeꞌxye.

Q'eqchi Bible

³¹ Tinraqoq aatin chirixeb' li neke'xye naq waatin laa'in li yal xk'oxlahomeb' a'an.

Jeremías 23:31 ပူးပေါင်းရင်းမြစ်များ

Jeremías 23:17

Rajlal nequeꞌxye reheb li xicꞌ nequeꞌiloc cue, “Li Ka̱cuaꞌ xye nak texcua̱nk saꞌ tuktu̱quil usilal”. Ut nequeꞌxye ajcuiꞌ reheb li nequeꞌxqꞌue xchꞌo̱l chixba̱nunquil li cꞌaꞌru nequeꞌraj xjuneseb, “Ba̱nuhomak li cꞌaꞌru nequeraj. Ma̱cꞌaꞌ te̱cꞌul”, chanqueb.

Isaías 30:10

Nequeꞌxye reheb li profeta: —Micꞌuteꞌ chic li visión che̱ru. Me̱ye chic ke cꞌaꞌru us takaba̱nu. Ye ban ke li chꞌinaꞌus rabinquil, usta moco ya̱l ta.

2 Crónicas 18:5

Joꞌcan nak lix reyeb laj Israel quixchꞌutubeb ca̱hib ciento li profetas ut quixye reheb: —¿Ma us nak toxic chi pletic aran Ramot xcue̱nt Galaad? chan. Ut eb li profetas queꞌxye: —Us texxic chi pletic xban nak li Ka̱cuaꞌ tixkꞌaxtesi li tenamit Ramot saꞌ a̱cuukꞌ la̱at, chanqueb.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Jeremías 23:30

Yo̱ injoskꞌil saꞌ xbe̱neb li profetas li nequeꞌa̱tinac chi ribileb rib ut nequeꞌxye nak la̱in xinyehoc re li cꞌaꞌru nequeꞌxye.

Jeremías 23:32

Yo̱ injoskꞌil saꞌ xbe̱neb li nequeꞌa̱tinac joꞌ profeta ut nequeꞌxye lix matqꞌueb li ma̱cꞌaꞌ nequeꞌoc cuiꞌ. Nequeꞌxqꞌue lin tenamit chi ma̱cobc riqꞌuin li ticꞌtiꞌ nequeꞌxye. Ma̱cuaꞌ la̱in xina̱tinac riqꞌuineb chi moco xinxakabeb chokꞌ profeta. Incꞌaꞌ nequeꞌxtenkꞌaheb lin tenamit, chan li Ka̱cuaꞌ.

Deuteronomio 18:20

Cui junak profeta tixqꞌue rib chi a̱tinac saꞌ incꞌabaꞌ chi incꞌaꞌ xinye la̱in, malaj ut cui ta̱a̱tinak saꞌ xcꞌabaꞌeb li jalanil dios, li jun aꞌan ta̱camsi̱k”, chan li Dios.

1 Reyes 22:11

Li profeta Sedequías, li ralal laj Quenaana, quixyi̱b li xucub riqꞌuin chꞌi̱chꞌ ut yo̱ chixjapbal re chixyebal: —Joꞌcaꞌin xye li Ka̱cuaꞌ, “Riqꞌuineb li xucub aꞌin ta̱xekꞌeb laj Siria toj retal ta̱sach ruheb chixjunileb”, chan.

Jeremías 28:15

Ut li profeta Jeremías quixye re laj Hananías: —Abi li yo̱quin chixyebal a̱cue, at Hananías. Ma̱cuaꞌ li Ka̱cuaꞌ xyehoc a̱cue li cꞌaꞌru xaye, abanan la̱at xabalakꞌiheb li tenamit riqꞌuin li ticꞌtiꞌ li xaye.

Jeremías 28:17

Ut saꞌ li xcuuk po re li chihab aꞌan quicam laj Hananías.