Jeremías 23:29 - Li Santil hu

²⁹ ¿Ma ma̱cuaꞌ ta biꞌ chanchan li xam li cua̱tin? Li cua̱tin chanchan li martillo li naxjori li pec li naxten.

Jeremías 23:29 ပူးပေါင်းရင်းမြစ်များ

Hebreos 4:12

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

Jeremías 5:14

Joꞌcan nak li Ka̱cuaꞌ quixye chi joꞌcaꞌin: —Xban nak queꞌxye chi joꞌcan, joꞌcan nak la̱in tinba̱nu re nak li ta̱ye chanchanak li xam ut eb li tenamit aꞌin chanchanakeb li siꞌ li ta̱cꞌatekꞌ xban li xam.

San Lucas 24:32

Ut eb aꞌan queꞌxye chi ribileb rib: —Joꞌcan peꞌ nak yo̱co chak recꞌanquil jun sahil chꞌo̱lej saꞌ ka̱m nak yo̱ chak chika̱tinanquil saꞌ be ut nak yo̱ chixchꞌolobanquil chiku li naxye saꞌ li Santil Hu, chanqueb.

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Apocalipsis 11:5

Ut cui ani ta̱ajok xrahobtesinquileb, chanchan xam li ta̱e̱lk saꞌ reheb li cuib chi cui̱nk xban nak yal riqꞌuin li ra̱tineb teꞌca̱mk li xicꞌ nequeꞌiloc reheb. Joꞌcaꞌin nak teꞌca̱mk li ani teꞌajok re xrahobtesinquileb li cuib chi cui̱nk aꞌin.

San Juan 6:63

Li naqꞌuehoc junelic yuꞌam, aꞌan li Santil Musikꞌej. Aꞌan ma̱cuaꞌ re li tibelej. La̱in xinchꞌolob xya̱lal che̱ru. Li xinye e̱re yebil cue xban li Santil Musikꞌej. Cui te̱pa̱b li cꞌaꞌru xinye, li Santil Musikꞌej tixqꞌue e̱re li junelic yuꞌam.

Hechos 2:3

Queꞌril li chanchan rakꞌ xam. Li rakꞌ xam queꞌxjeqꞌui rib ut queꞌhilan saꞌ xbe̱neb chi xjunju̱nkaleb.

Hechos 2:37

Nak queꞌrabi aꞌan li chꞌutchꞌu̱queb aran, queꞌyotꞌeꞌ xchꞌo̱leb ut queꞌxye re laj Pedro joꞌ ajcuiꞌ reheb li apóstol li jun chꞌol chic: —Ex kas ki̱tzꞌin, ¿cꞌaꞌru takaba̱nu? chanqueb.

2 Corintios 2:16

Chiruheb li nequeꞌsach chanchan xchuhil li camenak li nacamsin. Abanan chiruheb li nequeꞌcoleꞌ chanchan jun sununquil ban li naqꞌuehoc yuꞌam. ¿Ani tzꞌakal cuan xnaꞌleb chixchꞌolobanquil lix ya̱lal li colba-ib?

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.