Jeremías 23:22 - Li Santil hu

²² Cui ta queꞌxnau li cꞌaꞌru cuan saꞌ inchꞌo̱l la̱in, queꞌxye raj li cua̱tin reheb lin tenamit. Ut eb aꞌan queꞌsukꞌi raj cuiqꞌuin ut queꞌxcanab raj xba̱nunquil li ma̱usilal.

Q'eqchi Bible

²² Wi ta neke'xnaw k'aru ink'uub'ahom, a' raj lintenamit koheb' wi' chi xyeeb'al li waatin; a'aneb' raj li ke'sutq'isink reheb' wik'in re naq te'xkanab' xb'aanunkil li maa'usilal.

Jeremías 23:22 ပူးပေါင်းရင်းမြစ်များ

Zacarías 1:4

Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.

Jeremías 25:5

Eb li profetas queꞌxye e̱re, “Canabomak xba̱nunquil li ma̱usilal. Me̱ba̱nu chic li incꞌaꞌ us re nak naru texcua̱nk saꞌ li naꞌajej li quiqꞌueheꞌ e̱re la̱ex ut reheb ajcuiꞌ le̱ xeꞌto̱nil yucuaꞌ chi junelic xban li Ka̱cuaꞌ.

Jeremías 23:18

Abanan, ¿Ma cuan ta biꞌ junak naxnau cꞌaꞌru cuan saꞌ xchꞌo̱l li Ka̱cuaꞌ? ¿Ma cuan ta biꞌ junak quiril ut quirabi nak yo̱ chi a̱tinac? ¿Ma queꞌraj ta biꞌ rabinquil li ra̱tin li Ka̱cuaꞌ? ¿Ma queꞌxba̱nu ta biꞌ li cꞌaꞌru quixye?

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

Ezequiel 13:22

La̱ex xeqꞌue xrahil xchꞌo̱leb li ti̱queb xchꞌo̱l riqꞌuin li ticꞌtiꞌ xeye. La̱in incꞌaꞌ nacuaj nak teꞌxcꞌul li raylal. La̱ex xeqꞌueheb chi cacuu̱c xchꞌo̱leb li incꞌaꞌ useb xnaꞌleb. Ut incꞌaꞌ xeꞌxcanab xba̱nunquil li ma̱usilal e̱ma̱c la̱ex.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

1 Ts 5:6

Junelic yoꞌon taxak cua̱nko ut yo̱ko taxak chiroybeninquil lix cꞌulunic li Jesucristo. Incꞌaꞌ takaba̱nu joꞌ nequeꞌxba̱nu li jun chꞌol chic. Aj-ajak ban ku saꞌ li kapa̱ba̱l.

Ezequiel 3:17

—At ralal cui̱nk, la̱in xatinxakab chi cꞌanjelac joꞌ aj ilol reheb li tenamit Israel. La̱at ta̱cuabi li cꞌaꞌru tinye a̱cue ut ta̱chꞌolob lix ya̱lal chiruheb.

Ezequiel 2:7

Ta̱ye li cua̱tin reheb, usta teꞌrabi usta incꞌaꞌ, xban nak li tenamit aꞌan aj kꞌetoleb a̱tin.

Ezequiel 18:30

Ex aj Israel, la̱in tinrakok a̱tin saꞌ e̱be̱n che̱junju̱nkalex, aꞌ yal chanru le̱ yehom e̱ba̱nuhom. Jalomak e̱cꞌaꞌux ut canabomak xba̱nunquil li ma̱usilal li yo̱quex chixba̱nunquil. Me̱qꞌue e̱rib chi sachc xban le̱ ma̱c.

Jeremías 36:3

Ma̱re teꞌxcanab xba̱nunquil li ma̱usilal eb laj Judá nak teꞌrabi nak ta̱cha̱lk raylal saꞌ xbe̱neb, li nincꞌoxla xtaklanquil. Cui teꞌxjal xcꞌaꞌuxeb ut teꞌxcanab xba̱nunquil li ma̱usilal, la̱in tincuy tinsach lix ma̱queb ut lix ma̱usilal, chan li Ka̱cuaꞌ.

Jeremías 9:12

¿Ani ta biꞌ ta̱ru̱k tixtau ru cꞌaꞌru xya̱lal li yo̱ chi cꞌulma̱nc? ¿Ma cuan ta biꞌ junak quiqꞌueheꞌ xnaꞌleb xban li Ka̱cuaꞌ re ta̱ru̱k tixchꞌolob xya̱lal? ¿Cꞌaꞌut nak quisach ru li naꞌajej aꞌin? Chanchan chic li chaki chꞌochꞌ quicana. Ut ma̱ ani chic nanumeꞌ aran, chan laj Jeremías.

Jeremías 23:14

Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.

Ezequiel 13:5

Moco queꞌxyi̱b ta li tzꞌac li queꞌjuqꞌueꞌ chi moco queꞌxyi̱b li tzꞌac sutsu cuiꞌ li tenamit Israel re te̱col cuiꞌ e̱rib saꞌ li ple̱t. Eb aꞌan incꞌaꞌ queꞌxchꞌolob xya̱lal che̱ru re nak ta̱ru̱k te̱col e̱rib saꞌ li cutan nak ta̱cha̱lk li Ka̱cuaꞌ chi rakoc a̱tin saꞌ e̱be̱n.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Malaquías 2:6

Laj Leví quixchꞌolob lix ya̱lal chiruheb li tenamit ut incꞌaꞌ quiticꞌtiꞌic. Quicuan chi sum a̱tin cuiqꞌuin ut saꞌ xcꞌabaꞌ aꞌan nabaleb queꞌxcanab xba̱nunquil li ma̱usilal.