Jeremías 23:21 - Li Santil hu

²¹ Li Ka̱cuaꞌ quixye: —Usta ma̱cuaꞌ la̱in quinxakaban reheb, abanan eb aꞌan queꞌxqꞌue rib chokꞌ profeta. La̱in incꞌaꞌ queꞌcua̱tina, abanan eb aꞌan queꞌxqꞌue rib chi a̱tinac saꞌ incꞌabaꞌ.

Q'eqchi Bible

²¹ Moko laa'in ta kintaqlank reheb' li propeet a'an, chi moko kin'aatinak rik'ineb'; a'ut eb' a'an koheb' chi aatinak sa' ink'ab'a'.

Jeremías 23:21 ပူးပေါင်းရင်းမြစ်များ

Jeremías 14:14

Ut li Ka̱cuaꞌ quixye: —Li cꞌaꞌru yo̱queb chixyebal li profetas ticꞌtiꞌ. Nequeꞌxye nak yo̱queb chi a̱tinac saꞌ incꞌabaꞌ. La̱in incꞌaꞌ xebintakla, ut incꞌaꞌ xinxakabeb chi moco xina̱tinac riqꞌuineb. La̱in incꞌaꞌ xincꞌut visión chiruheb. Ticꞌtiꞌic ut balakꞌic nequeꞌxba̱nu. Yo̱queb chixyebal li cꞌaꞌru nequeꞌrecꞌa xjuneseb.

Jeremías 27:15

Li Ka̱cuaꞌ quixye nak incꞌaꞌ quixtaklaheb. Yo̱queb chi ticꞌtiꞌic nak nequeꞌa̱tinac saꞌ xcꞌabaꞌ li Dios. Joꞌcan nak li Ka̱cuaꞌ ta̱isi̱nk e̱re saꞌ le̱ naꞌaj rochbeneb le̱ profeta ut ta̱sachekꞌ e̱ru, chanquin re.

Jeremías 23:32

Yo̱ injoskꞌil saꞌ xbe̱neb li nequeꞌa̱tinac joꞌ profeta ut nequeꞌxye lix matqꞌueb li ma̱cꞌaꞌ nequeꞌoc cuiꞌ. Nequeꞌxqꞌue lin tenamit chi ma̱cobc riqꞌuin li ticꞌtiꞌ nequeꞌxye. Ma̱cuaꞌ la̱in xina̱tinac riqꞌuineb chi moco xinxakabeb chokꞌ profeta. Incꞌaꞌ nequeꞌxtenkꞌaheb lin tenamit, chan li Ka̱cuaꞌ.

Hechos 13:4

Laj Saulo ut laj Bernabé queꞌco̱eb Seleucia joꞌ quiyeheꞌ reheb xban li Santil Musikꞌej. Queꞌel aran ut queꞌco̱eb chiru haꞌ toj Chipre.

San Juan 20:21

Li Jesús quixye cuiꞌchic reheb: —Chicua̱nk taxak li tuktu̱quil usilal e̱riqꞌuin. Joꞌ nak xinixtakla chak lin Yucuaꞌ la̱in, joꞌcan ajcuiꞌ nak texintakla la̱ex, chan.

Jeremías 29:31

—Takla li esilal aꞌin reheb chixjunileb li queꞌcꞌameꞌ Babilonia ut ta̱ye reheb: Joꞌcaꞌin xye li Ka̱cuaꞌ chirix laj Semaías, Nehelam xtenamit. Laj Semaías xexbalakꞌi nak xye e̱re nak saꞌ incꞌabaꞌ x-a̱tinac. Ut aꞌan moco ya̱l ta xban nak ma̱cuaꞌ la̱in xintaklan re.

Jeremías 29:9

Eb aꞌan nequeꞌxye ticꞌtiꞌ saꞌ incꞌabaꞌ. Moco ya̱l ta nak la̱in xintaklan reheb.

Jeremías 28:15

Ut li profeta Jeremías quixye re laj Hananías: —Abi li yo̱quin chixyebal a̱cue, at Hananías. Ma̱cuaꞌ li Ka̱cuaꞌ xyehoc a̱cue li cꞌaꞌru xaye, abanan la̱at xabalakꞌiheb li tenamit riqꞌuin li ticꞌtiꞌ li xaye.

Isaías 6:8

Ut quicuabi lix ya̱b xcux li Ka̱cuaꞌ yo̱ chak chixyebal: —¿Ani tintakla? ¿Ut ani ta̱xic chokꞌ ku̱chil? chan li Ka̱cuaꞌ. Ut la̱in quinchakꞌoc ut quinye, —Cueꞌquin la̱in. Taklahin la̱in, chanquin re.

Romanos 10:15

Ut ¿chanru nak ta̱chꞌoloba̱k chak xya̱lal chiruheb cui ma̱ ani taklanbil xban li Ka̱cuaꞌ? Joꞌcaꞌin tzꞌi̱banbil saꞌ li Santil Hu: Cꞌajoꞌ xlokꞌal eb li nequeꞌxic yalak bar chixyebal resil li colba-ib, li naqꞌuehoc tuktu̱quil usilal. (Isa. 52:7)

Jeremías 27:14

Mex-abin chiruheb li profetas li nequeꞌxye e̱re nak incꞌaꞌ texcꞌanjelak chiru lix reyeb laj Babilonia xban nak eb aꞌan yo̱queb chi ticꞌtiꞌic.

Jeremías 29:8

Joꞌcaꞌin xye li Ka̱cuaꞌ li nimajcual Dios, lix Dioseb laj Israel: Me̱qꞌue e̱rib chixbalakꞌi eb li profeta ut eb laj kꞌe li cuanqueb saꞌ e̱ya̱nk, chi moco te̱rabi li cꞌaꞌru nequeꞌxye li nequeꞌmatqꞌuec.