Jeremías 23:13 - Li Santil hu

¹³ La̱in ninnau cꞌaꞌru li ma̱c nequeꞌxba̱nu lix profeteb laj Samaria. Queꞌa̱tinac saꞌ xcꞌabaꞌ li yi̱banbil dios Baal. Ut aꞌaneb li queꞌqꞌuehoc reheb lin tenamit chi ma̱cobc.

Q'eqchi Bible

¹³ “Jwal yib'ru li xb'aanuhomeb' li propeet aj Samaria: neke'aatinak sa' xk'ab'a' laj Bahal ut neke'xk'e eb' laj Israel, lintenamit, chi sachk sa' li xb'eheb'.

Jeremías 23:13 ပူးပေါင်းရင်းမြစ်များ

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

Isaías 9:16

Eb li nequeꞌcꞌamoc be, aꞌaneb li nequeꞌbalakꞌin reheb li tenamit. Ut eb li tenamit nequeꞌxpa̱b li cꞌaꞌru nequeꞌxye. Joꞌcan nak nequeꞌsach.

2 Crónicas 33:9

Abanan, laj Manasés quixcꞌam xbeheb li cuanqueb Judá ut Jerusalén chixba̱nunquil li ma̱usilal. Kꞌaxal cuiꞌchic numtajenak xyibal ru li ma̱c queꞌxba̱nu chiru li queꞌxba̱nu li tenamit li queꞌisi̱c xban li Dios nak eb laj Israel queꞌoc saꞌ li naꞌajej aꞌan.

1 Reyes 18:40

Laj Elías quixye reheb: —Chapomakeb lix profeta laj Baal. Ma̱ jun reheb te̱canab chi e̱lelic, chan. Ut queꞌxchap eb li profeta aj balakꞌ. Ut laj Elías quixye reheb nak teꞌxcꞌameb saꞌ li nimaꞌ Cisón ut aran quixcamsiheb chi chꞌi̱chꞌ.

Jeremías 23:32

Yo̱ injoskꞌil saꞌ xbe̱neb li nequeꞌa̱tinac joꞌ profeta ut nequeꞌxye lix matqꞌueb li ma̱cꞌaꞌ nequeꞌoc cuiꞌ. Nequeꞌxqꞌue lin tenamit chi ma̱cobc riqꞌuin li ticꞌtiꞌ nequeꞌxye. Ma̱cuaꞌ la̱in xina̱tinac riqꞌuineb chi moco xinxakabeb chokꞌ profeta. Incꞌaꞌ nequeꞌxtenkꞌaheb lin tenamit, chan li Ka̱cuaꞌ.

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

Oseas 4:11

Ut quixye ajcuiꞌ li Ka̱cuaꞌ: —Yo̱ chi sachc xnaꞌlebeb lin tenamit xban li cala̱c ut li ucꞌac vino ut xban li coꞌbe̱tac yumbe̱tac nequeꞌxba̱nu.

Oseas 4:12

Lin tenamit yo̱queb chixtzꞌa̱manquil xnaꞌlebeb chiru li pechꞌbil dios cheꞌ. ¿Ma ta̱qꞌuehekꞌ ta biꞌ xnaꞌlebeb xban li yal cheꞌ? Lin tenamit chanchan li ixakilbej nayumbe̱tac xban nak xineꞌxtzꞌekta̱na ut yo̱queb xsicꞌbal jalan chic xdioseb.

Miqueas 1:5

Chixjunil aꞌin ta̱cꞌulma̱nk xban li ma̱c li yo̱queb chixba̱nunquil laj Israel, li ralal xcꞌajol laj Jacob, ut xban nak queꞌxkꞌetkꞌeti ribeb chiru li Dios. ¿Ani cuan re nak queꞌxkꞌetkꞌeti ribeb laj Israel? ¿Ma ma̱cuaꞌ ta biꞌ li tenamit Samaria? Ut, ¿ani cuan re nak queꞌxlokꞌoni li yi̱banbil dios aran Judá? ¿Ma ma̱cuaꞌ ta biꞌ li tenamit Jerusalén?