Jeremías 23:10 - Li Santil hu

¹⁰ Saꞌ li naꞌajej aꞌin nabaleb li nequeꞌxmux ru xsumlajiqueb. Eb li tenamit yalyo̱queb xkꞌe chixba̱nunquil li ma̱usilal. Xban nak li cuanqueb saꞌ xcuanquil nequeꞌxba̱nu li cꞌaꞌru nequeꞌraj xjuneseb, joꞌcan nak li Ka̱cuaꞌ quixtzꞌekta̱na li chꞌochꞌ. Chaki chic li chꞌochꞌ ut chaki chic li pachꞌayaꞌ.

Q'eqchi Bible

¹⁰ Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.

Jeremías 23:10 ပူးပေါင်းရင်းမြစ်များ

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Jeremías 9:2

Cui cuan ta inmuheba̱l saꞌ li chaki chꞌochꞌ bar ta̱ru̱k tincua̱nk cuiꞌ, tine̱lk raj saꞌ xya̱nkeb lin tenamit xban nak moco cha̱bileb ta. Chixjunileb nequeꞌbalakꞌic ut nequeꞌxlokꞌoni li jalanil dios, chan laj Jeremías.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Isaías 24:6

Xban li ma̱usilal li queꞌxba̱nu quisacheꞌ ru li ruchichꞌochꞌ. Ut eb li cristian yo̱queb chixtojbal rix li ma̱c queꞌxba̱nu. Moco qꞌuiheb ta chic li teꞌcana̱k.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

1 Timoteo 1:10

Li chakꞌrab reheb laj coꞌbe̱t laj yumbe̱t ut reheb li nequeꞌma̱cob riqꞌuin rech cui̱nkilal rech ixkilal. Reheb ajcuiꞌ li nequeꞌelkꞌac cristian. Reheb ajcuiꞌ li nequeꞌticꞌtiꞌic ut li nequeꞌxpatzꞌ xcꞌabaꞌ li Dios riqꞌuin yoꞌobanbil a̱tin. Li chakꞌrab reheb chixjunileb li nequeꞌxba̱nu li cꞌaꞌak chic re ru chi ma̱usilal li napoꞌoc ru li katijbal li tzꞌakal ya̱l.

Joel 1:10

Ra saꞌ xchꞌo̱l li chꞌochꞌ xban nak ma̱cꞌaꞌ chic cuan chiru. Xeꞌchakic li trigo ut xeꞌchakic lix cheꞌel li uvas, ut ma̱cꞌaꞌ chic li aceite xban nak xeꞌchakic lix cheꞌel li olivo.

Jeremías 14:2

Quixye: —Eb laj Judá yo̱queb chi ya̱bac xban li raylal li yo̱queb chixcꞌulbal. Kꞌaxal ra yo̱queb chixcꞌulbal lix tenamiteb. Chunchu̱queb li cristian saꞌ chꞌochꞌ xban xrahil xchꞌo̱leb. Ut eb laj Jerusalén yo̱queb chi ya̱bac xban li raylal li yo̱queb chixcꞌulbal.

Jeremías 7:9

La̱ex nequex-elkꞌac, nequexcamsin, nequemux ru le̱ sumlajic, nequepatzꞌ xcꞌabaꞌ li Dios chi ma̱cꞌaꞌ rajbal, nequecꞌat li pom chiru li yi̱banbil dios Baal ut nequelokꞌoniheb li yi̱banbil dios li incꞌaꞌ quenau chak ru junxil.

Levítico 5:1

Cui junak ta̱bokekꞌ chokꞌ testigo chirix junak cꞌaꞌak re ru quiril malaj quirabi, ut aꞌan incꞌaꞌ tixye lix ya̱lal, aꞌan cuan xma̱c.

Isaías 5:18

Raylal ta̱cha̱lk saꞌ e̱be̱n la̱ex li nequexcꞌamoc chak ma̱usilal riqꞌuin ticꞌtiꞌ. Chanchan li bacꞌbo che̱rix; joꞌ ajcuiꞌ la̱ex li nequexcꞌamoc chak re li ma̱c li chanchan li yo̱quex chixquelonquil che̱rix.

Jeremías 9:12

¿Ani ta biꞌ ta̱ru̱k tixtau ru cꞌaꞌru xya̱lal li yo̱ chi cꞌulma̱nc? ¿Ma cuan ta biꞌ junak quiqꞌueheꞌ xnaꞌleb xban li Ka̱cuaꞌ re ta̱ru̱k tixchꞌolob xya̱lal? ¿Cꞌaꞌut nak quisach ru li naꞌajej aꞌin? Chanchan chic li chaki chꞌochꞌ quicana. Ut ma̱ ani chic nanumeꞌ aran, chan laj Jeremías.

Jeremías 12:11

Ma̱cꞌaꞌ chic na-oc cuiꞌ queꞌxcanab li naꞌajej. Ma̱cꞌaꞌ chic cuan chi saꞌ. Chanchan li chaki chꞌochꞌ quicana ut ma̱ ani na-oc xcꞌaꞌux chirilbal.

Oseas 7:4

Ut chixjunileb nequeꞌyumbe̱tac nequeꞌcoꞌbe̱tac. Chanchaneb jun li horno li quiqꞌueheꞌ xxam chi saꞌ, abanan incꞌaꞌ quiqꞌueheꞌ xxamlel chi us toj nak ac xyokꞌi̱c ut ac xsi̱poꞌ lix kꞌemal li caxlan cua.

Esdras 10:18

Aꞌaneb aꞌin li ralal xcꞌajoleb laj tij li queꞌxsicꞌ rixakileb saꞌ xya̱nkeb li jalaneb xtenamit: xcomoneb li ralal laj Jesúa, ralal laj Josadac, ut xcomoneb li ri̱tzꞌin, aꞌaneb laj Maasías, laj Eliezer, laj Jarib ut laj Gedalías.

Jeremías 6:13

Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

Sofonías 3:4

Lix profeteb aj ticꞌtiꞌeb ut kꞌetkꞌeteb. Ut eb laj tij queꞌxmux ru li templo ut queꞌxjal ru lix chakꞌrab li Dios ut incꞌaꞌ queꞌxba̱nu chi tzꞌakal re ru.