Jeremías 23:1 - Li Santil hu

¹ Raylal ta̱cha̱lk saꞌ xbe̱neb li nequeꞌcꞌamoc be saꞌ xya̱nkeb lin tenamit xban nak xeꞌxcanab chi jeqꞌui̱c ruheb lin tenamit ut xeꞌxcanab chi sachecꞌ ruheb.

Q'eqchi Bible

¹ “Ra chaalel sa' xb'eeneb' li neke'kanab'ank chi sachk ut chi cha'cha'inb'ileb' linkarneer”, chan li Qaawa'.

Jeremías 23:1 ပူးပေါင်းရင်းမြစ်များ

Jeremías 10:21

Ma̱cꞌaꞌeb xnaꞌleb li nequeꞌcꞌamoc be chiku. Incꞌaꞌ nequeꞌxsicꞌ xnaꞌleb riqꞌuin li Dios. Joꞌcan nak queꞌpaltoꞌ. Xban aꞌan nak cojeqꞌui̱c yalak bar.

Ezequiel 13:3

Joꞌcaꞌin xye li nimajcual Dios: Ra ta̱cha̱lk saꞌ xbe̱neb li profeta li yal xjuneseb rib nequeꞌxcꞌoxla li cꞌaꞌru nequeꞌxye ut ma̱cꞌaꞌ quicꞌutbesi̱c chiruheb.

San Mateo 9:36

Ut nak quirileb li qꞌuila tenamit, quixtokꞌobaheb ru xban nak tacuajenakeb ut raheb saꞌ xchꞌo̱l. Chanchaneb li carner li ma̱cꞌaꞌ aj ilol reheb.

Jeremías 22:22

Teꞌcꞌamekꞌ che̱ru chixjunileb li nequeꞌcꞌamoc be che̱ru. Chanchan nak teꞌcꞌamekꞌ xban ikꞌ. Teꞌcꞌamekꞌ saꞌ jalan naꞌajej chixjunileb li xeꞌxjunaji ribeb e̱riqꞌuin. Ta̱cubsi̱k e̱cuanquil ut xuta̱nal texcana̱k xban le̱ ma̱usilal.

Jeremías 12:10

Nabaleb li jalan tenamit li cuanqueb xcuanquil xeꞌxsach ru lix naꞌaj li cuacui̱mk. Xeꞌxyekꞌi saꞌ rokeb li cuacui̱mk. Ut xeꞌxsukꞌisi lin cha̱bil naꞌaj joꞌ chaki chꞌochꞌ xban nak ma̱cꞌaꞌ chic cuan aran.

Jeremías 50:6

Eb lin tenamit chanchaneb li carner li queꞌbalakꞌi̱c xbaneb laj ilol reheb ut queꞌxchaꞌchaꞌi ribeb yalak bar saꞌ xya̱nkeb li cocꞌ bol ut eb li tzu̱l. Quisach chiruheb lix naꞌajeb li teꞌhila̱nk raj cuiꞌ.

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

San Juan 10:12

Junak tojbil mo̱s ma̱cuaꞌ tzꞌakal pastor xban nak ma̱cuaꞌ aꞌan laj e̱chal re li carner. Naril nak yo̱ chi cha̱lc laj xoj, naxcanabeb li carner ut nae̱lelic. Ut laj xoj naxchapeb li carner ut naxchaꞌchaꞌi ruheb.

San Juan 10:10

Laj e̱lkꞌ nachal chi elkꞌac ut chi camsi̱nc ut chi sachoc. La̱in xinchal re nak ta̱cua̱nk e̱yuꞌam chi tzꞌakal. Ta̱cua̱nk e̱yuꞌam chi junelic.

Jeremías 23:2

Aꞌan aꞌin li naxye li Ka̱cuaꞌ lix Dioseb laj Israel reheb laj cꞌamol be li sicꞌbileb ru chirilbal lix tenamit: —La̱ex incꞌaꞌ xerileb chi us lin tenamit. Xejeqꞌui ban ruheb ut xecanabeb chi e̱lelic. Joꞌcan nak la̱in texinqꞌue chixtojbal e̱ma̱c xban li ma̱usilal xeba̱nu.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Ezequiel 34:31

La̱ex aj Israel, la̱ex lin carner. La̱in ninchꞌolanin e̱re. La̱ex lin tenamit ut la̱in le̱ Dios, chan li nimajcual Dios.

Ezequiel 34:21

La̱ex nequetiquisiheb li ma̱cꞌaꞌeb xmetzꞌe̱u riqꞌuin le̱ tel ut nequexekꞌeb toj retal nequera̱linaheb ut nequejeqꞌui ruheb.

Jeremías 2:26

La̱ex aj Israel, xecꞌut e̱xuta̱n joꞌ nak nacꞌuteꞌ xxuta̱n laj e̱lkꞌ nak nataꞌli chi elkꞌac. Jun xiquic nak xecꞌut e̱xuta̱n la̱ex ut eb le̱ rey, joꞌ eb li cuanqueb saꞌ xcuanquil ut eb laj tij ut eb li profetas.

San Juan 10:8

Chixjunileb li queꞌcꞌulun xbe̱n cua chicuu la̱in, aꞌaneb aj e̱lkꞌeb ut aj balakꞌeb. Ut eb li nequeꞌpa̱ban cue, incꞌaꞌ nequeꞌxpa̱b li cꞌaꞌru nequeꞌxye.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Ezequiel 36:38

Xban xqꞌuialeb chanchanakeb li carner li nequeꞌmayeja̱c Jerusalén saꞌ xkꞌehil eb li ninkꞌe. Kꞌaxal nabalakeb chic li cristian saꞌ eb li tenamit li chanchan chaki chꞌochꞌ nak quicuan. Ut riqꞌuin aꞌin teꞌxnau nak la̱in li Ka̱cuaꞌ, chan li Dios.

Ezequiel 34:1

Li Ka̱cuaꞌ quia̱tinac cuiqꞌuin ut quixye cue:

Zacarías 10:3

Li nimajcual Dios quixye: —Cꞌajoꞌ injoskꞌil saꞌ xbe̱neb li nequeꞌtaklan saꞌ xbe̱neb lin tenamit. La̱in tinqꞌueheb chixtojbal xma̱queb xban nak incꞌaꞌ xeꞌcꞌamoc be chiruheb saꞌ ti̱quilal. Abanan lin tenamit Judá la̱in tincuil xtokꞌoba̱leb ru. Tintenkꞌaheb ut cauhakeb chic rib joꞌ eb li cacua̱y li nequeꞌxic saꞌ ple̱t.